2022 జనవరిలో పెరిగిన Tata Motors సేల్స్: పూర్తి వివరాలు

టాటా మోటార్స్ విడుదల చేసిన ఈ గణాంకాల ప్రకారం, కంపెనీ మొత్తం 40,777 యూనిట్ల వాహనాలను విక్రయించినట్లు తెలుస్తుంది. అమ్మకాల్లో కంపెనీ మునుపటికంటే ఎక్కువ వృద్ధిని నమోదు చేసింది. దీనితో పాటు, కంపెనీ 28,108 యూనిట్ల SUV లను మరియు గరిష్టంగా 2892 యూనిట్ల ఎలక్ట్రిక్ వాహనాలను విక్రయించింది. కంపెనీ మొత్తం 76,210 యూనిట్ల వాహనాలను విక్రయించింది, ఇందులో వాణిజ్య వాహనాలు కూడా ఉన్నాయి.

టాటా మోటార్స్ జనవరి 2021 లో 59,866 యూనిట్ల వాహనాలను విక్రయించి 27 శాతం వృద్ధిని నమోదు చేసింది. దేశీయ విపణిలో కంపెనీ 72,485 యూనిట్ల వాహనాలను విక్రయించింది, వీటిలో 35,268 యూనిట్ల వాణిజ్య వాహనాలు మరియు 40,777 ప్యాసింజర్ వాహనాలు ఉన్నాయి. డిసెంబర్ 2021లో కంపెనీ 35,299 యూనిట్ల వాహనాలను విక్రయించింది.

గత కొన్ని నెలలుగా టాటా మోటార్స్ యొక్క అమ్మకాలు రోజురోజుకి పెరుగుతూనే ఉన్నాయి. కంపెనీ యొక్క అమ్మకాలు మెరుగుపరచడానికి ప్రధాన కారణం ఎప్పటికప్పుడు దేశీయ మార్కెట్లో టాటా మోటార్స్ యొక్క కొత్త ఉత్పత్తులు రావడమే. కంపెనీ యొక్క టాటా పంచ్ మరియు నెక్సాన్ వంటి ఎస్‌యూవీల విక్రయాలు నెలకు 10,000 యూనిట్లను దాటాయి. ఇవన్నీ కూడా కంపెనీ యొక్క అమ్మకాలు పెరగడానికి చాలా దోహదపడ్డాయి.

అదే సమయంలో, CNG కూడా జనవరిలో 3,000 యూనిట్లు విక్రయించి గొప్ప స్పందనను పొందింది. కంపెనీ తన టియాగో మరియు టిగోర్‌లను గత నెలలో CNG అవతార్‌లో తీసుకువచ్చింది. Tiago మరియు Tigor మొత్తం అమ్మకాలలో CNG వాటా 42% ఉంది. కంపెనీ జనవరిలో 37,885 యూనిట్ల ICE ఇంజిన్‌లను మరియు 2892 యూనిట్ల ఎలక్ట్రిక్ వాహనాలను విక్రయించి, వరుసగా 43% మరియు 463% వృద్ధిని నమోదు చేసింది.

భారతదేశంలో ఎలక్ట్రిక్ కార్లకు గొప్ప స్పందన లభిస్తోంది. ప్రస్తుతం నెక్సాన్ EV మరియు టిగోర్ EV వంటి వాటికి మంచి డిమాండ్ ఉంది. దేశంలో అత్యధికంగా అమ్ముడవుతున్న ఎలక్ట్రిక్ వాహనంగా టాటా నెక్సాన్ నిలిచింది. కంపెనీ కొత్త ఉత్పత్తి రికార్డులను కూడా నెలకొల్పింది.

టాటా నెక్సాన్ (Tata Nexon) EV భారతీయ మార్కెట్లో విపరీతమైన అమ్మకాలతో ముందుకు సాగుతోంది. కంపెనీ ఈ ఎలక్ట్రిక్ కారుని దేశీయ మార్కెట్లో విడుదలచేసినప్పటినుంచి కూడా మంచి అమ్మకాలను పొందుతోంది. అయితే ఇప్పటికి కంపెనీ ఈ SUV ని 13,500 యూనిట్లు విక్రయించినట్లు తెలిపింది.

భారత మార్కెట్లో టాటా మోటార్స్ కంపెనీ గత రెండేళ్లుగా నెక్సాన్ ఈవీని విక్రయిస్తోంది. గత ఏడాది ఏప్రిల్‌లో, కంపెనీ భారతదేశంలో 4,000 యూనిట్ల అమ్మకాలను దాటుతుందని తెలిపింది. అయితే దాదాపుగా 10 నెలల్లో 9,000 నెక్సాన్ ఈవిలను విక్రయించింది. దేశీయ మార్కెట్లో ఎలక్రిక్ వాహనాలకు పెరుగుతున్న డిమాండ్ కారణంగా క్రమంగా ఎలక్ట్రిక్ వాహన అమ్మకాలు కూడా ఊపందుకుంటున్నాయి.

కంపెనీ యొక్క నెక్సాన్ EV నెలకు సగటున 1,000 యూనిట్ల విక్రయాలతో భారతదేశంలో అత్యధికంగా అమ్ముడవుతున్న ఎలక్ట్రిక్ కారుగా ప్రసిద్ధి చెందింది. ఇది ప్రైవేట్ కొనుగోలుదారుల కోసం దేశీయ వాహన తయారీదారు ప్రారంభించిన మొదటి ఎలక్ట్రిక్ వాహనం మరియు త్వరగా భారతీయ మార్కెట్లో అత్యంత ప్రాధాన్యత కలిగిన ఎలక్ట్రిక్ కారుగా మారింది.

ఇదిలా ఉండగా టాటా మోటార్స్ (Tata Motors) భారతీయ మార్కెట్లో ఎట్టకేలకు తన టియాగో (Tiago) మరియు టిగోర్ (Tigor) యొక్క CNG మోడల్‌లను అధికారికంగా విడుదల చేసింది. Tiago మరియు Tigor యొక్క CNG వెర్షన్ యొక్క ప్రారంభ ధరలు వరుసగా రూ. 6.09 లక్షలు మరియు రూ. 7.69 లక్షలు (ఎక్స్-షోరూమ్, ఇండియా).

టాటా టియాగో మరియు టాటా టిగోర్ రెండూ కూడా ఒకే 1.2-లీటర్ నేచురల్-ఆస్పిరేటెడ్ ఇంజన్‌తో శక్తిని పొందుతున్నాయి. అయితే, ఈ పవర్‌ట్రెయిన్‌కు CNGతో అమలు చేయడానికి కొన్ని మార్పులు చేయబడతాయి. స్టాండర్డ్ వెర్షన్ 84.82 bhp మరియు 113 Nm టార్క్‌ను ఉత్పత్తి చేయగా, దాని CNG వేరియంట్ ఇంజిన్ మాత్రం 72 bhp ఉత్పత్తి చేస్తుంది. అంటే ఇది దాని స్టాండర్డ్ వేరియంట్ కంటే కూడా తక్కువ పవర్ అందిస్తుంది.