Click it and Unblock the Notifications
Sunroof Cars తక్కువ ధరలో సన్రూఫ్ కలిగి ఉన్న కార్లు.. చిన్న కుటుంబాలకు ఉత్తమ ఎంపిక!!
దేశంలో ప్రస్తుతం అధునాతన కార్లు రిలీజ్ అవుతున్నాయి. కస్టమర్లను ఆకర్షించేందుకు ఆయా కంపెనీలు అదిరే ఫీచర్లతో దేశీయ మార్కెట్లో కార్లను తీసుకువస్తున్నాయి. కారు అందించే మైలేజ్/రేంజ్ తో పాటు విశాలమైన స్పేస్, సన్రూఫ్ తో వచ్చే కార్లను ఎక్కువగా కస్టమర్లు ఇష్టపడుతున్నారు. కుటుంబంతో కలిసి ప్రయాణించే సమయంలో ఇవి ఆకట్టుకోనున్నాయి. ప్రస్తుతం, అందుబాటులో సరసమైన ధరలకు కొనుగోలు చేయడానికి సిద్ధంగా కార్ల జాబితా మీకోసం..
ఈ జాబితాలో ముందుగా చర్చించాల్సిన ముఖ్యమైన కారు టాటా నెక్సాన్. చాలా తక్కువ ధరలో సన్రూఫ్తో రానుంది. ఈ కారు సన్రూఫ్ ఆకర్షణీయమైన డిజైన్ లో ఉంది. ఎక్కువ ఫీచర్లు కలిగి తక్కువ ధరలో సన్రూఫ్ కారుని పొందవచ్చు. ఈ కారు XM (S) వేరియంట్ రూ.9.39 లక్షల ఎక్స్-షోరూమ్ గా ఉంది. 1.2-లీటర్, 3-సిలిండర్ టర్బో పెట్రోల్ ఇంజన్తో పనిచేస్తుంది.
ఈ కారు సుమారు 24.07 kmpl మైలేజీని అందించనుంది. ఇందులో 7-అంగుళాల టచ్స్క్రీన్ ఇన్ఫోటైన్మెంట్ సిస్టమ్, Android Auto మరియు Apple Car Playతో సహా అనేక ఫీచర్లతో వస్తుంది. సేఫ్టీ పరంగా చూస్తే ఇందులో డ్యూయల్ ఫ్రంట్ ఎయిర్బ్యాగ్లు, ABS, EBD, వెనుక పార్కింగ్ సెన్సార్లు, బ్యాక్ వ్యూ కెమెరాలను పొందవచ్చు.
ఇది జాబితాలో ఉన్న మరో కారు హ్యుందాయ్ ఐ20. ప్రస్తుత మార్కెట్లో అత్యుత్తమ హ్యాచ్బ్యాక్లలో మొదటి స్థానంలో ఉంది. అత్యాధునిక సాంకేతికతతో ప్యాక్ చేయబడిన ఈ కారు ఆస్టా వేరియంట్లో ఆకర్షణీయమైన సన్రూఫ్తో రూ. 9.10 లక్షల ఎక్స్-షోరూమ్ ధరతో వస్తుంది. ఇది 1.2-లీటర్ ఇంజన్, 5-స్పీడ్ మాన్యువల్ ట్రాన్స్మిషన్ ఎంపికను కూడా పొందుతుంది.
కస్టమర్లను ఆకర్షించడానికి హ్యుందాయ్ ఐ20లో ఆ సంస్థ అనేక ఫీచర్లను జొడించింది. 10.25-అంగుళాల టచ్స్క్రీన్ ఇన్ఫోటైన్మెంట్ సిస్టమ్, ఆపిల్ కార్ ప్లే, ఆండ్రాయిడ్ ఆటో, ఎయిర్ ప్యూరిఫైయర్, కనెక్ట్ చేయబడిన కార్ టెక్, ఎల్ఈడీ హెడ్లైట్లు, అనేక ఇతర ఫీచర్లను కలిగి ఉంది. సామాన్యుల కోసం ఇది ఒక మంచి కారుగా దీనిని పరిగణించవచ్చు.
ఈ జాబితాలో మరొక కారు మహీంద్రా XUV300. ఈ కారు W6 వేరియంట్ రూ.10 లక్షల ధరతో అందుబాటులో ఉంది. ఆకర్షణీయమైన సన్రూఫ్తో ఈ కారు రానుంది. ఈ కారు గ్లోబల్ NCAP లో 5 స్టార్ రేటింగ్ ను పొందింది. ఇది పెట్రోల్ డీజిల్ ఇంజన్ ఆప్షన్లలో లభ్యమవుతుంది. 16.5 - 20.1 kmpl మైలేజీని అందిస్తుంది. 7-అంగుళాల టచ్ స్క్రీన్ ఇన్ఫోటైన్మెంట్ సిస్టమ్ తో రానుంది.
కియా సోనెట్ కారు అద్భుతమైన సన్రూఫ్తో రానుంది. ఈ సబ్-4 మీటర్ల SUV రూ.10.49 లక్షల ధరకు కొనుగోలు చేయడానికి అందుబాటులో ఉంది. ఇందులో 1-లీటర్ టర్బో పెట్రోల్, 1.2 లీటర్ పెట్రోల్ 1.5 లీటర్ డీజిల్ ఇంజన్ ఆప్షన్లు ఉన్నాయి. ఈ కారులో FWD (ఫ్రంట్ వీల్ డ్రైవ్) టెక్నాలజీ కూడా అందుబాటులో ఉంది.
హ్యుందాయ్ వెన్యూ SX వేరియంట్ కూడా తక్కువ ధరలో సన్రూఫ్తో అందుబాటులో ఉంటుంది. ఇందులో 1.2 లీటర్ పెట్రోల్, 1 లీటర్ టర్బో పెట్రోల్ మరియు 1.5 లీటర్ డీజిల్ ఇంజన్ ఆప్షన్లు ఉన్నాయి. భద్రత పరంగా, ఇది 6 ఎయిర్బ్యాగ్లు, ESC (ఎలక్ట్రానిక్ స్టెబిలిటీ కంట్రోల్), TPMS (టైర్ ప్రెజర్ మానిటరింగ్ సిస్టమ్) మరియు వెనుక వీక్షణ కెమెరాను పొందుతుంది. దీని ధర రూ. 10.93 లక్షలుగా ఉంది.
Continue with Google