నెలకు రూ. 10000 ఈఎంఐతో ఫ్యామిలీ మొత్తం ఈ కారులో వెళ్లవచ్చు.. డౌన్‌ పేమెంట్‌ కూడా తక్కువే!!

మారుతి సుజుకి కార్లు సామాన్యులకు అందుబాటులో ధరలో ఉంటాయి. ఈ కార్లకు ఉన్న డిమాండ్‌ ఆధారంగా కంపెనీ వివిధ రూపాల్లో కొత్త మోడళ్లను తీసుకువస్తుంది. అందులో భాగంగానే ఆ సంస్థ తీసుకువచ్చిన మిని వ్యాన్‌ కార్లకు మార్కెట్‌లో డిమాండ్‌ పెరుగుతోంది. ఈ కారులో 7 ప్రయాణికులు సులభంగా ప్రయాణించవచ్చు.

అదే మారుతి ఈకో. దీని ధర చాలా తక్కువ లాభాలు ఎక్కువ. దీనిపై కుటుంబం అంతా కలిసి సులభంగా ప్రయాణించవచ్చు. దూర ప్రయాణాలు లేదా ఏదైనా తీర్థయాత్రలకు వెళ్లినప్పుడు ఈ మిని వ్యాన్‌ కారు మంచి అనుభూతిని అందిస్తుంది. సీటు సీటుకి మధ్య ఎక్కువ స్పేస్ ఉండటంతో ప్యాసింజర్స్‌ ఎలాంటి అసౌకర్యానికి గురవ్వరు. ఇతర వాణిజ్య అవసరాలకు సైతం ఈ కారుని వాడుకోవచ్చు.

గతంలో ఇలాంటి మోడళ్లలో ఎన్నో కార్లను మారుతి విడుదల చేసింది. ఈ కార్లు భారతీయులకు సుపరిచితమే అని చెప్పాలి. ప్రస్తుతం వస్తున్న మోఢిఫికేషన్లతో అధునాతన ఫీచర్లను జోడించి ఈ ఈకో కారుని సంస్థ విడుదల చేసింది. ఈ కారుని చాలా తక్కువ ధరలో ఇంటికి తీసుకువెళ్లవచ్చు. ఈ కథనంలో ఈ కారు సంబంధించిన ఈఎంఐ, డౌన్ పేమెంట్స్ గురించి తెలుసుకుందాం.

మారుతి సుజుకి ఈకో ఎక్స్-షోరూమ్ ధర సుమారు రూ .5,32,000 వద్ద విడుదల చేసింది. అయితే తెలంగాణ ఆర్టీవో ట్యాక్స్ దాదాపు రూ.74,480గా ఉంది. ఈ కారు ఇన్సూరెన్స్ ధర హైదరాబాద్‌ ఎక్స్-షోరూమ్‌లలో సుమారు రూ.39,372గా గమనించవచ్చు. అంటే ఈ కారు ధర ఓవరాల్‌గా ఆన్‌ రోడ్‌ ధర రూ.6,49,487 నుంచి రూ.6,51,436గా ఉంనుంది.

మారుతి సుజుకి ఈకో ఈఎంఐ డౌన్ పేమెంట్ కనీసం రూ.1,00,000 చెల్లించాల్సి ఉంటుంది. మొత్తం ఏడు సంవత్సరాల పాటు ఈఎంఐని లెక్కిస్తే 9.8% వడ్డీ రేటుతో మీరు కారుని సొంతం చేసుకోవచ్చు. అంటే సుమారు 7 సంవత్సరాల కాలానికి లోన్‌ తీసుకుంటే, మీరు నెలకు సుమారు రూ.10,707 బ్యాంకుకు ఈఎంఐగా చెల్లించాలి.

ఈ కారుని ఎక్కువగా ఇష్టపడటానికి కారణం ఈ కారులో ఐదు నుంచి ఏడుగురు సులభంగా ప్రయాణించవచ్చు. మరో కారణం దాని ధర చాలా తక్కువ ఉండటం. ఈ కారు ఎక్స్-షోరూమ్ ధర సుమారు రూ .5.72 లక్షల నుండి రూ .6.53 లక్షల వరకు ఉంటుంది. మారుతిలోని ఇతర ఎర్టిగా కారుని తీసుకోవడానికి సరిపడా బడ్జెట్ లేనివారు మారుతి ఈకోను కొనుగోలు చేయవచ్చు.

మారుతి సుజుకి ఈకో వ్యాన్ (మారుతి సుజుకి ఈకో) 5 సీట్ల స్టాండర్డ్ (ఓ), 5-సీటర్ ఎసి (ఓ), 5-సీటర్ ఎసి సిఎన్జి (ఓ) మరియు 7-సీటర్ స్టాండర్డ్ (ఓ) వేరియంట్లలో లభిస్తుంది. మెటాలిక్ గ్లిట్టరింగ్ గ్రే, పెర్ల్ మిడ్నైట్ బ్లాక్, మెటాలిక్ బ్రిస్క్ బ్లూ, మెటాలిక్ సిల్కీ సిల్వర్ వంటి 5 మోనోటోన్ రంగుల్లో ఇది లభిస్తుంది.

ఈ మారుతి సుజుకి ఈకో పెట్రోల్ మరియు సీఎన్జీ ఇంజన్‌ ఆప్షన్లతో రానుంది. ఈ కారు 1.2-లీటర్ పెట్రోల్ ఇంజన్ గరిష్టంగా 81 పిఎస్ శక్తిని, 104.4 ఎన్ఎమ్ గరిష్ట టార్క్ ను ఉత్పత్తి చేయగలదు. ఈ కారు 5-స్పీడ్ మాన్యువల్ గేర్ బాక్స్ ఆప్షన్ తో లభిస్తుంది. వ్యక్తిగత లేదా ఇతర వాణిజ్య అవసరాల కోసం చూసేవారికి మారుతి ఈకో మంచి ఆప్షన్‌.