Kia Seltos కియా సెల్టోస్‌ ఎస్‌యూవీపై రూ.85000 పైగా డిస్కౌంట్..

భారతీయ మార్కెట్‌లో కియా కార్లు క్లిక్ అవుతున్నాయి. అనతి కాలంలోనే ఈ కార్లు మంచి మార్కెట్‌ను సొంతం చేసుకున్నాయి. భారత్‌లోని పోటీ మార్కెట్‌ను తట్టుకుని నిలబడిన కార్ల కంపెనీలో కియా మోటార్స్ తొలిస్థానంలో నిలిచింది. కియా నుంచి భారత మార్కెట్లో సెల్టోస్‌ను విడుదల చేసింది. పాజిటివ్ టాక్‌తో మంచి సేల్స్‌ని సాధించింది.

కియా సెల్టోస్ ఎస్‌యూవీ అమ్మకాల్లో కొత్త సంచలనం సృష్టించింది. ఆకర్షణీయమైన లుక్ మరియు అత్యాధునిక ఫీచర్లు కల్పించడంతో వినియోగదారులను కియా సెల్టోస్ ఎస్‌యూవీ ఆకట్టుకుంది. నేటికీ కియా సెల్టోస్ ఎస్‌యూవీకి మంచి డిమాండ్ ఉంది. నేడు మార్కెట్‌లో ఎక్కువగా అమ్ముడవుతున్న కార్లలో ఈ కియా సెల్టోస్‌ కూడా ఒకటిగా ఉంది.

కియా ఇండియా ప్రస్తుతం సెల్టోస్ ఎస్‌యూవీపై రూ.85,000 వరకు తగ్గింపును అందిస్తోంది. ఇందులో ఎక్స్‌ఛేంజ్ బోనస్, ఇన్సూరెన్స్ బెనిఫిట్స్, యాక్సెసరీస్ వంటి బెనిఫిట్స్ ఉన్నాయి. ఇందులో రూ .60,000 ఎక్స్ఛేంజ్ బోనస్ మరియు కియా సెల్టోస్ ఎంపిక చేసిన వేరియంట్లపై రూ.25,000 విలువైన యాక్సెసరీని కూడా అందిస్తోంది.

ఈ ఆకర్షణీయమైన ప్లాన్ తో పాటు, కియా ఇండియా తొలి సంవత్సరం ఉచిత బీమాను కూడా అందిస్తోంది. కియా సెల్టోస్ ఎస్‌యూవీ రాబోయే ఫేస్ లిఫ్ట్ వెర్షన్ విడుదలకు ముందు మరింత మంది వినియోగదారులను ఆకర్షించడానికి కియా సెల్టోస్ ప్రీ-ఫేస్ లిఫ్ట్ మోడళ్ల స్టాక్‌ను క్లియర్ చేయడానికి ఈ విలాసవంతమైన డిస్కౌంట్లు మరియు ఆఫర్లు అందిస్తున్నట్లు తెలుస్తోంది.

ప్రస్తుతం కియా సెల్టోస్ ఎస్‌యూవీ ప్రారంభ ధర రూ.10,89 లక్షలుగా ఉంది(ఎక్స్ షోరూమ్ ఢిల్లీ). కియా ఇండియా ఇటీవల 2023 కియా సెల్టోస్ ఫేస్ లిఫ్ట్ ఎస్‌యూవీని భారత మార్కెట్లో ఆవిష్కరించింది. ఈ కొత్త కియా సెల్టోస్ కోసం జూలై 14 నుంచి ప్రీ-బుకింగ్‌లు ప్రారంభం కానున్నాయి.

2023 కియా సెల్టోస్ మిడ్-ఎస్‌యూవీ గత నాలుగు సంవత్సరాలుగా కంపెనీ అమ్మకాలకు ఎక్కువగా దోహదం చేసింది. ఎంతో ఆసక్తిగా ఎదురుచూస్తున్న ఈ 2023 కియా సెల్టోస్ ఫేస్ లిఫ్ట్ కొన్ని అంతకు మించిన ఫీచర్లను అందిస్తోంది. ఇప్పటివరకు వెల్లడైన అనేక టీజర్ చిత్రాలు వెలుపల డిజైన్ నవీకరణలను మరియు క్యాబిన్ లో కొత్త ఫీచర్లను ప్రదర్శనలు ఆకట్టుకుంటున్నాయి.

2023 కియా సెల్టోస్ ఫేస్ లిఫ్ట్ ఎస్‌యూవీ LED DRL, LED హెడ్ లైట్ల డిజైన్ లో మార్పులు చేసింది. ఈ ఎస్ యూవీ బంపర్ తో పాటు రేడియేటర్ గ్రిల్ ను కూడా అప్ డేట్ చేశారు. వెనుక భాగంలో, వెనుక ల్యాంప్ లను సవరించారు. ఇప్పుడు LED లైట్ బార్ ను ఇంటిగ్రేట్ చేశారు.

కియా సెల్టోస్ ఫేస్‌లిఫ్ట్‌ ఎస్‌యూవీలో 1.5-లీటర్ పెట్రోల్, 1.5-లీటర్ డీజిల్ మరియు కొత్త 1.5-లీటర్ జీడీఐ టర్బో పెట్రోల్ ఇంజన్ ఆప్షన్లు ఉన్నాయి. ఈ ఎస్ యూవీలో ఆరు ఎయిర్ బ్యాగులు, ఏబీఎస్ తో పాటు EBD, బ్రేక్ అసిస్ట్, ఎలక్ట్రానిక్ స్టెబిలిటీ కంట్రోల్, ట్రాక్షన్ కంట్రోల్, హిల్ డిసెంట్ కంట్రోల్, హిల్ హోల్డ్ కంట్రోల్ వంటి భద్రతా సాంకేతిక పరిజ్ఞానాలు ఉన్నాయి.

ఫెస్‌లిఫ్టెడ్‌ కియా సెల్టోస్‌ లోపలి భాగంలో కీలక మార్పులు చేశారు. డ్యాష్‌బోర్డులోని డిస్‌ప్లేలు కొత్తగా అనిపిస్తాయి. మరియు టచ్‌స్క్రీన్ ఇన్ఫోటైన్‌మెంట్‌ యూనిట్‌ ఉంటుంది. ఇది ఆండ్రాయిడ్‌ ఆటో, ఆపిల్‌ కార్‌ప్లే మరియు కార్‌ టెక్‌కు సపోర్టు చేస్తుంది. కొత్త కియా సెల్టోస్‌ SUV డ్యూయల్‌ జోన్‌ ఆటోమేటిక్‌ ఎయిర్ కండిషనింగ్‌ వ్యవస్థ, పనోరమిక్‌ సన్‌రూఫ్‌, వైర్‌లెస్‌ ఛార్జింగ్‌ వంటి ఫీచర్లను కలిగి ఉంటుంది.