ఇది మేడ్ ఇన్ ఇండియా ఎలక్ట్రిక్ బస్సు.. పేరు ఎకా ఈ9 (EKA E9)

ఎకా (EKA) అనేది దాదాపు 20 సంవత్సరాలుగా వాణిజ్య వాహనాల క్యాబిన్ డిజైన్‌లో ప్రత్యేకత కలిగిన ఎలక్ట్రిక్ వాహనాల తయారీ సంస్థ అయిన పినాకిల్ ఇండస్ట్రీస్ (Pinnacle Industries) యొక్క అనుబంధ సంస్థ. ఈ కంపెనీ తయారు చేసిన ఎకా ఈ9 (Eka E9) ఎలక్ట్రిక్ బస్సు ఈ ఈవీ బ్రాండ్ నుండి వచ్చిన 9 మీటర్ల ఫుల్ ఎలక్ట్రిక్ మరియు కంప్లీట్ జీరో ఎమిషన్ బస్సు. ఎకా ఈ9 ఎలక్ట్రిక్ బస్సును ప్రత్యేకించి వాణిజ్య వినియోగం మరియు కార్పోరేట్ సంస్థల వినియోగం కోసం తయారు చేయబడింది.

మహారాష్ట్ర రాష్ట్ర పర్యాటక మరియు పర్యావరణ మంత్రి ఆదిత్య థాకరే మరియు ఎకా అండ్ పినాకిల్ ఇండస్ట్రీస్ చైర్మన్ సుధీర్ మెహతా సమక్షంలో పూణెలో ఈ ఎలక్ట్రిక్ బస్సును ఆవిష్కరించారు. ఎకా ఈ9 ఎలక్ట్రిక్ బస్సు చూడటానికి సాంప్రదాయ డీజిల్ ఇంజన్ బస్స మాదిరిగానే కనిపిస్తుంది. కాకపోతే, దీని ముందు భాగంలో బంపర్ డిజైన్ వెరైటీగా ఉంటుంది. కంపెనీ ఈ ఎలక్ట్రిక్ బస్సును పూర్తిగా స్టెయిన్‌లెస్ స్టీల్ ఛాసిస్‌పై ఆధారపడి తయారు చేసింది. కాబట్టి, ఇది తప్పు అవకాశం లేదు.

సాంప్రదాయ ఇంధన బస్సులతో పోల్చుకుంటే, ఎకా ఈ9 ఎలక్ట్రిక్ బస్సు వినియోగదారులకు చాలా లాభదాయకంగా ఉంటుందని కంపెనీ పేర్కొంది. భారతదేశంలో తయారు చేయబడిన ఈ మేడ్ ఇన్ ఇండియా ఎలక్ట్రిక్ బస్సు, ప్రయాణీకులకు శబ్ధం మరియు కంపనం (సౌండ్ అండ్ వైబ్రేషన్) లేని మరియు పర్యావరణ సాన్నిహిత్యమైన ప్రయాణ అనుభూతిని అందిస్తుందని కంపెనీ తెలిపింది. మెరుగైన ప్రయాణ అనుభూతి కోసం ఇందులో ఫ్రంట్ అండ్ రియర్ ఎయిర్ సస్పెన్షన్ సిస్టమ్‌లు ఉంటాయి.

ఈ ఎలక్ట్రిక్ బస్సులో డ్రైవర్ మరియు ప్రత్యేక అవసరాలు ఉన్న ప్రయాణీకులు మినహా అన్ని సాధారణ పౌరుల కోసం మొత్తం 31 సీట్లు ఉంటాయి. మొత్తం 2500 మి.మీ వెడల్పు ఉన్న ఈ బస్సులో నిల్చుని ప్రయాణించేందుకు విశాలమైన స్థలం కూడా ఉంటుంది. పిల్లలు, మైనర్లు మరియు వృద్ధులు సులభంగా ఉపయోగించేందుకు వీలుగా ఇందులో ప్రవేశ మరియు నిష్క్రమణ తలుపులు భూమికి చాలా తక్కువ ఎత్తులో అమర్చబడి ఉంటాయి. ఇవి భూమి నుండి కేవలం 650 మి.మీ ఎత్తులో ఉంటాయి.

