హ్యుందాయ్‌ ఎక్స్‌టర్‌ బ్రాండ్‌ అంబాసిడర్‌గా హార్దిక్‌ పాండ్యా.. అద్భుతమైన ఫీచర్లతో టాటా పంచ్‌కు పోటీ!

దేశంలో ప్రముఖ కార్ల తయారీ సంస్థ హ్యుందాయ్ మోటార్స్‌ ఇండియా లిమిటెడ్‌. వినియోగదారులను ఆకర్షించేందుకు హ్యుందాయ్‌ ఎక్స్‌టర్‌ మైక్రో ఎస్‌యూవీని విడుదల చేయడానికి సిద్ధంగా ఉంది. జూలై 10న విడుదల కానున్న ఈ కారుకు అధికారిక బ్రాండ్ అంబాసిడర్‌గా క్రికెటర్ హార్దిక్ పాండ్యా వ్యవహరించనున్నారు. దాని గురించిన పూర్తి వివరాలు ఈ కథనంలో..

మైక్రో ఎస్‌యూవీ సెగ్మెంట్‌లో హ్యుందాయ్ కొత్త కారును విడుదల చేయడానికి సన్నాహాలు చేస్తోంది. ఈక్రమంలో ఎక్స్‌టర్ అనే కారును రూపొందించింది. ఈ కారును లాంచ్ చేసేందుకు ముమ్మరంగా పనులు జరుగుతున్నాయి. హ్యుందాయ్ డీలర్ల వద్ద ఇప్పటికే ఈ కారు బుకింగ్‌లు ఇప్పటికే ప్రారంభమయ్యాయి. హార్దిక్‌ పాండ్యా ఈ మోడల్‌గా బ్రాండ్‌ అంబాసిడర్‌గా కంపెనీ నియమించింది.

మార్కెట్‌లో హ్యుందాయ్ Xter SUV ని లాంచ్ చేయడానికి ముందు, హ్యుందాయ్ మోటార్స్‌ Xtre SUVకి బ్రాండ్ అంబాసిడర్‌గా క్రికెట్ ఐకాన్ హార్దిక్ పాండ్యాను ప్రకటించింది. హార్దిక్ పాండ్యాను అంబాసిడర్‌గా చేయడం ద్వారా మరింత మంది కస్టమర్లను ఆకర్షించాలనేది కంపెనీ వ్యూహం. హ్యుందాయ్ ఎక్స్‌టర్‌ దేశీయ మార్కెట్లో టాటా పంచ్‌తో నేరుగా పోటీపడుతుంది.

ఈ కారు కొనాలనుకునే వినియోగదారులు రూ.11,000 టోకెన్ మొత్తం చెల్లించి కొత్త మోడల్‌ను బుక్ చేసుకోవచ్చు. కొత్త హ్యుందాయ్ Xter SUV మొట్టమొదటి ఎలక్ట్రిక్ సన్‌రూఫ్ మరియు డ్యుయల్ కెమెరాలతో కూడిన డాష్‌క్యామ్‌తో వస్తుంది. ఈ కొత్త హ్యుందాయ్ Xter SUV H- ఆకారపు LED DRL సిగ్నేచర్ స్టైల్‌తో కూడిన పారామెట్రిక్ డిజైన్ ఫ్రంట్ గ్రిల్‌ను కలిగి ఉంది.

టాప్ వేరియంట్‌లు స్క్వేర్ హెడ్‌లైట్ హౌసింగ్‌లో గుండ్రని ప్రొజెక్టర్ హెడ్‌లైట్‌తో వస్తాయి. హ్యుందాయ్ వెన్యూ మాదిరిగానే, హెడ్‌లైట్‌లు దాని LED DRLల కింద ఉన్నాయి. హ్యుందాయ్‌ ఎక్స్‌టర్‌ క్లామ్‌షెల్ బోనెట్ కింద సొగసైన నలుపు రంగు అందంగా కనిపిస్తూ కారుకు హుందాతనాన్ని తీసుకువస్తుంది.

ఈ SUV కి సంబంధించి అల్లాయ్ వీల్స్ ఆకర్షణీయంగా ఉన్నాయి. ఎక్స్‌టర్‌ వెనుక వైపున H- ఆకారపు LED టైల్‌లైట్‌ను ఉంది. ముందు భాగంలో ఉన్నట్లుగా వెనుక భాగంలో DRL ఉంది. వెలుపలి భాగం ఎత్తును మరింత పెంచే రూఫ్ పట్టాలు ఉన్నాయి. హ్యుందాయ్ క్యాబిన్ గురించి వివరాలను కంపెనీ ఇంకా వెల్లడించలేదు. ఈ కారులో డాష్ క్యామ్, డ్యూయల్ కెమెరా, స్మార్ట్ ఎలక్ట్రిక్ సన్ రూఫ్ ఫీచర్లు ఉన్నాయి.

హ్యుందాయ్‌ ఎక్స్‌టర్‌ మైక్రో ఎస్‌యూవీలో అధునాతమైన ఫీచర్లు ఉన్నాయి. వాయిస్‌ కమాండ్‌ల ఆధారంగా సన్‌రూఫ్‌ ఆటోమేటిక్‌గా పనిచేస్తుంది. "ఓపెన్ సన్‌రూఫ్" "ఐ వాంట్ టు సీ ది స్కై" లాంటివి చెబితే చాలు.. సన్‌రూఫ్ ఆటోమేటిక్‌గా తెరుచుకుంటుంది. ఇది టాప్ వేరియంట్‌లో మాత్రమే అందుబాటులో ఉంది. కొత్త హ్యుందాయ్ Xter EX, S, SX, SX (O) మరియు SX (O) కనెక్ట్ అనే 5 వేరియంట్లలో వస్తుంది.

ఇది కాకుండా, కారులో 5.84 సెం.మీ ఎల్‌సీడీ డిస్‌ప్లే, స్మార్ట్ ఫోన్ కనెక్టివిటీ, మల్టిపుల్ రికార్డింగ్ మోడ్ ఉన్నాయి. ఇది పూర్తి హెచ్‌డీ టెక్నాలజీలో రికార్డ్ చేయబడుతుంది. హ్యుందాయ్ ఎక్స్‌టర్ ఎస్‌యూవీలో 25 ఇతర భద్రతా ఫీచర్లతో పాటు అన్ని వేరియంట్‌లలో 6 ఎయిర్‌బ్యాగ్‌లను ప్రామాణికంగా తీసుకువస్తుంది. హ్యుందాయ్ ఇండియా ఈ కొత్త ఎక్స్‌ట్రీమ్ SUV యొక్క తక్కువ స్పెక్ వేరియంట్‌లలో అదనపు భద్రతా లక్షణాలను జోడించింది.

హ్యుందాయ్ Xter 1.2 లీటర్ నేచురల్లీ ఆస్పిరేటెడ్ పెట్రోల్ ఇంజిన్‌తో పనిచేస్తుంది. ఇది CNG ఎంపికలో కూడా ఉంది. ఈ ఇంజిన్ 82 బీహెచ్‌పీ పవర్ వద్ద 114 ఎన్ఎమ్ టార్క్ ఉత్పత్తి చేస్తుంది. పెట్రోల్ ఇంజిన్ 5-స్పీడ్ మాన్యువల్ గేర్‌బాక్స్ లేదా 5-స్పీడ్ AMT గేర్‌బాక్స్‌తో జత చేయబడింది. CNG మాన్యువల్ గేర్‌బాక్స్‌తో మాత్రమే విక్రయించబడుతుంది.