22 కి.మీ మైలేజ్‌తో కొత్త MG3 హైబ్రిడ్‌ హ్యాచ్‌బ్యాక్‌ ఆవిష్కరణ.. ఫీచర్లు, స్పెసిఫికేషన్లు అదరహో.!!

గ్లోబల్‌ మార్కెట్లోకి మరో కొత్త కారు పరిచయమైంది. ఇటీవల జరిగిన 2024 జెనీవా మోటార్‌ షోలో మూడవ తరం MG3 హ్యాచ్‌బ్యాక్ 2024 ను సంస్థ ఆవిష్కరించింది. ప్రీమియం ఫీచర్లు, ఇంటీరియర్‌, ఎంజీ పైలట్‌ సేఫ్టీ టెక్నాలజీ కొత్త 'MG3' కారు త్వరలో యూరోపియన్ మార్కెట్‌లోకి ప్రవేశించనుంది. పూర్తి సమాచారం ఈ కథనంలో..

అంతర్జాతీయ మార్కెట్లో 2008 నుంచి MG3 ప్రీమియం హ్యాచ్‌బ్యాక్‌ను SAIC మోటార్స్ (MG మోటార్ యొక్క మాతృ సంస్థ) తయారు చేస్తోంది. 2008 తర్వాత సెకండ్‌ జెన్‌ మోడల్‌ ప్రారంభం కాగా.. 2013 మరియు 2018లో పలు అప్‌డేట్లతో కార్‌ ప్రియులకు చేరువైంది. ప్రస్తుతం జెనీవా మోటార్‌ షోలో అధికారికంగా ఆవిష్కరించబడిన మోడల్‌ థర్డ్‌ జెనరేషన్‌..

MG3 మూడవ తరం మోడల్‌ చాలా అప్‌డేట్లకు గురవ్వడంతో పూర్తిగా రీడిజైన్‌ చేయబడింది. దూకుడు స్వభావం, ఎక్స్‌టీరియర్‌ పరంగా ఏరోడైనమిక్ డిజైన్, కొత్త హెడ్‌ల్యాంప్‌లు, పెద్ద బంపర్, హారిజాంటల్‌ మౌంటెడ్ టెయిల్ ల్యాంప్స్, కొత్త అల్లాయ్ వీల్స్, స్లీకర్ రియర్ బంపర్ మరియు హైబ్రిడ్ B సెగ్‌లోని అతిపెద్ద బూట్‌తో వస్తుంది.

మూడవ తరం MG3 హ్యాచ్‌బ్యాక్‌ కొలతల విషయానికొస్తే.. ఇది 4,113 mm పొడవు, 1,502 mm ఎత్తు మరియు 1,797 mm వెడల్పుతో వస్తుంది. 2,570 mm పొడవైన వీల్‌బేస్ మరియు 1,285 కిలోల బరువును కలిగి ఉంటుంది.

కలర్స్‌ విషయానికి వస్తే ఇది పెబుల్ బ్లాక్, డోవర్ వైట్, కాస్మిక్ సిల్వర్, హాంప్‌స్టెడ్ గ్రే, కోమో బ్లూ, పాస్టెల్ ఎల్లో మరియు డైమండ్ రెడ్ అనే 7 ఆకర్షణీయమైన కలర్స్‌లో విడుదల కానుంది. ఇక కొత్త MG3 ఆటో ఛార్జింగ్ హైబ్రిడ్ పవర్‌ట్రెయిన్‌ను కలిగి ఉంటుంది. పూర్తి-హైబ్రిడ్ పవర్‌ట్రెయిన్‌తో కొత్త MG 3 హైబ్రిడ్ ప్లస్‌గా రానుంది.

ఇంటీరియర్‌ విషయానికొస్తే MG 3 లో స్టాండర్డ్, కంఫర్ట్ మరియు ప్రీమియంతో సహా యూరోపియన్ కస్టమర్‌ల కోసం మూడు వేరియంట్‌లు అందుబాటులో ఉంటాయి. ఫ్లాట్ బాటమ్, మల్టీ-ఫంక్షన్ స్టీరింగ్ వీల్, 7-అంగుళాల డిజిటల్ ఇన్‌స్ట్రుమెంట్ క్లస్టర్, 10.25-అంగుళాల మల్టీమీడియా స్క్రీన్ మరియు అధునాతన iSmart ఇన్ఫోటైన్‌మెంట్ సిస్టమ్‌ను కలిగి ఉంటుంది.

కీలెస్ ఎంట్రీ, AC, బ్లూటూత్ కనెక్టివిటీతో 6 స్పీకర్ ఆడియో సిస్టమ్ మరియు 4 USB పోర్ట్‌లు దీని ఇంటీరియర్ ఫీచర్లలో భాగంగా ఉన్నాయి. కొత్త MG3 Android Auto మరియు Apple CarPlayతో పాటు స్మార్ట్‌ఫోన్ ఇంటిగ్రేషన్‌తో శాటిలైట్ నావిగేషన్‌కు మద్దతు ఇస్తుంది.

సేఫ్టీ ఫీచర్ల పరంగా కొత్త MG3 పైలట్ టెక్నాలజీ ద్వారా డెలివరీ చేయబడిన సరికొత్త అడ్వాన్స్‌డ్ డ్రైవర్ అసిస్టెన్స్ సిస్టమ్స్ (ADAS)ని కలిగి ఉంటుంది. ఇందులో లేన్ కీప్ అసిస్ట్, లేన్ ఎగ్జిట్ వార్నింగ్, అడాప్టివ్ క్రూయిజ్ కంట్రోల్, ఫార్వర్డ్ కొలిషన్ వార్నింగ్, ట్రాఫిక్ జామ్ అసిస్ట్ వంటి అధునాతన సేఫ్టీ ఫీచర్లతో వస్తుంది.

కొత్త MG3 లోని హైబ్రిడ్‌ పవర్‌ట్రెయిన్‌ 1.5-లీటర్, 4-సిలిండర్ పెట్రోల్ ఇంజిన్‌, మరియు దాని ముందు చక్రాలను నడిపేందుకు ఎలక్ట్రిక్ మోటారును కలిగి ఉంటుంది. 192 hp గరిష్ట శక్తిని మరియు 250 Nm టార్క్‌ని ఉత్పత్తి చేస్తుంది. మూడవ తరం MG3 హైబ్రిడ్ ప్లస్ పవర్‌ట్రెయిన్ 22.72 kmpl మైలేజీని అందిస్తుంది.

కొత్త MG3 EV మోడ్‌లో 80.4 కి.మీ వేగంతో ప్రయాణిస్తుంది. ఇంకా ఎకో, స్టాండర్డ్ మరియు స్పోర్ట్ అనే మూడు డ్రైవింగ్ మోడ్‌లతో కస్టమర్లకు అందుబాటులోకి రానుంది. కేవలం 8 సెకన్లలో 100 కి.మీ వేగాన్ని అందుకునేలా దీనిని రూపొందిస్తున్నారు.