21.8 కి.మీ మైలేజీ ఇచ్చే ఈ కారు ప్రతీ నెలా టాప్‌-5లో ఉంటుంది.. ధర రూ. 11 లక్షలు మాత్రమే!

దేశంలో హ్యుందాయ్‌ కార్లకు డిమాండ్‌ ఎక్కువగా ఉంది. మారుతి సుజుకి తర్వాత ఎక్కువ సంఖ్యలో ఈ సంస్థకు చెందిన కార్లను జనాలు కొనుగోలు చేస్తున్నారు. ఈ కంపెనీ కార్లు తక్కువ ధరలో ఆకర్షణీయమైన డిజైన్లు, ఫీచర్లతో సహా వివిధ రకాల కార్లను విక్రయిస్తోంది. దీంతో ఈ సంస్థకు చెందిన కార్లు సేల్స్‌లోనూ సత్తా చాటుతున్నాయి. హ్యుందాయ్‌ లోని ఫేమస్‌ ఎస్‌యూవీకి సంబంధించిన ఆగస్టు 2024 సేల్స్‌ రిపోర్ట్‌ వెల్లడి అయ్యింది. ఆ పాపులర్ మిడ్ సైజ్ ఎస్‌యూవీ నెలవారి అమ్మకాల్లో టాప్ 10 బెస్ట్ సెల్లింగ్ కార్ల జాబితాలో మూడో స్థానంలో ఉంది. ఆ కారుకి సంబంధించిన సేల్స్‌, పూర్తి వివరాలు ఈ కథనంలో..

హ్యుందాయ్ నుంచి క్రెటా ఎస్‌యూవీ (Hyundai Creta) సేల్స్‌లో దుమ్మురేపుతుంది. ఈ కారు ఆగస్టు 2024 లో మొత్తం 16,762 యూనిట్లు అమ్ముడయ్యాయి. ఇదే కారు 2023లో విక్రయించిన 13,832 యూనిట్లతో పోలిస్తే ఇది 21 శాతం అధికం. అంతే కాకుండా ఈ కారు ఎస్‌యూవీ విభాగంలో జూలై 2024 వరకు ఈ జాబితాలో అగ్రస్థానంలో ఉంది. ఇప్పుడు రెండో స్థానానికి పడిపోయింది.

హ్యుందాయ్ క్రెటా ఎస్‌యూవీ కంపెనీ లైనప్‌లోనే అత్యధికంగా అమ్ముడవుతున్న కారుగా ఉంది. ఈ కారు చాలా సరసమైన ధరలో కొనుగోలు చేయడానికి అందుబాటులో ఉంది. దీని ధర రూ .11 లక్షల నుండి రూ .20.15 లక్షల (ఎక్స్-షోరూమ్) మధ్య ఉంది. ఇది E, EX, S, S (O), SX Tech వంటి 7 వేరియంట్లలో అందుబాటులో ఉంది. వీటితో పాటు నైట్‌ ఎడిషన్‌లోనూ అందుబాటులో ఉంది.

ఈ హ్యుందాయ్ క్రెటా పెట్రోల్, డీజిల్ పవర్ట్రెయిన్ ఆప్షన్స్‌తో వస్తుంది. ఇందులోని 1.5-లీటర్ నేచురల్ ఆస్పిరేటెడ్ పెట్రోల్ ఇంజిన్ గరిష్టంగా 115 ps పవర్‌ని 144 nm టార్క్‌ని ఉత్పత్తి చేస్తుంది. 1.5-లీటర్ టర్బో పెట్రోల్ ఇంజిన్ 160 ps పవర్, 253 nm టార్క్‌ని విడుదల చేస్తుంది. మరో 1.5-లీటర్ డీజిల్ ఇంజిన్ 116 ps పవర్, 250 nm టార్క్‌ని ఉత్పత్తి చేస్తుంది.

ఈ వేరియంట్లు 6-స్పీడ్ మాన్యువల్, 6-స్పీడ్ ఆటోమేటిక్, సీవీటీ 7-స్పీడ్ గేర్‌బాక్స్‌తో జతచేయబడి ఉంటాయి. ఈ కారు 17.4 నుంచి 21.8 కిలోమీటర్ల మైలేజీ ఇస్తుంది. ఈ కారు ఆకర్షణీయమైన డిజైన్‌తో చూపరులను కట్టి పడేస్తుంది. ఈ కారులో వీరిలో ఐదుగురు హాయిగా ప్రయాణించవచ్చు. ఇందులో లగేజీ పెట్టుకోవడానికి 433 లీటర్ల బూట్‌ స్పేస్‌ కలదు. లాంగ్‌ జర్నీలో ఇది ఎక్కువగా ఉపయోగపడుతుంది.

ఈ కారు 6 మోనోటోన్‌ కలర్స్, 1 డ్యూయల్‌ టోన్‌ కలర్‌ ఆప్షన్స్‌తో అందుబాటులో ఉంటుంది. ఇక ఫీచర్ల పరంగా ఇందులో 10.25 అంగుళాల డ్యూయల్ డిస్ ప్లేలు (ఇన్ఫోటైన్ మెంట్ సిస్టమ్ & ఇన్ స్ట్రుమెంట్ క్లస్టర్), డ్యూయల్ జోన్ ఏసీ, 8 స్పీకర్ బోస్ సౌండ్ సిస్టమ్, సన్‌రూఫ్, వెంటిలేటెడ్ ఫ్రంట్ సీట్లు ఉన్నాయి. ఇంకా మరెన్నో అధునాతన ఫీచర్లు ఇందులో కలవు.

సేఫ్టీ పరంగా ఇందులో 6 ఎయిర్‌బ్యాగ్స్‌, ఏబీఎస్ (యాంటిలాక్ బ్రేకింగ్ సిస్టమ్), ఈబీడీ (ఎలక్ట్రానిక్ బ్రేక్ ఫోర్స్ డిస్ట్రిబ్యూషన్) ఉన్నాయి. ఈ కారు కియా సెల్టోస్ , మారుతి సుజుకి గ్రాండ్ విటారా, టయోటా హైరైడర్‌ కార్లతో పాటు మార్కెట్‌లో మరెన్నో కార్లకు గట్టి పోటీని ఇస్తుంది. క్రెటా ఎలక్ట్రిక్ కారు 2025 మార్చిలోపు మార్కెట్‌లో అడుగుపెట్టే అవకాశం ఉంది. ఇది 400 కి.మీ రేంజ్‌తో రానుంది.