Tata Altroz: టాటా ఆల్ట్రోజ్‌పై రూ. 45,000 భారీ తగ్గింపు.. తక్కువ ధర, 26 కి.మీ మైలేజ్‌

2023 ఏడాది మరికొద్ది రోజుల్లో ముగుస్తుండటంతో ఇప్పటికే పలు ప్రముఖ కంపెనీలు పలు కార్‌ మోడళ్లపై ఆకర్షణీయమైన ఆఫర్లను అందిస్తున్నాయి. ఈ క్రమంలో టాటా మోటార్స్ ఎంపిక చేసిన డీలర్‌షిప్‌లు కూడా ఈ ఏడాది చివర్లో వివిధ కార్లపై భారీ తగ్గింపులను ప్రవేశపెట్టాయి. టాటా ఆల్ట్రోజ్‌ హ్యాచ్‌బ్యాక్‌పై కూడా భారీ తగ్గింపును ప్రకటించింది.

టాటా మోటార్స్‌కు చెందిన టాటా ఆల్ట్రోజ్‌(Tata Altroz) పై ఎంపిక చేసిన డీలర్‌షిప్‌లు.. క్యాష్ డిస్కౌంట్లు, ఎక్స్ఛేంజ్ బోనస్‌లు మరియు కార్పొరేట్ డిస్కౌంట్‌లు అందిస్తున్నాయి. మొత్తంగా రూ.45,000 తగ్గింపు ప్రయోజనాలు పొందవచ్చు. పెట్రోల్ MT వేరియంట్‌పై రూ.30,000 నగదు తగ్గింపు, రూ.10,000 ఎక్స్ఛేంజ్ బోనస్ మరియు రూ.5,000 కార్పొరేట్ తగ్గింపును ప్రకటించింది.

టాటా ఆల్ట్రోజ్‌ DCA వేరియంట్‌పై రూ.15,000 నగదు తగ్గింపు, రూ.10,000 ఎక్స్ఛేంజ్ బోనస్, రూ.5,000 కార్పొరేట్ డిస్కౌంట్‌ను పొందవచ్చు. టాటా ఆల్ట్రోజ్ డీజిల్ వేరియంట్‌లపై రూ.25,000 నగదు తగ్గింపు, రూ.10,000 ఎక్స్ఛేంజ్ బోనస్, రూ.5,000 కార్పొరేట్ తగ్గింపు ప్రయోజనాలు ఉన్నాయి.

ఇంకా టాటా ఆల్ట్రోజ్‌ CNG వేరియంట్‌పై రూ.10,000 నగదు తగ్గింపు, ఎక్స్ఛేంజ్ బోనస్‌తో పాటు, రూ.5,000 కార్పొరేట్ తగ్గింపును సంస్థ అందిస్తోంది. అయితే డీలర్‌షిప్, స్టాక్ లభ్యత ఆధారంగా ఆఫర్లు ఉంటాయి. మరిన్ని వివరాల కోసం మీ సమీపంలోని షోరూమ్‌ని సందర్శించవచ్చు. ఈ తగ్గింపు ఆఫర్లు రాష్ట్రం నుండి రాష్ట్రానికి మారుతూ ఉంటాయి.

భారత మార్కెట్లో ప్రస్తుతం, టాటా ఆల్ట్రోజ్ ధర రూ. 6.60 లక్షల నుండి రూ.10.74 లక్షల ధరలో కొనుగోలు చేయడానికి అందుబాటులో ఉంది. ఇవి ఎక్స్ షోరూమ్‌ ధరలు. టాటా ఆల్ట్రోజ్‌ XE, XM, XM Plus, XT తో వేరియంట్లతో పాటు అనేక ఆకర్షణీయమైన కలర్స్‌ ఆప్షన్లలో కొనుగోలు చేయవచ్చు. హ్యుందాయ్ ఐ20, మారుతి సుజుకి బాలెనో, టయోటా గ్లాంజా బలమైన పోటీగా ఉన్నాయి.

టాటా ఆల్ట్రోజ్‌ను మూడు ఇంజిన్ ఆప్షన్లలో టాటా మోటార్స్‌ ప్రవేశపెట్టింది. ఇందులోని 1.2-లీటర్ నేచురల్లీ అస్పిరేటెడ్‌ పెట్రోల్ ఇంజిన్, 1.2-లీటర్ టర్బో పెట్రోల్ ఇంజిన్, 1.5-లీటర్ డీజిల్ ఇంజిన్‌ ఆప్షన్లలో పొందవచ్చు. CNG పవర్ ట్రైన్‌తో కూడిన కారులో 1.2-లీటర్ న్యాచురల్లీ ఆస్పిరేటెడ్ ఇంజన్ 73.5 PS గరిష్ట శక్తిని మరియు 103 Nm గరిష్ట టార్క్‌ను ఉత్పత్తి చేస్తుంది.

టాటా ఆల్ట్రోజ్‌ వేరియంట్‌లకు అనుగుణంగా, ఆల్ట్రోజ్‌ ​​5-స్పీడ్ మాన్యువల్, 6-స్పీడ్ డ్యూయల్-క్లచ్ ట్రాన్స్‌మిషన్ (DCT) గేర్‌బాక్స్ ఆప్షన్లతో జతచేయబడి ఉంటుంది. మైలేజ్‌ పరంగా, పెట్రోల్ వేరియంట్ 18.50 kmpl - 19.33 kmpl, డీజిల్ వేరియంట్ 23.64 kmpl మరియు CNG వేరియంట్ 26.20 km/kg మైలేజ్‌ కెపాసిటీని కలిగి ఉంటుంది.

టాటా ఆల్ట్రోజ్‌ కారు 7-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, సెమీ-డిజిటల్ ఇన్‌స్ట్రుమెంట్ క్లస్టర్, యాంబియంట్ లైటింగ్, క్రూయిజ్ కంట్రోల్ మరియు సింగిల్-పేన్ సన్‌రూఫ్‌తో సహా డజన్ల కొద్దీ ఫీచర్లతో వస్తుంది. టాటా ఆల్ట్రోజ్‌లో డ్యూయల్ ఫ్రంట్ ఎయిర్‌బ్యాగ్‌లు, ISOFIX చైల్డ్-సీట్ యాంకర్లు, ఆటో పార్క్ లాక్, అరుదైన పార్కింగ్ సెన్సార్‌ల వంటి అధునాతన సేఫ్టీ ఫీచర్లు ఉన్నాయి.