ఇన్సూరెన్స్‌లో 'కారు ఇంజిన్‌ రిపేర్‌' కవర్ అవుతుందన్న విషయం మీకు తెలుసా??

మీరు కారును కొనుగోలు చేసేటప్పుడు దానికి తప్పనిరిగా బీమా(ఇన్సూరెన్స్‌) చేయించుకోవాలి. ఇన్సూరెన్స్‌ చేయించుకోవడం ద్వారా ఎన్నో ప్రయోజనాలు ఉన్నాయి. కారు ప్రమాదానికి గురైనా, లేదా దొంగతనానికి గురైనా.. ప్రకృతి వైపరీత్యాల వల్ల పాడైపోయినా, సదరు ఇన్సూరెన్స్‌ కంపెనీ మీకు నష్ట పరిహారం అందిస్తుంది.

ఈ ఏడాది రుతుపవనాల రాకతో భారీ వర్షాలు దేశాన్ని అతలాకుతలం చేశాయి. రోడ్లు, గుహలు, వరదలు, కొండచరియలు విరిగిపడటం వలన భారీ ప్రాణ, ఆస్తి నష్టం జరిగింది. ప్రధానంగా వాహనాల్లో ఇంజిన్ పాడైపోయే అవకాశాలు ఎక్కువ. దాని మరమ్మతులకు అధిక మొత్తంలో ఖర్చు చేయాల్సి ఉంటుంది.

చాలా మంది వాహనదారులకు ఆటో ఇన్సూరెన్స్‌పై పెద్దగా అవగాహన ఉండదు. వారి కారు ఇంజిన్‌ వరదలో దెబ్బతింటే రిపేర్ చేయడానికి అయ్యే ఖర్చును ఇన్సూరెన్స్‌ కంపెనీ భరిస్తుందా అనే సందేహం ఉంటుంది. ఈ కథనం వారి వాహనాలకు వరదలు లేదా ప్రకృతి వైపరీత్యాల వల్ల కలిగే నష్టాలకు ఎలా క్లెయిమ్ చేసుకోవాలనే దానిపై ఈ కథనం ఉపయోగపడుతుంది.

దేశంలో ప్రతి వాహనానికి బీమా తప్పనిసరి. చాలా మందికి ఆటో ఇన్సూరెన్స్ క్లెయిమ్ ఉంటుంది. అయితే కారు ఇంజిన్ పాడైతే కారు బీమా పొందవచ్చా. అనే సందేహం మీకు ఇప్పుడైనా వచ్చిందా.? అవునండీ కారు ఇంజిన్‌ చెడిపోతే దానికి మీరు ఇన్సూరెన్స్ చేయించుకోవచ్చు. అదెలా అనుకుంటున్నారా.. అందుకు సంబంధించిన పూర్తి సమాచారం ఈ కథనంలో చదవండి.

అయితే మీ కారు ఇంజిన్ ఫెయిల్ అయితే మీరు పరిహారం పొందవచ్చు. ప్రకృతి వైపరీత్యాలు లేదా ప్రమాదం వల్ల కాకపోయినా వాహనం ఇంజిన్ ఫెయిల్‌ అయ్యే అవకాశం ఉంది. ఇలాంటి పరిస్థితుల్లో బీమా పొందవచ్చా అనే సందేహం చాలా మందికి ఉంటుంది.

దీనికి అవుననే సమాధానం వస్తోంది. దీన్ని ఎలా క్లెయిమ్‌ చేసుకోవాలో ఇక్కడ మీకు తెలియజేస్తున్నాం. వాహన బీమాలో ఇంజిన్ ఫెయిల్‌ క్లెయిమ్‌ల కోసం ప్రత్యేక విభాగం లేదు. అయితే మీకు ఉన్న బీమాలో కొన్ని ఎంపికలు ఉన్నాయి. ఆ ఆప్షన్‌లతో మీరు ఈ ఇంజిన్ వైఫల్యానికి బీమా క్లెయిమ్ చేసుకోవచ్చు.

మీరు మీ వాహనానికి బీమా తీసుకున్నప్పుడు, అది మెకానికల్ మరియు ఎలక్ట్రికల్ బ్రేక్‌డౌన్‌లను కవర్ చేస్తుంది. మీ కారుకు బీమా ఉంటే అందులో ఇంజిన్ ఫెయిల్యూర్‌ కింద క్లెయిమ్‌ చేసుకోవచ్చు. చాలా బీమా ప్లాన్‌ల ప్రకారం ఈ మెకానికల్ మరియు ఎలక్ట్రికల్ బ్రేక్‌డౌన్‌కు బీమా క్లెయిమ్ ఉండదు. ఒకవేళ మీ బీమా జాబితాలో ఆ ఆప్షన్‌ లేనట్లయితే మీరు క్లెయిమ్‌ చేసుకోలేరు.

చాలా కంపెనీలు దీన్ని ఆధార్ కవర్‌గా అందిస్తున్నాయి. కాబట్టి బీమా పాలసీ తీసుకునే ముందు దాన్ని పూర్తిగా చదివి తెలుసుకుని అవగాహన ఏర్పరచుకుంటే ఆ తర్వాత మీరు సమయం వచ్చినప్పుడు బీమా క్లెయిమ్‌ చేసుకోవచ్చు. అయితే చాలా మందికి ఆటో ఇన్సూరెన్స్‌ను కొనుగోలు చేసేటప్పుడు అందులో ఏమేం కవర్ అవుతాయో తెలియదు.

మీరు సరైన ఎంపిక చేసుకుని, బీమాను కొనుగోలు చేస్తే, భవిష్యత్తులో మీ కారు ఇంజిన్ ఫెయిల్యూర్ అయినప్పటికీ, మీరు బీమా కంపెనీ నుండి మరమ్మతులకు అయిన ఖర్చును క్లెయిమ్ చేయవచ్చు. వారు నేరుగా వచ్చి తనిఖీ చేసి మీ ఇన్సూరెన్స్‌ క్లెయిమ్ చేస్తారు.

అయితే మీరు వాహనం కోసం బీమాను కొనుగోలు చేసేటప్పుడు, దానిని జాగ్రత్తగా చదవండి. వాటిలో ఏది కవర్ అవుతుంది.. ఏది కాదో తెలుసుకోండి. ఆటో ఇన్సూరెన్స్ కొనే చాలా మంది ఇలా సరిగా చదవకుండా వాహనం పాడైపోయినప్పుడు మాత్రమే దాని గురించి ఆలోచిస్తారు. కాబట్టి మీరు మీ ఆటో ఇన్సూరెన్స్‌ని రెన్యువల్ చేసుకుంటున్నప్పుడు ఇవన్నీ తప్పకుండా చదవండి.