డ్రైవర్ క్యాబిన్‌లో ఆటో-డ్రైవ్ ఫీచర్ మరియు పవర్-అసిస్టెడ్ ఇన్ఫీరియర్ టెలిస్కోపిక్ స్టీరింగ్ వంటి ముఖ్యమైన సేఫ్టీ అండ్ కంఫర్ట్ ఫీచర్లు కూడా ఉన్నాయి. ఎకా ఈ9 ఎలక్ట్రిక్ బస్సు ముందు భాగపు డిజైన్ ఓ స్మైలీ ఫేస్‌ను తలపిస్తుంది. లాటరల్ బాడీ షాఫ్ట్‌లు బస్సు ఆపరేషన్ సమయంలో ఎదుర్కొనే గాలిని తట్టుకునేలా రూపొందించబడ్డాయి. లోపలి ప్రయాణికుల కోసం విండో పేన్‌లు బాగా వెడల్పుగా ఉంటాయి మరియు విహారయాత్ర సమయంలో నగరాన్ని మరింత అందంగా చూపించడంలో సహయాపడుతాయి.

ఇక పవర్‌ట్రైన్ విషయానికి వస్తే, ఈ EKA E9 ఎలక్ట్రిక్ బస్సులో అమర్చిన శక్తివంతమైన ఎలక్ట్రిక్ మోటార్ గరిష్టంగా 200 kW శక్తిని మరియు 2500 Nm టార్క్‌ ను ఉత్పత్తి చేస్తుంది. ఇది ఆన్-బోర్డ్ లిథియం-ఐయాన్ బ్యాటరీ ప్యాక్‌ సాయంతో పనిచేస్తుంది. అయితే, దీని రేంజ్ మరియు చార్జింగ్ టైమ్ వంటి విషయానలు కంపెనీ ఇంకా అధికారికంగా వెల్లడించలేదు. ఎకా ఈ9 ఎలక్ట్రిక్ బస్సులో ట్రాక్షన్ కంట్రోల్ మరియు రీజెనరేటివ్ బ్రేకింగ్ సిస్టమ్‌ వంటి ఫీచర్లు కూడా ఉన్నాయి.

ఎకా ఈ9 (EKA E9) ఎలక్ట్రి బస్సులో ఉండే అన్ని సాంకేతిక సౌకర్యాలను ఏకీకృతం చేయడానికి, ఇందులో ఓ వెహికల్ కంట్రోల్ యూనిట్‌ కూడా ఉంటుంది. దీనిని పినాకిల్ ఇండస్ట్రీస్ తన స్వంత చొరవతో రూపొందించింది. తయారీదారు ప్రకారం, ఈ ఎలక్ట్రిక్ బస్సు యొక్క బాడీని స్టెయిన్‌లెస్ స్టీల్‌తో రస్ట్‌లెస్‌గా రూపొందించబడింది. సమర్థవంతమైన బ్రేకింగ్ కోసం ఈ బస్సు ముందు మరియు వెనుక చక్రాలపై డిస్క్ బ్రేక్‌లు అమర్చబడి ఉంటాయి. ఇంకా ఇందులో CCS2 ప్రోటోకాల్ క్విక్ ఛార్జర్, 4 కెమెరాలు, ఎమర్జెన్సీ స్టాప్ బటన్, అగ్నిమాపక యంత్రం మరియు ప్రయాణీకుల భద్రత కోసం ఆటోమేటిక్ డ్రైవర్ అసిస్టెన్స్ సిస్టమ్ (ADAS) వంటి ఫీచర్లను కూడా కలిగి ఉంటుంది.

ఈ ఎలక్ట్రిక్ బస్సు తక్కువ గురుత్వాకర్షణ శక్తితో రూపొందించబడిన కారణంగా, ఇది అధిక వేగంతో ప్రయాణిస్తున్నప్పుడు మలుపుల వద్ద కూడా ప్రయాణీకుల భద్రతను నిర్ధారిస్తుందని చెప్పబడింది. భారత ప్రభుత్వ ఛాంపియన్ OEM ప్రోగ్రామ్ మరియు EV విడిభాగాల తయారీదారుల ప్రోగ్రామ్ కింద గుర్తింపు పొందిన ఏకైక వాణిజ్య వాహన తయారీ సంస్థ పినాకిల్ ఇండస్ట్రీస్. ఈ ఎలక్ట్రిక్ బస్సుకు సంబంధించిన మరింత సమాచారం కోసం, https://ekamobility.com వెబ్‌సైట్ ని సందర్శించవచ్చు.