Kia Syros కియా నుంచి మరో కొత్త కారు విడుదల.. బుకింగ్స్‌, డెలివరీలు తేదీలు చెక్‌ చేశారా?

కియా సైరోస్ నేడు అధికారికంగా మార్కెట్‌లో అడుగుపెట్టింది. కియా సెల్టోస్‌, సోనెట్‌, కియా కేరన్స్‌, కియా కార్నివల్‌ తర్వాత ఈ సైరోస్‌ భారతీయ మార్కెట్‌లో నేరుగా విడుదల అయ్యింది. సబ్ కాంపాక్ట్ ఎస్‌యూవీ సెగ్మెంట్‌లో ఇప్పటికే కియా కార్లు గట్టి పోటీని ఇస్తున్నాయి. తాజాగా విడుదలైన ఈ సైరోస్‌ పోటీని మరింత తీవ్రతరం చేయనుంది. ఈ కొత్త మోడల్‌కి సంబంధించిన బుకింగ్స్ జనవరి 3, 2025 న ప్రారంభం కానున్నాయి. ఈ కారు డెలివరీలు ఫిబ్రవరిలో ప్రారంభం కానున్నాయి. ఈ కొత్త కారుకి సంబంధించిన పూర్తి వివరాలపై ఓ లుక్కేయండి..

ప్రత్యేకమైన డిజైన్, ఫీచర్లతో ఈ సైరోస్‌ వచ్చింది. ప్రస్తుతం అందుబాటులో ఉన్న సోనెట్‌తో పోలిస్తే ఈ కారు యూత్‌తో పాటు ప్రీమియం ఫీచర్లకు కోరుకునే కస్టమర్లను విపరీతంగా ఆకట్టుకోనుంది. ఈ రెండు కార్లు ఒకే విధమైన కొలతలను కలిగి ఉన్నప్పటికీ.. సైరోస్‌ భిన్నమైన స్టైలింగ్‌తో వస్తుంది. ఓ విధంగా ఇది కియా డిజైన్ 2.0 ఫిలాసఫీకి అద్దం పడుతుంది.

డిజైన్: సైరోస్ ఎక్స్‌టీరియర్‌లో వర్టికల్ LED డేటైమ్ రన్నింగ్ లైట్స్ (DRLs), స్ట్రాంగ్‌ ఫ్రంట్ బంపర్‌తో ఆకర్షణీయమైన ఫేసింగ్‌ని కలిగి ఉంది. దీని సైడ్ ప్రొఫైల్‌లో ఫ్లష్ డోర్ హ్యాండిల్స్, 17-అంగుళాల డ్యూయల్-టోన్ అల్లాయ్ వీల్స్‌, ఫ్లాట్ రూఫ్‌లైన్‌ని కలిగి ఉంది. ఇక వెనుక భాగంలో హై మౌంటెడ్ L ఆకారంలో ఉండే LED టెయిల్ లైట్స్‌ చుట్టి రూఫ్‌లైన్‌కి కనెక్ట్ అవుతాయి.

ఇంటీరియర్‌ ఫీచర్లు: సైరోస్ 30-ఇంచెస్‌ ట్రినిటీ పనోరమిక్ డ్యూయల్ స్క్రీన్ సెటప్‌ని కలిగి ఉంటుంది. ఇందులో టచ్‌స్క్రీన్‌ ఇన్ఫోటైన్మెంట్ సిస్టమ్, డిజిటల్ డ్రైవర్ డిస్ప్లే ఉన్నాయి. ఇవి వైర్‌లెస్ ఆండ్రాయిడ్ ఆటో, యాపిల్ కార్ ప్లేలను ఈ సిస్టమ్‌కి సపోర్ట్ చేస్తాయి. ముందు అలాగే వెనుక ప్రయాణీకుల కోసం వెంటిలేటెడ్ సీట్స్‌ మంచి రైడింగ్‌ అనుభూతిని అందిస్తాయి.

వీటితో పాటు స్లైడింగ్‌, రిక్లైనింగ్ రెండవ వరుస సీట్ల ద్వారా నచ్చిన విధంగా కూర్చోవచ్చు. పుష్-బటన్ స్టార్ట్ / స్టాప్ ఇంజిన్ ఫంక్షనాలిటీ, 360-డిగ్రీల పార్కింగ్ కెమెరా, వైర్‌లెస్‌ ఛార్జింగ్ కెపాసిటీ, ట్విన్ USB-సి పోర్ట్స్‌, ఫ్రంట్ పార్కింగ్ సెన్సార్స్‌, పనోరమిక్ సన్‌రూఫ్‌ వంటి అదనపు ఇంటీరియర్ ఫీచర్లు కారుకి అదనపు లుక్‌ని అందిస్తాయి.

సేఫ్టీ అండ్ స్పెసిఫికేషన్స్: అడ్వాన్స్‌డ్‌ డ్రైవర్ అసిస్టెన్స్ సిస్టమ్ (ADAS) లెవల్ 2 టెక్నాలజీతో ఈ కారు వస్తుంది. కావున ఇందలే లేన్ కీప్ అసిస్ట్‌తో పాటు 16 అడాప్టివ్ ఫీచర్లు కలవు. హిల్ స్టార్ట్ అసిస్ట్, ఎలక్ట్రానిక్ స్టెబిలిటీ కంట్రోల్, ఆరు ఎయిర్ బ్యాగ్స్‌ వంటివి ప్రయాణికులకు మెరుగైన సౌకర్యాన్ని అందిస్తాయి. ఈ సైరోస్ పెట్రోల్, డీజిల్ ఇంజిన్‌ ఆప్షన్లలో లభిస్తుంది.

పెట్రోల్ వేరియంట్‌ లోని 1.0-లీటర్ మూడు సిలిండర్ల టర్బో ఇంజిన్ 118 bhp, 172 nm టార్క్‌ని ఉత్పత్తి చేస్తుంది. దీనికి 6-స్పీడ్ మాన్యువల్ లేదా 7-స్పీడ్ డ్యూయల్ క్లచ్ ఆటోమేటిక్ ట్రాన్స్మిషన్‌ జతచేయబడి ఉంటుంది. ఇక 1.5-లీటర్ డీజల్ ఇంజిన్‌ 116 bhp పవర్‌ని, 250 nm టార్క్‌ని విడుదల చేస్తుంది. ఈ ఇంజిన్‌ 6-స్పీడ్ మాన్యువల్ లేదా 6-స్పీడ్ ఆటోమేటిక్ ట్రాన్స్‌మిషన్‌తో వస్తుంది.

కియా మోటార్స్ ప్రస్తుతం వ్యూహాత్మకంగా వ్యవహరిస్తోంది. అందులో భాగంగానే ఈ కారుని సెల్టోస్‌కి ఎక్కువగా సోనెట్‌కి సరిపోయే విధంగా తీసుకువచ్చింది. ఇది మార్కెట్‌లో హ్యుందాయ్ క్రెటా లేదా మారుతి సుజుకి గ్రాండ్ విటారా వంటి కాంపాక్ట్ ఎస్‌యూవీలకు గట్టి పోటీని ఇస్తుందని భావిస్తున్నారు. వేరియంట్ల వారిగా దీని ధరలు త్వరలో వెల్లడి కానున్నాయి.