మరోసారి టాటా పంచ్‌ ఎలక్ట్రిక్‌ కారు టెస్టింగ్‌.. ఈ సారి మరెన్నో ప్రత్యేకతలతో.!!

దేశీయ కార్ల తయారీ సంస్థ టాటా మోటార్స్‌కు చెందిన కార్లు కస్టమర్లలో మంచి ఆదరణ పొందుతున్నాయి. ఫ్యూయెల్‌తో నడిచే కార్లతో పాటు ఎలక్ట్రిక్‌ కార్లను తయారు చేస్తూ మార్కెట్లో గట్టి పోటీగా నిలుస్తోంది. ఇటీవల టాటా.. అప్‌డేట్‌ చేయబడిన నెక్సాన్‌ వేరియంట్‌తో పాటు ఎలక్ట్రిక్‌ కారును విడుదల చేసింది. త్వరలో టాటా పంచ్‌ ఈవీ కూడా అందుబాటులోకి రానుంది.

త్వరలో విడుదల కానున్న టాటా పంచ్‌ ఎలక్ట్రిక్‌ కారు ఇటీవల టెస్టింగ్‌కు మరోసారి రోడ్డుపైకి వచ్చింది. టాటా పంచ్‌ ఈవీ సైడ్‌ భాగాలతో పాటు రేర్‌ వ్యూతో స్పష్టంగా కనిపిస్తుంది. ఇంకా ఈ కారుకు అమర్చిన కొత్త అల్లాయ్‌ వీల్స్‌ను టెస్టింగ్‌ చేస్తుండగా కెమెరాలకు చిక్కింది.

పెట్రోల్‌తో నడిచే టాటా పంచ్‌తో పోలిస్తే.. టాటా పంచ్ EVలో జిగ్‌వీల్స్‌తో పాటు స్వల్ప డిజైన్ మార్పులు చేసినట్లుగా తెలుస్తోంది. ఇందులో రీడిజైన్ చేయబడిన గ్రిల్, హెడ్‌లైట్ హౌసింగ్‌తో పాటు సవరించిన బంపర్‌లు, ఫుల్‌ వైడ్‌ లైట్ బార్ వంటి ఆకర్షణీయమైన డిజైన్‌తో తయారైంది. ఇంకా ఇందులో కొత్త అల్లాయ్‌ వీల్స్‌, రేర్‌ డిస్క్‌ బ్రేకులను చూడవచ్చు.

గతంలో విడుదలైన టాటా పంచ్‌ ఈవీ చిత్రాలను పరిశీలిస్తే వెనుక భాగంలో కనెక్టెడ్‌ LED టెయిల్ ల్యాంప్‌లు ఉండే అవకాశం ఉంది. కాగా టెస్ట్ మ్యూల్ ఇప్పటికీ ఎగ్జాస్ట్ పైప్‌ను కలిగి ఉంది. అధిక ముగింపు వేరియంట్‌లు Nexon EV నుండి 12.3-అంగుళాల ఇన్ఫోటైన్‌మెంట్ స్క్రీన్‌ని పొందవచ్చు.

కాగా టాటా కార్లలో టాప్‌ ఎండ్‌ వేరియంట్లు నెక్సాన్‌ ఈవీ మాదిరిగా 12.3 అంగుళాల ఇన్ఫోటైన్‌మెంట్‌ స్క్రీన్‌తో వస్తాయి. కానీ ఇందులో 7.0-అంగుళాల స్క్రీన్‌తో కొనసాగుతుందని గతంలో విడుదలైన చిత్రాల ద్వారా తెలుస్తోంది. అయితే, టాటా Nexon EV నుంచి కొత్త ఫీచర్లను తీసుకుని ఇందులో యాడ్‌ చేసే అవకాశం ఉంది.

అయితే అప్‌కమింగ్‌ టాటా పంచ్ EV పవర్‌ట్రెయిన్ గురించి ప్రస్తుతం ఎటువంటి సమాచారం అందుబాటులో లేదు. కానీ టాటా టియాగో ఈవీ, నెక్సాన్‌ ఈవీ మాదిరిగానే టాటా పంచ్‌ ఈవీ కూడా జిప్‌ట్రాన్‌ టెక్నాలజీతో పనిచేస్తుందని అంచనా వేస్తున్నారు. Ziptron టెక్నాలజీలో వివిధ బ్యాటరీ ప్యాక్‌ ఆప్షన్లు ఉంటాయి. ఒక్కో బ్యాటరీ ప్యాక్‌లో విభిన్న రేంజ్‌లు ఉంటాయి.

టాటా పంచ్ EV ఆల్ఫా ప్లాట్‌ఫారమ్‌పై ఆధారపడి ఉంటుందని సంస్థ తెలిపింది. ఇది "బోర్న్ ఎలక్ట్రిక్" కెపాసిటీని కలిగి ఉండటంతో.. ఇది టాటా మోటార్స్ నుంచి వచ్చిన మొట్టమొదటి రియల్‌ బోర్న్ ఎలక్ట్రిక్ కారు అనే ఇదే కావడం విశేషం. టాటా టియాగో EV 24 kWh బ్యాటరీ ప్యాక్‌తో 315 కిమీ రేంజ్‌ను అందిస్తుంది. చిన్న 19.2 kWh బ్యాటరీ ప్యాక్ 250 కి.మీ రేంజ్‌ను ఇస్తుంది.

కాగా టాటా మోటార్స్‌ తన Nexon, Nexon EV, హారియర్, సఫారీలను ఆధునిక టెక్నాలజీతో పూర్తిగా అప్‌డేట్‌ చేసింది. టాటా పంచ్‌ ఈవీతో పాటు సంస్థకు చెందిన పలు మోడళ్లు కూడా మరిన్ని అప్‌డేట్లతో త్వరలో మార్కెట్లోకి రానున్నాయి. ఈ క్రమంలో ఇటీవల ఆటో ఎక్స్‌పో 2023 లో టాటా ఆల్ట్రోజ్‌ EV ను పరిచయం చేసింది. ఇది 2024 త్రెమాసికంలో విడుదల కానుంది.

కొత్త టాటా ఆల్ట్రోజ్‌ ఈవీ విలక్షణమైన బ్లూ హైలైట్‌లతో పాటు దాని ప్లాట్‌ఫారమ్‌ ICE వెర్షన్‌ మాదిరిగా ఉంటుంది. పవర్‌ట్రెయిన్ విషయానికొస్తే ఇందులో 24 kWh బ్యాటరీ ప్యాక్ లేదా 30.2 kWh బ్యాటరీ ప్యాక్‌ను ఉపయోగించే అవకాశం ఉంది. ఇక కొత్త టాటా హారియర్‌ ఈవీ కూడా 60- 65 kwh బ్యాటరీ ప్యాక్‌ను ఉపయోగిస్తున్నట్లు సమాచారం. రేంజ్‌ 400 నుంచి 500 కి.మీ.