ఎలక్ట్రిక్ కార్లలో సంచలనం.. ఒక్కసారి ఛార్జ్ చేస్తే 490 కిలోమీటర్లు

హ్యుందాయ్ కోనా ఎలక్ట్రిక్ కారును గత ఏడాది డిసెంబరులో ఆ సంస్థ పరిచయం చేసింది, తాజాగా దీనికి సంబంధించిన స్పెసిఫికేషన్స్ పవర్‌ ట్రెయిన్ వివరాలను వెల్లడించింది. జనవరి 2023లో కొత్త కోనా ఎలక్ట్రిక్ వెర్షన్ లో పెట్రోల్, హైబ్రిడ్ వేరియంట్లలో తీసుకువస్తున్నట్లు సంస్థ తెలిపింది. ఈ ఎలక్ట్రిక్ వెర్షన్ రెండు వేర్వేరు బ్యాటరీ ప్యాక్ ఎంపికలతో వస్తుందని సంస్థ పేర్కొంది.

స్టాంజర్డ్, లాంగ్ రేంజ్ లలో ఈ కారు రానుంది. పవర్ ఫుల్ బ్యాటరీని ఈ కారుకు అమర్చారు. హ్యుందాయ్ కోనా ఎలక్ట్రిక్ స్టాండర్డ్ మోడల్ 48.4 కిలోవాట్ల లిథియం బ్యాటరీ ప్యాక్‌ తో వస్తుంది. అలానే ఈ EV కారు ఒకే ఛార్జ్‌ లో 342 కిలోమీటర్ల రేంజ్ అందిస్తుంది. అలాగే, కోనా ఎలక్ట్రిక్ లాంగ్ రేంజ్ వేరియంట్ 65.4 kWh బ్యాటరీ ప్యాక్‌ తో అమర్చబడి ఉంటుంది, ఇది ఒకే ఛార్జ్‌లో 490 కి.మీ. రేంజ్ వరకు ప్రయాణించవచ్చు.

పీక్ టార్క్ ను ఉత్పత్తి చేయడంలో మేటి..

స్టాండర్డ్, లాంగ్ రేంజ్ వేరియంట్లు ఫ్రంట్ యాక్సిల్-మౌంటెడ్ ఎలక్ట్రిక్ మోటారుతో వస్తాయని హ్యుందాయ్ పేర్కొంది. ఎలక్ట్రిక్ మోటారు స్టాండర్డ్ వేరియంట్‌ లో 154 HP పీక్ పవర్‌ ను అందుకుంటుంది. అలానే లాంగ్ రేంజ్ వేరియంట్ 214 HP గరిష్ట శక్తిని ఉత్పత్తి చేస్తుంది. కోనా ఎలక్ట్రిక్ వేరియంట్లు రెండూ 255 NM పీక్ టార్క్ ఉత్పత్తి చేస్తాయని హ్యుందాయ్ పేర్కొంది.

ఫాస్ట్ ఛార్జర్‌ తో ఈ కారును 41 నిమిషాల్లో దాదాపు 10-80 శాతం ఛార్జ్ చేయవచ్చని హ్యుందాయ్ పేర్కొంది. శీతల వాతావరణ పరిస్థితుల్లోనూ సురక్షితమైన ఛార్జింగ్, రేంజ్ ఫర్మామెన్స్ ను అందిస్తుందని తెలిపింది. కొత్త కోనా ఎలక్ట్రిక్ కొత్త ఐ-పెడల్ డ్రైవింగ్ మోడ్‌ ను పొందుతుందని దక్షిణ కొరియా ఆటో దిగ్గజం పేర్కొంది.

మల్టీ ఛార్జింగ్ యూనిట్ గా వాడుకోవచ్చు...

కొత్త తరం EVలోని ఇతర సాంకేతికత ఆధారంగా ఇది పనిచేస్తుందని చెప్పింది. ఇది వెహికిల్-టు-లోడ్ (వి 2ఎల్) టెక్నాలజీని పొందుతుందని వివరించింది. కారులోని EV నిల్వ శక్తిని ఉపయోగించి విద్యుత్ పరికరాలు గృహోపకరణాల అంతర్గత, బాహ్య ఛార్జింగ్‌ కు ఉపయోగించుకోవచ్చని సంస్థ తెలిపింది. మొత్తానికి పవర్ ఫుల్ బ్యాటరీ ప్యాక్ తో ఇది పనిచేస్తుందని వెల్లడించింది.

హ్యూందాయ్ లోని సబ్ కాంపాక్ట్ విభాగంలో అతిపెద్ద కార్లలో ఇది ఒకటి అని హ్యుందాయ్ పేర్కొంది. కొత్త కోనా ఎలక్ట్రిక్ 150 మిమీ పొడవు 4,355 మిమీను కలిగి ఉండనుంది. గత వెర్షన్ ల కంటే ఇది పెద్దది. అలాగే, ఇది 1,855 మిమీ వద్ద 25 మిమీ వెడల్పుతో ఉంది. అవుట్ గోయింగ్ మోడల్‌ తో పోలిస్తే, 60 మి.మీ పొడవైన వీల్‌ బేస్ 2,660 మిమీ వద్ద ఉంది. కొత్త కోనా EV 1,575 మి.మీలతో కొంచెం పొడవుగా ఉండనుంది.

అధునాత ఫీచర్లు..

విశాలమైన క్యాబిన్ డైమెన్షనల్ మార్పులతో విస్తృతమైన స్పేస్ ఈ కారులో పొందవచ్చు. దీనివల్ల వినియోగదారులకు ప్రయోజనం చేకూరుతుందని సంస్థ పేర్కొంది. EV టెక్నాలజీ-ఎయిడెడ్ ఫీచర్లతో ఈ కారు వస్తుంది, తేలియాడే క్షితిజ సమాంతర సి-ప్యాడ్ డ్యూయల్ 12.3-అంగుళాల పనోరమిక్ డిస్ప్లే స్క్రీన్లు, 12-అంగుళాల హెడ్-అప్ డిస్ప్లే (HUD) లో రానుంది.

డ్రైవర్ సులభంగా నియంత్రణలన్నింటినీ మార్చేలా కారు స్టీరింగ్ వీల్ చుట్టూ ఆప్షన్స్ ఉంటాయి.. వాహనం పరిసరాల వీడియో ఫుటేజ్, బోస్ ప్రీమియం సౌండ్ సిస్టమ్, ఓవర్ ది-ఎయిర్ (OTA) సాఫ్ట్‌వేర్ సరౌండ్ వ్యూ మానిటర్ లాంటి అధునాతన ఫీచర్లను ఈకారుకు జోడించారు.