ప్రమాదం నుంచి కాపాడే బెస్ట్ కార్లు.. పూర్తిగా దెబ్బతిన్నా బతికిపోతారు..!

వాహనాల నాణ్యత విషయంలో టాటా మోటార్స్, ఫోర్డ్ కార్ల కంపెనీలు ఎప్పుడు రాజీపడవు. రెండు కంపెనీల కార్లు తమ ప్రయాణీకులకు/కస్టమర్లకు భద్రతను కల్పించడంలో బాగా ప్రసిద్ధి చెందాయి. ఈ కార్ల కంపెనీల నుంచి ఫోర్డ్ ఎండీవర్, టాటా నెక్సాన్ పేరొందాయి. ఈ రెండు కంపెనీల ముఖ్య మోడల్స్ మధ్య ఇటీవల ప్రమాదం జరిగింది.

రెండు SUVల మధ్య గతంలో అనేక ప్రమాదాలలో జరిగాయి. రెండు కార్లు ప్రమాద సమయాల్లో తమ ప్రయాణీకులను సురక్షితంగా ఉంచబడిన కంపెనీలుగా ప్రత్యేక గుర్తింపు పొందాయి. నెక్సాన్, ఎండీవర్ మధ్య ఇటీవలే ప్రమాదం జరిగింది. ఈ ప్రమాదంలో ఏ వాహనం ఎక్కువ డ్యామేజ్ అయ్యిందో ఈ కథనంలో మీకు వివరిస్తాం.

స్ట్రాంగ్ కార్లగా గుర్తింపు..

ఈ కార్ల మధ్య జరిగిన ప్రమాదంలో అవి ఢీకొన్న తరువాత తీవ్రతను చూస్తే ఈ బ్రాండిగ్ కార్లు ఎంత బలమైనవో ఇట్టే చెప్పవచ్చు. తీవ్ర స్థాయిలో ప్రమాదం జరిగినా అవి చెక్కు చెదరని తీరు చాలా మందిని ఆశ్చర్యపరుస్తుంది. మాన్ ఫాక్చరింగ్ విధానంలో ఆ కంపెనీలు అవలంభిస్తున్న విధానాలే దీనికి రుజువుగా వివరించవచ్చు.

తాజాగా మహారాష్ట్రలో ప్రమాదం జరిగినట్లు సమాచారం. దీనికి సంబంధించిన వివరాలను ప్రతీక్ సింగ్ అనే వ్యక్తి తన యూట్యూబ్ ఛానెల్‌లో వీడియోను అప్‌లోడ్ చేశారు. వీడియోలో, టాటా నెక్సాన్ EV, ఫోర్డ్ ఎండీవర్ హై-స్పీడ్ ఎలా ఢీకొన్నాయో వివరించారు. ఈ ఘటనలో రెండు SUVల ముందు భాగంలోని పార్ట్స్ కు భారీ నష్టం వాటిల్లింది. అయితే అందులోని ప్రయాణికులు ఎలాంటి గాయాలు కాకుపోవడం అంతా సురక్షితంగా బయటపడడం అక్కడి వారిని ఆశ్చర్యానికి గురిచేసింది.

ప్రమాదానికి సంబంధించిన ప్రత్యక్ష సాక్షుల కథనం ప్రకారం.. వేగంగా వస్తున్న బ్లాక్ ఫోర్డ్ ఎండీవర్ రోడ్డు కూడలిని దాటేందుకు ప్రయత్నిస్తోంది. వైట్ కలర్ టాటా నెక్సాన్ ఈవీ అవతలి వైపు నుంచి సిగ్నల్ జంప్ చేసి ఢీకొట్టిందని చెబుతున్నారు. యూట్యూబ్ వీడియోలో చూపిన ఫుటేజ్‌లో, టాటా నెక్సాన్, ఫోర్డ్ ఎండీవర్ రెండింటి ఫ్రంట్ భాగాలు బాగా దెబ్బతిన్నట్లు మనం చూడవచ్చు.

టాటా నెక్సాన్ EV మొత్తం పవర్‌ట్రైన్ బే దెబ్బతిన్నట్లు కనిపిస్తోంది. ప్రమాదంలో ముందు అద్దాలు కూడా పగిలిపోయాయి. అయినప్పటికీ, Nexon EV ఫ్రంట్-ఎండ్ బలమైన నిర్మాణం తాకిడి ప్రభావాన్ని బాగా నిర్వహించింది. ఈ సమయంలో Nexon EV ఫ్రంట్ ఎయిర్ బ్యాగ్‌లు అమర్చబడి ఉండటంతో పాటు, ముందు బానెట్‌కు మించిన నష్టం కనిపించలేదు.

రేటింగ్ లో స్టార్ కార్స్..

ఈ ప్రమాదంలో చిక్కుకున్న మరో కారు ఫోర్డ్ ఎండీవర్ ఫ్రంట్ వీల్ విభాగానికి పెద్ద నష్టం వాటిల్లింది. ఫ్రంట్ బంపర్, హెడ్‌లైట్, ఫెండర్, డోర్ ప్యానెల్‌లు పూర్తిగా దెబ్బతిన్నట్లు మనం చూడవచ్చు. ఎండీవర్ ఎడమ ముందు చక్రం విరిగిపోయేంత ప్రభావం చాలా తీవ్రంగా ఉంది. ప్రమాదం జరిగినప్పుడు SUV వైపు కర్టెన్ ఎయిర్‌బ్యాగ్‌లు సమయానికి తెరచుకోవడంతో ప్రమాదం తప్పింది.

ప్రమాద తీవ్రత ఎంత ఉన్నప్పటికీ, ఎండీవర్‌లో ఉన్నవారు సురక్షితంగా ఉండటం గమనార్హం.. గ్లోబల్ NCAP క్రాష్ టెస్ట్‌లలో అత్యధిక 5-స్టార్ రేటింగ్‌ను సాధించిన మొదటి భారతీయ మాన్ ఫాక్టర్ కారు గా వాహనం టాటా నెక్సాన్ నిలిచింది. Nexon EV గ్లోబల్ NCAP క్రాష్ టెస్ట్‌లలో ఇంకా పరీక్షించబడలేదు. ఎందుకంటే కారు Nexon ICE వెర్షన్‌తో వస్తుంది. కాబట్టి ఇది అదే భద్రతా రేటింగ్‌ లను కలిగి ఉంది. ఫోర్డ్ ఎండీవర్ ఆసియన్ NCAP క్రాష్ టెస్ట్‌లలో కూడా పరీక్షించబడింది. దాని నుంచి ప్రశంసనీయమైన 5-స్టార్ రేటింగ్‌ను సంపాదించింది.