టాటా ఆల్ట్రోజ్ (Tata Altroz) ఆటోమేటిక్ వేరియంట్ వస్తోంది.. టీజర్ వీడియో విడుదల

ఈ టీజర్ లో టాటా మోటార్స్ తమ కొత్త ఆల్ట్రోజ్ హ్యాచ్‌బ్యాక్ యొక్క ఆటోమేటిక్ వేరియంట్ గురించి హైలైట్ చేసింది మరియు త్వరలోనే ఈ వేరియంట్ మార్కెట్లోకి రాబోతోందని కంపెనీ పేర్కొంది. ఈ ప్రీమియం హ్యాచ్‌బ్యాక్ యొక్క టర్బో పెట్రోల్ ఇంజన్‌ ఆప్షన్ తో కంపెనీ ఇందులో డిసిటి (DCT) ఆటోమేటిక్ గేర్‌బాక్స్ ఆప్షన్ ను అందించబోతోంది. ప్రస్తుతం, ఈ టర్బో పెట్రోల్ ఇంజన్ 5 స్పీడ్ మ్యాన్యువల్ గేర్‌బాక్స్‌తో అందుబాటులో ఉంది, ఈ ఇంజన్ 109 bhp శక్తిని మరియు 140 Nm టార్క్‌ను అందిస్తుంది.

టాటా మోటార్స్ ఈ కారును జనవరి 2020లో భారత మార్కెట్లో విడుదల చేసింది. కాగా, కంపెనీ ఇప్పుడు దాని ఆటోమేటిక్ వేరియంట్ తీసుకురాబోతోంది. కంపెనీ గత కొంత కాలంగా టాటా ఆల్ట్రోజ్ యొక్క ఆటోమేటిక్ వేరియంట్‌ను నిరంతరం భారత రోడ్లపై పరీక్షిస్తోంది. గతంలో, ఇందుకు సంబంధించిన స్పై చిత్రాలు కూడా ఇంటర్నెట్ లో లీక్ అయ్యాయి. దీనిని పెట్రోల్ ఇంజన్ ఆప్షన్‌తో మాత్రమే తీసుకురాగలదని మరియు ఇది త్వరలో ప్రారంభించబడుతుందని భావిస్తున్నారు.

టాటా ఆల్ట్రోజ్ ప్రీమియం హ్యాచ్‌బ్యాక్‌లో కొత్తగా రాబోయే ఆటోమేటిక్ వేరియంట్ తో వినియోగదారులకు ఎంచుకోవడానికి మరిన్ని ఆప్షన్లు అందుబాటులోకి వస్తాయి. ప్రస్తుతం, టాటా మోటార్స్ భారత మార్కెట్లో అందుబాటులో ఉన్న అత్యంత సురక్షితమైన కార్లలో ఒకటిగా ఉంది. ఎందుకంటే, ఇది గ్లోబల్ ఎన్‌క్యాప్ క్రాష్ టెస్టులో 5-స్టార్ సేఫ్టీ రేటింగ్ ను దక్కించుకుంది. ఇది ఈ విభాగంలో మారుతి సుజుకి బాలెనో, హ్యుందాయ్ ఐ20, టొయోటా గ్లాంజా మరియు హోండా జాజ్ వంటి మోడళ్లతో పోటీ పడుతుంది.

పైన తెలిపిన అన్ని మోడళ్లలో చాలా వరకు ఆటోమేటిక్ వేరియంట్‌లు అందుబాటులో ఉన్నాయి. ఈ నేపథ్యంలో, టాటా మోటార్స్ ఆటోమేటిక్ ఆల్ట్రోజ్ కారును కోరుకునే కస్టమర్ల కోసం ఇందులో డిసిటి వెర్షన్ ను ప్రవేశపెట్టేందుకు సిద్ధమైంది. చాలా మంది కస్టమర్లు పెట్రోల్‌తో పాటు ఆటోమేటిక్‌ను ఎంచుకున్నప్పటికీ, డీజిల్‌ కారును ఎంచుకునే వారు మాత్రం మాన్యువల్‌ గేర్‌బాక్స్ ఆప్షన్ నే ఎక్కువగా ఇష్టపడతాయి. వీరిలో మొదటిసారిగా కారు కొనుగోలు చేసేవారు, మహిళలు, వృద్ధులు, వాడుకలో సౌలభ్యం కారణంగా ఆటోమేటిక్ గేర్‌బాక్స్‌లను ఇష్టపడతారు.

ఇదిలా ఉంటే, టాటా ఆల్ట్రోజ్ ప్రీమియం హ్యాచ్‌బ్యాక్ ను కంపెనీ త్వరలోనే ఓ కొత్త కలర్ ఆప్షన్‌లో కూడా తీసుకురావచ్చని తెలుస్తోంది. టాటా ఆల్ట్రోజ్ ఇటీవల బ్లూ కలర్‌లో కనిపించింది, ఇది ఒపల్ బ్లూలో ఉంది. అయితే, కంపెనీ ఇంకా ఈ కలర్ ఆప్షన్ ను తమ అధికారిక వెబ్‌సైట్‌లో అప్‌డేట్ చేయలేదు. ప్రస్తుతం, టాటా ఆల్ట్రోజ్ ప్రీమియం హ్యాచ్‌బ్యాక్ మొత్తం 6 కలర్ ఆప్షన్‌లలో అందుబాటులో ఉంది, త్వరలోనే ఇందులో కొత్త కలర్ ఆప్షన్ కూడా తీసుకువచ్చే అవకాశం ఉంది..

టాటా ఆల్ట్రోజ్ ప్రస్తుతం హై స్ట్రీట్ గోల్డ్, డౌన్‌టౌన్ రెడ్, ఆర్కేడ్ గ్రే, కాస్మో డార్క్, హార్బర్ బ్లూ మరియు అవెన్యూ వైట్‌లలో కొనుగోలు చేయడానికి అందుబాటులో ఉంది. కాస్మో డార్క్ డార్క్ ఎడిషన్‌లో మాత్రమే అందుబాటులో ఉంచబడినప్పటికీ, హై స్ట్రీట్ బ్లూ మరియు హార్బర్ బ్లూలు XM+ వేరియంట్ లేదా అంతకంటే ఎక్కువ వేరియంట్లలో మాత్రమే అందుబాటులో ఉన్నాయి. కొత్తగా రాబోయే టాటా ఆల్ట్రోజ్ ఆటోమేటిక్, కొత్త నీలం రంగులో చాలా ఆకర్షణీయంగా కనిపిస్తుంది.

టాటా మోటార్స్ తమ ఆల్ట్రోజ్ ప్రీమియం హ్యాచ్‌బ్యాక్ ను భారత మార్కెట్లో విడుదల చేసి దాదాపు రెండేళ్లు కావస్తున్న సందర్భంగా, కంపెనీ ఈ మోడల్ యొక్క రెండవ వార్షికోత్సవాన్ని జరుపుకుంటోంది. ఈ సందర్భంగా, కంపెనీ డార్క్ ఎడిషన్‌లో ఆల్ట్రోజ్ యొక్క XT మరియు XZ+ (డీజిల్) ట్రిమ్‌లను అందుబాటులోకి తెచ్చింది. జూలై 2021లో ప్రారంభించినప్పటి నుండి, Altroz ​​Dark Edition కస్టమర్ల నుండి మంచి ఆదరణ పొందింది. ఆల్ట్రోజ్ డార్క్ ఎడిషన్‌లో మరిన్ని అదనపు ట్రిమ్‌లను అందించాలని కస్టమర్లు కోరుకుంటున్నారు.