కొత్త వేరియంట్‌లో మారుతి సుజుకి నుంచి బెస్ట్ సెల్లింగ్ కారు.. ధర, ఫీచర్లు ఇవే.!!

ప్రముఖ కార్ల తయారీ సంస్థ మారుతి సుజుకి.. ఫ్రాంక్స్ డెల్టా+(O) వేరియంట్‌ను మార్కెట్లోకి విడుదల చేసింది. ఇది డెల్టా+ మరియు జీటా వేరియంట్‌ల మధ్య ఉండే కొత్త మిడ్-స్పెక్ వేరియంట్‌గా సంస్థ తెలిపింది. ఇప్పటికే ఫ్రాంక్స్ భారతీయ మార్కెట్లో మంచి ప్రజాదరణ కలిగి ఉండగా.. ఈ మోడల్‌ను ఇప్పుడు మరో వేరియంట్లో లాంచ్ చేసింది. ధర, ఫీచర్లు, పూర్తి సమాచారం ఈ కథనంలో..

కొత్త Maruti Suzuki Fronx Delta +(O) వేరియంట్ నేచురల్లీ అస్పిరేటెడ్ పెట్రోల్ ఇంజన్ ఆప్షన్‌తో మాత్రమే అందుబాటులో ఉండగా.. ఈ మోడల్ మాన్యువల్ వెర్షన్ ధర రూ. 8.93 లక్షలు(ఎక్స్-షోరూమ్). అయితే Fronx యొక్క AMT వెర్షన్ ధర రూ. 9.43 లక్షలు(ఎక్స్-షోరూమ్). ఈ రెండు వేరియంట్లు సాధారణ డెల్టా+ వేరియంట్‌ల కంటే రూ. 15,000 ఖరీదైనవిగా ఉన్నాయి.

కాగా సంస్థ కొత్తగా లాంచ్ చేసిన ఫ్రాంక్స్ డెల్టా+(O) వేరియంట్లో ఆరు ఎయిర్‌బ్యాగ్‌లు మరియు ఫ్రాంక్స్‌తో కూడిన టైర్ రిపేర్ కిట్ ఉంటుంది. ఇంకా Apple CarPlay మరియు Android Auto కి మద్దతు ఇచ్చే 7-అంగుళాల టచ్‌స్క్రీన్ ఇన్ఫోటైన్‌మెంట్ స్క్రీన్‌, ఎలక్ట్రికల్‌గా సర్దుబాటు చేయగల ORVMలు, కీలెస్ ఎంట్రీ, ఆటోమేటిక్ క్లైమేట్ కంట్రోల్, స్టీరింగ్-మౌంటెడ్ కంట్రోల్స్, ESC, వెనుక పార్కింగ్ సెన్సార్‌లు వంటి ఫీచర్లను కలిగి ఉంది.

మారుతి సుజుకి ఫ్రాంక్స్ కొత్త వేరియంట్ రెండు పెట్రోల్ ఇంజిన్ ఆప్షన్‌లతో అందుబాటులో ఉంటుంది. 1.2-లీటర్, 4-సిలిండర్ల నేచురల్లీ ఆస్పిరేటెడ్ పెట్రోల్ ఇంజిన్ 88.7 బిహెచ్‌పి మరియు 113 ఎన్ఎమ్ గరిష్ట టార్క్‌ను ఉత్పత్తి చేస్తుండగా., ఈ ఇంజిన్ ఎంపిక 5-స్పీడ్ మాన్యువల్ మరియు 5-స్పీడ్ AMT గేర్‌బాక్స్ రెండింటితో జత చేయబడి ఉంటుంది.

మరో ఇంజిన్ 1.0-లీటర్, 3-సిలిండర్, టర్బోచార్జ్డ్ బూస్టర్‌జెట్ పెట్రోల్ ఇంజన్‌ను అందిస్తోంది. ఇది 98 Bhp మరియు 148 Nm గరిష్ట టార్క్‌ను ఉత్పత్తి చేస్తుంది. ఈ ఇంజిన్ 5-స్పీడ్ మ్యాన్యువల్ మరియు 6-స్పీడ్ ఆటోమేటిక్ ట్రాన్స్‌మిషన్‌తో అందుబాటులో ఉంటుంది. గతంలో మారుతి బాలెనోలో ఇదే ఇంజిన్ ఉపయోగించారు.

గత ఏడాది జరిగిన ఆటో ఎక్స్‌పోలో మారుతి సుజుకి.. బాలెనో ఆధారిత ఫ్రాంక్స్‌ను విడుదల చేయగా.. ఈ క్రాస్ఓవర్ డిజైన్ చాలా మందిని ఆకట్టుకుంది. వాస్తవానికి, ఫ్రాంక్స్ ప్రస్తుతం నెక్సా డీలర్‌షిప్‌ల ద్వారా అత్యధికంగా అమ్ముడైన SUV. ఈ డీలర్‌షిప్‌ ద్వారా మారుతి ఇప్పటివరకు 1.35 లక్షల ఫ్రాంక్స్ యూనిట్లను విక్రయించింది.

అంతేకాకుండా దేశీయ మార్కెట్లో అత్యంత వేగంగా 1 లక్ష విక్రయాల మార్కును చేరుకున్న భారతీయ వాహనం కూడా ఇదే.. ప్రారంభించిన 10 నెలల్లోనే ఈ ఘనతను సాధించడం విశేషం. గ్రాండ్ విటారా స్టైలింగ్ ఆధారంగా రూపొందింన ఈ మోడల్‌ను బేబీ గ్రాండ్ విటారా అని పిలుస్తారు. దాని అద్భుతమైన ఎక్స్‌టీరియర్ డిజైన్ కోసం కస్టమర్లు పోటీ పడి మరీ ఈ కారును కొనుగోలు చేస్తున్నారు.

మారుతి సుజుకి Fronx ధర రూ. 7.51 లక్షల ప్రారంభ ధరతో ఉండగా.. వేరియంట్లను బట్టి ధరలు మారుతుంటాయి. దీని హై స్పైక్ ధర రూ. 13.04 లక్షలు ఇవన్నీ ఎక్స్-షోరూమ్ ధరలు. ఈ సెగ్మెంట్‌లోని ఇతర సబ్-4 మీటర్ల SUVల కంటే ఇది చాలా తక్కువ కావడంతో కస్టమర్లు కొనుగోలు చేసేందుకు ఆసక్తి చూపిస్తున్నారు.