హ్యుందాయ్‌ క్రెటా N Line లాంచ్‌.. స్పోర్టీ లుక్‌లో మతి పోగొడుతున్న SUV.. బుకింగ్‌లు ప్రారంభం

భారత మార్కెట్లో హ్యుందాయ్‌ క్రెటా ఎస్‌యూవీకి భారీ డిమాండ్‌ ఉంది. ఆకట్టుకునే డిజైన్‌, మతి పోగెట్టే ఫీచర్లు, అద్భుతమైన పర్ఫామెన్స్‌కు హ్యుందాయ్‌ మోటార్స్‌కు భారీ సేల్స్‌ను తెచ్చిపెడుతుంది. కాగా దేశంలో టాప్‌ 5 కార్ల సేల్స్‌లో హ్యుందాయ్‌కు ఎప్పుడూ చోటుంటుంది. ఈ క్రమంలో ఈ కొరియన్‌ సంస్థ నుంచి నేడు Creta N Line మోడల్‌ లాంచ్‌ అయింది.

హ్యుందాయ్ క్రెటా N లైన్ ఎస్‌యూవీ(Hyundai Creta N Line Launch)ని సంస్థ.. N8 మరియు N10 అనే రెండు వేరియంట్లలో లాంచ్‌ చేసింది. ఇది సాధారణ క్రెటా యొక్క SX(టెక్) మరియు SX(O) ట్రిమ్‌ల ఆధారంగా రూపొందించారు. స్పెసిఫికేషన్స్‌ పరంగా గట్టి సస్పెన్షన్, అప్‌డేటెడ్‌ స్టీరింగ్ డైనమిక్స్ మరియు బీఫియర్ ఎగ్జాస్ట్ నోట్‌తో కస్టమర్లను ఇట్టే ఆకట్టుకుంటుంది.

కొత్త హ్యుందాయ్ క్రెటా N లైన్ SUV మల్టీ కలర్‌ ఆప్షన్లలో సంస్థ ప్రవేశపెట్టింది. క్రెటా ఎన్‌ లైన్‌ SUV మోనోటోన్ (అబిస్ బ్లాక్ పెర్ల్, అట్లాస్ వైట్ మరియు టైటాన్ గ్రే మ్యాట్) కలర్స్‌లో అందుబాటులో ఉండగా.. 3 డ్యూయల్-టోన్ షేడ్స్ (అట్లాస్ వైట్, షాడో గ్రే మరియు థండర్ బ్లూ)లో కొనుగోలు చేయవచ్చు. కాగా డ్యూయల్-టోన్ మోడల్స్ బ్లాక్ రూఫ్‌తో సంస్థ తీసుకువచ్చింది.

హ్యుందాయ్‌ క్రెటా ఎన్ లైన్ ఎస్‌యూవీ డిజైన్ విషయానికొస్తే.. ఇది స్టాండర్డ్ మోడల్ కంటే మరింత దూకుడుగా మరియు స్పోర్టీ లుక్‌తో కనిపిస్తుంది. కొత్త ఫ్రంట్ మరియు రియర్ బంపర్‌లతో పాటు ఎక్స్‌టీరియర్‌లో రెడ్ కలర్ స్ప్లాష్‌లు, స్పోర్టీ డ్యూయల్ ఎగ్జాస్ట్ చిట్కాలు మరియు మరిన్ని అధునాతన మార్పులను చూడవచ్చు.

స్టాండర్డ్‌ మోడల్‌తో పోలిస్తే.. కొత్త హ్యుందాయ్ క్రెటా ఎన్ లైన్ స్పోర్టీ లుక్‌కు అనుగుణంగా మరింత విశాలంగా ఉంటుంది. వెనుక వైపున, క్రెటా N లైన్ ఫాక్స్ స్కిడ్ ప్లేట్‌లకు బదులుగా ఫాక్స్ డిఫ్యూజర్‌ను కలిగి ఉంది. వెనుక స్పాయిలర్ మరియు డ్యూయల్-టిప్ ఎగ్జాస్ట్‌ల వాడకంతో హ్యుందాయ్‌ క్రెటా ఎన్‌ లైన్‌ ఎస్‌యూవీ డిజైన్‌ మరింత మెరుగ్గా ఉంటుంది.

ఫీచర్ల విషయానికొస్తే Hyundai Creta N Line SUV డ్యూయల్ 10.25 అంగుళాల స్క్రీన్‌లు (టచ్‌స్క్రీన్ ఇన్ఫోటైన్‌మెంట్ యూనిట్, డిజిటల్ ఇన్‌స్ట్రుమెంట్ క్లస్టర్)తో వస్తుంది. వైర్‌లెస్ ఆపిల్ కార్‌ప్లే మరియు ఆండ్రాయిడ్ ఆటో, వైర్‌లెస్ ఛార్జింగ్ ప్యాడ్, వెంటిలేటెడ్ ఫ్రంట్ సీట్లు, 360-డిగ్రీ కెమెరా, డ్యూయల్-జోన్ క్లైమేట్ కంట్రోల్ ఫీచర్లు ఉన్నాయి. పనోరమిక్ సన్‌రూఫ్, పవర్డ్ డ్రైవర్ సీట్ మరియు కనెక్టివిటీ కార్ టెక్‌ను కలిగి ఉంది.

సేఫ్టీ ఫీచర్ల పరంగా.. కొత్త హ్యుందాయ్ క్రెటా N లైన్‌లో 6 ఎయిర్‌బ్యాగ్‌లు, హిల్ స్టార్ట్ అసిస్ట్, ISOFIX పాయింట్లు, డాష్‌క్యామ్, ABS, EBD, ఎలక్ట్రానిక్ స్టెబిలిటీ కంట్రోల్ (ESC), ESS, TPMS, ట్రాక్షన్ కంట్రోల్, ADS లెవెల్-2 వంటి అధునాతన భద్రతా ఫీచర్లతో వస్తుంది.

కొత్త హ్యుందాయ్‌ క్రెటా N లైన్ SUV 1.5-లీటర్, 4-సిలిండర్, టర్బోచార్జ్డ్ పెట్రోల్ ఇంజిన్‌తో పనిచేస్తుంది. ఈ ఇంజన్ 160 bhp మరియు 253 Nm టార్క్‌ను ఉత్పత్తి చేస్తుంది. ఈ ఇంజిన్‌ను 6-స్పీడ్ మాన్యువల్ గేర్‌బాక్స్ లేదా 7-స్పీడ్ DCT యూనిట్‌తో జత చేయబడి ఉంటుంది.

కాగా హ్యుందాయ్ క్రెటా ఎన్ లైన్ ఎస్‌యూవీ(Hyundai Creta N Line SUV Bookings Open)ని సంస్థ రూ. 16.82 లక్షల ధర(ఎక్స్-షోరూమ్)తో ప్రవేశపెట్టింది. కొనుగోలు కోసం బుకింగ్‌లు కూడా ప్రారంభమయ్యాయి. ఆసక్తి గల కస్టమర్లు రూ.25,000 టోకెన్ మొత్తాన్ని చెల్లించి బుక్ చేసుకోవచ్చు.