ఆగష్టు 12 న ఆవిష్కరణకు సిద్దమైన 'మహీంద్రా స్కార్పియో క్లాసిక్': వివరాలు

కంపెనీ అందించిన సమాచారం ప్రకారం, కొత్త స్కార్పియో క్లాసిక్‌ ఆగస్టు 12 న ఉదయం 11.30 గంటలకు ఆవిష్కరించనున్నట్లు తెలిసింది. అయితే ఈ కొత్త అప్డేటెడ్ మోడల్ యొక్క ధరలు వెల్లడైన తరువాత, ఇప్పటికే దేశీయ మార్కెట్లో విడుదలైన కొత్త మహీంద్రా స్కార్పియో-ఎన్ తో పాటు విక్రయించబడుతుంది.

మహీంద్రా కంపెనీ విడుదల చేయనున్న కొత్త స్కార్పియో క్లాసిక్ మొత్తం రెండు వేరియంట్స్ లో అందుబాటులో ఉండనుంది. అవి క్లాసిక్ S మరియు క్లాసిక్ S11 వేరియంట్స్. ఇవి రెండు సీట్ల కాన్ఫిగరేషన్స్ లో అందుబాటులోకి రానున్నట్లు కూడా సమాచారం. అవి 7-సీట్లు మరియు 9-సీట్లు. కావున వాహన వినియోగదారులు తమకు నచ్చిన వేరియంట్ ఎంచుకునే అవకాశం ఉంది.

కొత్త మహీంద్రా స్కార్పియో క్లాసిక్ 2.2-లీటర్ mHawk డీజిల్ ఇంజన్ పొందుతుంది. ఇది 137 బిహెచ్‌పి పవర్ మరియు 319 ఎన్ఎమ్ టార్క్ ప్రొడ్యూస్ చేస్తుంది. ఇది 6-స్పీడ్ మాన్యువల్ గేర్‌బాక్స్‌ని స్టాండర్డ్‌గా పొందుతుంది, అయితే ఆటోమేటిక్ గేర్‌బాక్స్ మరియు 4x4 సిస్టమ్‌ను తొలగించే అవకాశం ఉంది.

మహీంద్రా స్కార్పియో క్లాసిక్ ఇప్పటికే డీలర్‌షిప్‌లను చేరుకోవడం ప్రారభించింది. అయితే ఈ మోడల్ దాదాపు దాని మునుపటి మోడల్ ని గుర్తు చేసినప్పటికీ.. ఇందులో కొన్ని అప్డేటెడ్ ఫీచర్స్ మరియు డిజైన్ వంటివి లేకపోలేదు. కావున కొత్త క్లాసిక్ యొక్క ముందు భాగంలో కొత్త మహీంద్రా లోగో మరియు 6 క్రోమ్ స్లాట్స్ వంటివి ఉన్నాయి. ఇవి ఈ వెహికల్ కి కొత్త రూపాన్ని అందిస్తాయి. కావున చూడటానికి చాలా ఆకర్షణీయంగా ఉంటుంది.

ఇది మాత్రమే కాకుండా.. ఫాగ్ లైట్ క్లస్టర్ పైన ఉన్న LED DRL లతో కూడిన కొత్త ఫ్రంట్ బంపర్, కొత్త డ్యూయల్-టోన్ అల్లాయ్ వీల్స్ మరియు ట్వీక్ చేయబడిన LED టెయిల్ లైట్ సెటప్‌ వంటివి కూడా ఇందులో ఉన్నాయి. మొత్తం మీద కంపెనీ ఈ కొత్త అప్డేటెడ్ మోడల్ ని త్వరలోనే విడుదల చేసే అవకాశం ఉంది.

మహీంద్రా కంపెనీ తన కొత్త స్కార్పియో క్లాసిక్ యొక్క ధరలను ఇంకా అధికారికంగా వెల్లడించలేదు. అయితే దీని ధర స్కార్పియో-ఎన్ కంటే కూడా తక్కువగా ఉండే అవకాశం ఉంటుంది. కావున మహీంద్రా స్కార్పియో క్లాసిక్ [ప్రారంభ ధర రూ. 10 లక్షలు ఉంటుంది.

ప్రస్తుతం దేశీయ మార్కెట్లో మహీంద్రా యొక్క స్కార్పియో-ఎన్ ప్రారంభ ధర రూ. 11.99 లక్షలు (ఎక్స్-షోరూమ్) కాగా, టాప్-స్పెక్ వేరియంట్ ధర రూ. 19.49 లక్షలు (ఎక్స్-షోరూమ్). 2022 మహీంద్రా స్కార్పియో-ఎన్ Z2, Z4, Z6, Z8 మరియు Z8L వంటి 5 వేరియంట్‌లలో విడుదలయ్యింది.

దేశీయ వాహన తయారీ సంస్థ మహీంద్రా అండ్ మహీంద్రా ఇటీవల విడుదల చేసిన మహీంద్రా స్కార్పియో-ఎన్ మంచి బుకింగ్స్ పొందుతోంది. ఇప్పటికే ఈ కొత్త మోడల్ కోసం కంపెనీ 1 లక్ష కంటే ఎక్కువ బుకింగ్స్ పొందగలిగింది.

మహీంద్రా స్కార్పియో-ఎన్ రెండు ఇంజిన్ ఆప్సన్స్ పొందుతుంది. ఇందులో ఒకటి 2.2-లీటర్ టర్బోచార్జ్డ్ డీజిల్ ఇంజన్ ఇది 175 పిఎస్ పవర్ మరియు 400 ఎన్ఎమ్ టార్క్ ఉత్పత్తి చేస్తుంది. ఇది 6-స్పీడ్ మ్యాన్యువల్ మరియు 6-స్పీడ్ ఆటోమేటిక్ గేర్‌బాక్స్ ఆప్షన్లతో లేస్తుంది.

ఇక రెండవ ఇంజిన్ 2.0-లీటర్ టర్బోచార్జ్డ్ పెట్రోల్ విషయానికి వస్తే, ఇది 203 పిఎస్ పవర్ మరియు 380 ఎన్ఎమ్ టార్క్ ప్రొడ్యూస్ చేస్తుంది. ఇది కూడా 6-స్పీడ్ మ్యాన్యువల్ మరియు 6-స్పీడ్ ఆటోమేటిక్ గేర్‌బాక్స్ ఆప్షన్లను పొందుతుంది. మహీంద్రా స్కార్పియో-ఎన్ 6-సీట్లు మరియు 7-సీట్ల ఆప్సన్స్ తో అందుబాటులో ఉంది.

డ్రైవ్‌స్పార్క్ అభిప్రాయం:

భారతీయ మార్కెట్లో ఇప్పటికే చాలామంది వాహన ప్రియుల మనసు దోచిన స్కార్పియో ఇప్పుడు ఆధునిక అప్డేట్స్ తో రావడం గుడ్ న్యూస్ అనే చెప్పాలి. ఈ లేటెస్ట్ మోడల్ తప్పకుండా స్కార్పియో ప్రియులు మరింత ఆకట్టుకునే అవకాశం ఉంటుందని ఆశిస్తున్నాము.