బెంజ్‌ కారు ప్రియులకు గుడ్‌న్యూస్‌.. మెర్సిడెస్‌ బెంజ్‌ EQG కాన్సెప్ట్‌ మోడల్‌ ప్రదర్శన, త్వరలోనే లాంచ్‌

మెర్సిడెస్ బెంజ్ (Mercedes Benz) భారత్‌లో EQG కార్ మోడల్‌ను ప్రదర్శించింది. ఇది కాన్సెప్ట్ మోడల్. భారత్‌లో ఈ కారును ప్రదర్శించడం ఇదే తొలిసారి. అంతేకాకుండా బెంజ్ రెండు ఫేస్‌లిఫ్ట్ లగ్జరీ కార్ మోడళ్లు GLA మరియు GLE 53 కూపేలను విడుదల చేసింది.

మెర్సిడెస్‌ బెంజ్ నేడు ప్రారంభించిన అవే ఫేస్‌లిఫ్ట్‌ ప్లాట్‌ఫారమ్‌లో, ఈ కాన్సెప్ట్ EQG మోడల్‌ను కూడా ప్రదర్శించింది. లగ్జరీ కార్‌ మోడళ్లను కోరుకునేవారికి ఇది గుడ్‌న్యూస్‌ లాంటిదనే చెప్పొచ్చు. ఈ లాంచ్ ఈవెంట్ ఈ కారు త్వరలో భారత మార్కెట్లో అందుబాటులోకి వస్తుందని హైలైట్ చేయడానికి ఉద్దేశించబడింది.

Mercedes Benz EQG కాన్సెప్ట్‌ డిస్‌ప్లే పట్ల బెంజ్‌ కారు ప్రియులు సంతోషం వ్యక్తం చేస్తున్నారు. అదే సమయంలో, 2021లో జరిగిన ఫ్రాంక్‌ఫర్ట్ మోటార్ షోలో బెంజ్ తొలిసారిగా ఈ కారును ప్రదర్శించింది. ఇప్పుడు తన కొత్త మెర్సిడెస్‌ కారు కాన్సెప్ట్‌ EQG ను భారత్‌లో త్వరలో అంటే వచ్చే ఏడాదిలో విడుదల చేయనున్నట్లు ధ్రువీకరించింది.

కాగా G-Wagen అనేది Mercedes-Benz కంపెనీకి చెందిన ప్రసిద్ధ కారు మోడల్. కాన్సెప్ట్ EQG ఈ కారు మోడల్ ఆధారంగా రూపొందించబడింది. బెంజ్ త్వరలో ఈ కారు మోడల్ యొక్క ప్రొడక్షన్ వెర్షన్‌ను భారతదేశంలో విడుదల చేయనున్నట్లు తెలుస్తోంది. కాన్సెప్ట్ EQG విజువలైజేషన్ నుంచి ఇది ప్రారంభం అవుతుండొచ్చు. కాగా బెంజ్‌ ఇప్పుడు ప్రదర్శించిన కాన్సెప్ట్ EQG లో కేవలం చిన్న మార్పులు చేసే అవకాశాలు ఉన్నాయి.

కొత్త మెర్సిడెస్ కాన్సెప్ట్ EQG మోడల్ యొక్క ప్రొడక్షన్-స్పెక్ వెర్షన్ బాక్సీ బాడీ స్టైల్‌ను కలిగి ఉండే అవకాశాలు ఉన్నాయి. ఈ బాక్సీ బాడీ స్టైల్ ఐకానిక్ గెలండవాగన్ డిజైన్ స్టైల్‌ను కలిగి ఉంటుందని తెలుస్తోంది. G-క్లాస్ డిజైన్‌కు కొన్ని ట్వీక్‌లు ఉంటుండగా.. ఇవి ఆల్-ఎలక్ట్రిక్ మెర్సిడెస్ EQ ఫోల్డ్‌లోకి రానున్నాయి.

ఈ మార్పులు దాని డైనో-బర్నింగ్ వెర్షన్‌లతో పోలిస్తే బాక్సీ SUVని మరింత ఏరోడైనమిక్‌గా సమర్థవంతమైన మోడల్‌గా మారుస్తాయని ఆటో నిపుణులు అంచనా వేస్తున్నారు. కాగా దీని బ్యాటరీ ప్యాక్ ఇప్పుడు ఎలక్ట్రిక్ G-క్లాస్ యొక్క ల్యాడర్‌-ఫ్రేమ్ ఛాసిస్‌పై అమర్చబడి ఉంటుంది. క్వాడ్-మోటార్, ఆల్-వీల్ డ్రైవ్ సెటప్‌ అలాగే ఉండే అవకాశాలు ఉన్నాయి.

కొత్త మెర్సిడెస్‌ బెంజ్‌ EQG ఎలక్ట్రిక్‌ కారు మోడల్‌.. ఈ కారు కేవలం 4.5 సెకన్లలో సున్నా నుంచి 100 కి.మీ వేగాన్ని అందుకోగలదని కంపెనీ తెలిపింది. ఇది కాకుండా, ఈ కారు ఆఫ్-రోడ్ సామర్ధ్యంతో కూడా రూపొందించారు. మరింత స్పష్టంగా చెప్పాలంటే, EQG పనితీరు, లగ్జరీ మరియు ప్రీమియం ఫీచర్ల పరంగా G-వాగన్‌ను అధిగమించేలా నిర్మించినట్లు తెలిస్తోంది.

తాజాగా బయటకు వెల్లడైన సమాచారం ద్వారా ఈ విషయాలను అర్థం చేసుకోవచ్చు. అయితే, EQG లగ్జరీ ఎస్‌యూవీ ఎలక్ట్రిక్ కారుకు సంబంధించిన ఎలాంటి కీలక ఫీచర్లను కంపెనీ ఇంకా అధికారికంగా ధ్రువీకరించలేదు. మెర్సిడెస్ బెంజ్ దీనికి సంబంధించిన సమాచారాన్ని అతి త్వరలో విడుదల చేసే అవకాశాలు ఉన్నాయి.

డ్రైవ్‌స్పార్క్ తెలుగు వెబ్‌సైట్ ఆటోమొబైల్‌కు సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.