తక్కువ కాలంలో భారీ డిమాండ్‌ సాధించిన హ్యుందాయ్‌ మైక్రో SUV ధర పెరిగింది... ఏంటీ ఈ కారు ప్రత్యేకత?

హ్యుందాయ్‌ మోటార్‌ ఇండియా లిమిటెడ్‌ తన ఉత్పత్తులపై ధరలను సవరణ (Hyundai cars price hike) చేసింది. ఇందులో భాగంగా మైక్రో ఎస్‌యూవీ హ్యుందాయ్‌ ఎక్స్‌టర్‌ ధరలు కూడా పెరిగాయి. ఈ SUVపైన రూ.12,910 ధర పెరిగింది. ప్రస్తుతం హ్యుందాయ్‌ ఎక్స్‌టర్‌ ప్రారంభ ధర రూ.6,12,800గా ఉంది. ఈ మోడల్‌పై భారత్‌ మార్కెట్‌లో భారీ డిమాండ్‌ ఏర్పడింది.

హ్యుందాయ్‌ ఎక్స్‌టర్‌ వేరియంట్‌ను (Hyundai Exter) బట్టి వెయిటింగ్‌ పీరియడ్‌ ఉంటుంది. ప్రాంతం, డీలర్‌ను బట్టి వెయిటింగ్‌ పిరియడ్‌లోనూ మార్పులుంటాయి. ప్రస్తుతం ఎక్స్‌టర్ ఎస్‌యూవీ భారత్ మార్కెట్‌లో టాటా పంచ్‌, సిట్రోయెన్‌ C3 వంటి కార్లను పోటీపడుతోంది. ఈ కారు 7 వేరియంట్లలో అందుబాటులో ఉంది. అవి EX, EX(O), S, S(O), SX, SX(O), మరియు SX(O) వేరియంట్లలో లభిస్తుంది.

హ్యుందాయ్‌ ఎక్స్‌టర్‌ ఇంజిన్‌, పనితీరు : హ్యుందాయ్‌ ఎక్స్‌టర్‌ కారు 1.2 లీటర్‌, 4 సిలిండర్‌ ఇంజిన్‌ను కలిగి ఉంటుంది. పెట్రోల్‌, CNG వేరియంట్లలో అందుబాటులో ఉంటుంది. ఎక్స్‌టర్‌ పెట్రోల్‌ ఇంజిన్‌ 81.8bhp శక్తి, 113Nm గరిష్ఠ టార్క్‌ను ఉత్పత్తి చేస్తుంది. అదే CNG వెర్షన్‌లో 67.7bhp శక్తి, 95.2Nm టార్క్‌ను ఉత్పత్తి చేస్తుంది.

హ్యుందాయ్‌ ఎక్స్‌టర్‌ మైలేజీ : హ్యుందాయ్‌ ఎక్స్‌టర్‌ మైక్రో SUV పెట్రోల్‌ వెర్షన్‌ 5- స్పీడ్‌ మాన్యువల్‌ లేదా AMT గేర్‌బాక్స్‌తో లభిస్తుంది. CNG వేరియంట్‌ మాన్యువల్‌ ట్రాన్స్‌మిషన్‌తో మాత్రమే అందుబాటులో ఉంటుంది. ఎక్స్‌టర్‌ పెట్రోల్‌ వెర్షన్‌ మాన్యువల్‌ గేర్‌బాక్స్‌ 19.4kmpl మైలేజీని ఇస్తుంది. అదే ఆటోమేటిక్‌ టాన్స్‌మిషన్‌ వేరియంట్‌ 19.2kmpl మైలేజీని ఇస్తుంది. మరియు CNG వేరియంట్‌ 27.1kmpl మైలేజీని అందిస్తుంది.

హ్యుందాయ్‌ ఎక్స్‌టర్‌ ఫీచర్లు హ్యుందాయ్‌ SUVలో డ్యాష్‌క్యామ్‌, షార్క్ ఫిన్ యాంటెనా, వైర్‌లెట్‌ ఛార్జింగ్‌ ప్యాడ్‌, పుట్‌వెల్‌ లైటింగ్‌, పాడిల్‌ షిప్టర్లు, ఆన్‌బోర్డు నావిగేషన్‌ సహా మరెన్నో ఫీచర్లు ఉన్నయి. ఈ సెగ్మెంట్‌లో తొలిసారిగా కొన్ని ఫీచర్లను ఎక్స్‌టర్‌ కలిగి ఉంది. దీంతోపాటు 4.2 అంగుళాల డిజిటల్‌ ఇన్‌స్ట్రుమెంట్‌ క్లస్టర్‌, ఆపిల్‌ కార్‌ప్లే, ఆండ్రాయిడ్‌ ఆటోతో కూడిన 8 అంగుళాల ఇన్ఫోటైన్‌మెంట్‌ యూనిట్‌ ఎక్స్‌టర్‌ సొంతం.

హ్యుందాయ్‌ ఎక్స్‌టర్‌ సేఫ్టీ ఫీచర్లు : దీంతోపాటు ఎలక్ట్రిక్‌ సన్‌రూఫ్‌, పుష్‌ బటన్‌ స్టార్ట్‌, వెనుక AC వెంట్‌లు, డ్రైవర్‌, ప్యాసింజర్‌ సహా సైడ్‌ ఎయిర్‌బ్యాగ్‌లతోపాటు 6 ఎయిర్‌బ్యాగ్‌లను కలిగి ఉన్న తొలి మైక్రో ఎస్‌యూవీగా ఎక్స్‌టర్‌ ఉంది. ఎలక్ట్రానిక్‌ స్టెబిలిటీ కంట్రోల్‌ (ESC), VSM, హిల్‌ అసిస్ట్‌ కంట్రోల్‌ సహా 26 సెక్యురిటీ ఫీచర్లను కలిగి ఉంది.

డ్రైవ్‌స్పార్క్ తెలుగు వెబ్‌సైట్ ఆటోమొబైల్‌కు సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, Threads, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.