Click it and Unblock the Notifications
Maruti Suzuki Cars Discounts మారుతి కార్లపై భారీ డిస్కౌంట్స్.. ఈ అవకాశం మళ్లీ రాకపోవచ్చు..!
భారతదేశంలోని ప్రముఖ ఆటోమొబైల్ తయారీదారు మారుతి సుజుకి ప్రత్యేక గుర్తింపు ఉంది. అతి తక్కువ ధరలో వినియోగదారులకు అవసరమైన కార్లను ఈ సంస్థ అందిస్తుంది. ఆకర్షణీయమైన ఫీచర్లు, డిజైన్, పర్ఫామెన్స్ ప్రతి వినియోగదారుడిని ఆకట్టుకుంటుంది. తాజాగా ఈ కంపెనీ కస్టమర్లకు బంపర్ న్యూస్ ని ప్రకటించింది.
ఒక్కో మోడల్ పై అధికంగా రూ.47,000 వరకు డిస్కౌంట్ ను అందజేస్తుంది. అయితే కొన్ని షరతులను సంస్థ నిర్ణయించింది. కేవలం మేలో కొనుగోలు చేసే వినియోగదారులకు మాత్రమే ఈ డిస్కౌంట్ ను పరిమితం చేసింది. Baleno, Ignis, Ciaz, Grand Vitara, XL6 మోడళ్లపైభారీ తగ్గింపును ఇస్తుంది.
మారుతి ఇగ్నిస్ Nexa లైనప్లో ప్రారంభ-స్థాయి ఉత్పత్తిగా ఉంది. ఈ కారు మాన్యువల్ వేరియంట్ల కోసం ఈ నెలలో మొత్తం రూ.47000 తగ్గింపుతో అందుబాటులో ఉంది. ఇందులో రూ.25000 నగదు తగ్గింపు, రూ.15000 విలువైన ఎక్స్ఛేంజ్ ఆఫర్ రూ. 7000 కార్పొరేట్ ప్రయోజనం ఉన్నాయి. అదే సమయంలో, ఇగ్నిస్ ఆటోమేటిక్ వేరియంట్ రూ.20000 నగదు తగ్గింపుతో సహా మొత్తం రూ. 42000 తగ్గింపుతో కొనుగోలు చేసేందుకు సిద్ధంగా ఉంది.
ప్రస్తుతం మారుతి సుజుకి ఇగ్నిస్ రూ. 5.84 లక్షల ప్రారంభ ధర నుంచి రూ.8.16 లక్షల ఎక్స్-షోరూమ్ ధర వద్ద కొనుగోలు చేయడానికి అందుబాటులో ఉంది. ఇందులో 1.2 లీటర్ పెట్రోల్ ఇంజన్ కలదు. ఇది గరిష్టంగా 83bhp 113 Nm గరిష్ట టార్క్ను ఉత్పత్తి చేస్తుంది. ఇందులో మాన్యువల్/ ఆటోమేటిక్ గేర్బాక్స్ ఎంపిక ఉంది. ఈ కారు 20.89 kmpl మైలేజీని ఇస్తుంది. భద్రత కోసం రెండు ఎయిర్బ్యాగ్లు ఉన్నాయి.
Nexa లైనప్లోని మరో మోడల్ మారుతి సుజుకి సియాజ్ మ్యాన్యువల్,ఆటోమేటిక్ వెర్షన్లపై మొత్తం రూ.35,000 తగ్గింపును అందిస్తున్నాయి. ఇందులో కస్టమర్లకు ఎలాంటి క్యాష్ డిస్కౌంట్ లభించడం లేదు. అయితే, రూ.25,000 ఎక్స్చేంజ్ ఆఫర్, రూ.10,000 కార్పొరేట్ తగ్గింపును అందిస్తుంది. ఈ కారు రూ.9.30 - 12.29 లక్షల ధరలో కొనుగోలుకు అందుబాటులో ఉంటుంది.
ఈ కారులో 1.5 లీటర్ పెట్రోల్ ఇంజన్ తో పనిచేస్తుంది. ఇది గరిష్టంగా 105bhp వద్ద 138 Nm గరిష్ట టార్క్ను ఉత్పత్తి చేస్తుంది. ఇది మాన్యువల్/ఆటోమేటిక్ గేర్బాక్స్ ఎంపికతో కూడా అందుబాటులో ఉంటుంది. ఇక మైలేజ్ విషయానికి వస్తే 20.04 - 20.65 kmpl ను ఇవ్వగలదు. ఇందులో 7-అంగుళాల టచ్స్క్రీన్ ఇన్ఫోటైన్మెంట్ సిస్టమ్లో ఆపిల్ కార్ ప్లే, ఆండ్రాయిడ్ ఆటో సహా మరెన్నో ఫీచర్లను పొందవచ్చు.
మారుతి సుజుకీ తన అత్యంత డిమాండ్లో ఉన్న బాలెనో కారుపై రూ.20,000 తగ్గింపు ఆఫర్ను ప్రకటించింది. డెల్టా మరియు జీటా వేరియంట్లపై రూ.10,000 నగదు తగ్గింపు రూ.10,000 ఎక్స్ఛేంజ్ ఆఫర్ కూడా ఉన్నాయి. అన్ని ఇతర వేరియంట్లు మార్పిడి రాయితీకి మాత్రమే లోబడి ఉంటాయి. ఈ కారు రూ. 6.61 లక్షల నుంచి రూ. 9.88 లక్షల వరకు కొనుగోలు చేయడానికి అందుబాటులో ఉంది.
మారుతి తన సేల్స్ ను పెంచుకునేందుకు నెక్సా లైనప్లోని కొన్ని కార్లపై భారీ డిస్కౌంట్స్, ఆఫర్లను ప్రకటించింది. ఈ తగ్గింపు సౌకర్యాలు ఈ నెలలో ఆఖరు వరకు మాత్రమే అందుబాటులో ఉండనున్నాయి. డిస్కౌంట్లకు సంబంధించిన మరింత సమాచారం కోసం కస్టమర్లు సమీపంలోని డీలర్షిప్ను సందర్శించి తమ సందేహాలను నివృత్తి చేసుకోవచ్చు.
Continue with Google