టయోటా ఫార్చ్యూనర్‌కి ఇక రాం రాం చెప్పండి.. నిశ్శబ్దంగా వస్తున్న నిస్సాన్‌ SUV.. ఆసక్తి రేపుతున్న టీజర్‌!

ప్రస్తుతం దేశంలో ఫుల్‌సైజ్ ఎస్‌యూవీ సెగ్మెంట్‌లో టయోటా ఫార్చ్యూనర్ ఆధిపత్యం చెలాయిస్తోంది. ఆ తర్వాత ఎంజీ గ్లోస్టర్, స్కోడా కొడియాక్ అన్నీ మార్కెట్లో ఉన్నప్పటికీ ఫార్చ్యూనర్‌కి గట్టి పోటీని ఇవ్వలేక పోతున్నాయి. ఆ దిగ్గజ ఫార్చ్యూనర్‌తో తలపడేందుకు జపాన్ నుంచే ప్రత్యర్థి బరిలోకి రాబోతుంది. అందులో నిస్సాన్ X-ట్రయల్ (Nissan X trail) ఎస్‌యూవీని త్వరలో భారత మార్కెట్‌లో విడుదల చేయనుంది. ఈ 4th జనరేషన్‌ నిస్సాన్ X-ట్రయల్ భారతదేశంలో అడుగుపెట్టడానికి ఇప్పుడు సిద్ధంగా ఉంది. ఈ మోడల్ 2022లో ప్రపంచ మార్కెట్లో లాంచ్ చేయబడింది. అయితే భారత్‌లో ఈ కారు లాంచ్‌ కాలేదు. త్వరలోనే భారతీయ ఈ కారు మార్కెట్‌లో అడుగుపెట్టనుంది.

ఈ నిస్సాన్ X-ట్రయల్ ఎస్‌యూవీ రాకను టీజర్ల ద్వారా ఇప్పటికే ప్రకటించింది. ఇప్పుడు జపనీస్ ఆటో దిగ్గజం కూడా కొత్త టీజర్‌తో వాహనం ఇంటీరియర్స్‌లోని ఫీచర్లను ఆవిష్కరణ చేసింది. ఈ కారుపై కంపెనీ అందిస్తున్న పలు ఫీచర్లను కొత్త టీజర్ తెలియజేస్తుంది. నిస్సాన్ ఎక్స్-ట్రయల్ ఆధునిక సాంకేతికత, కనెక్టివిటీ సౌకర్యాలతో అధునాతన భద్రతా ఫీచర్లను అందిస్తుంది. ఇది కచ్చితంగా ప్రత్యర్థులకు గట్టి పోటీని ఇవ్వనుంది.

తమ కార్లలో అన్ని ఫీచర్లు ఉండాలనుకునే భారతీయ వినియోగదారులను మెప్పించడం కష్టం సాధారణంగా కష్టతరమైన పని. అయితే 2024 నిస్సాన్ ఎక్స్-ట్రయల్ పనోరమిక్ సన్‌రూఫ్‌తో వస్తుందని టీజర్ సూచిస్తోంది. ఇది క్యాబిన్‌లోకి ఎక్కువ కాంతిని మరియు గాలిని పంపడానికి సహాయపడుతుంది. పూర్తి సాఫ్ట్‌టచ్ ఫినిష్, డ్యూయల్ జోన్ క్లైమేట్ కంట్రోల్, వైర్‌లెస్‌ ఛార్జర్, డిజిటల్ డ్రైవర్ డిస్ప్లే వంటి ఫీచర్లు ఇందులో ఉండనున్నాయి.

ఆండ్రాయిడ్ ఆటో మరియు ఆపిల్ కార్ ప్లేను సపోర్ట్ చేసే ఫ్లోటింగ్ టచ్‌స్క్రీన్ ఇన్ఫోటైన్మెంట్ సిస్టమ్ టీజర్‌లో ఆకట్టుకుంది. తాజా ఎస్‌యూవీ లెథరెట్ అప్‌హోల్‌స్టరీతో రానుంది. నిస్సాన్ ఎక్స్-ట్రయల్ గ్లోబల్ మార్కెట్‌లో 5-సీటర్ మరియు 7-సీటర్ ఆప్షన్‌లో అందుబాటులో ఉంది. నిస్సాన్ ఎక్స్-ట్రయల్ కూడా భారతదేశంలో 7-సీట్ల కాన్ఫిగరేషన్‌ లేదా మధ్యలో బెంచ్ సీటుతో అందించబడుతుందని టీజర్ సూచిస్తుంది.

ఇప్పుడు బయటకు వచ్చి ఈ ఫుల్ సైజ్ ఎస్‌యూవీ సైజ్ ఎక్కువే ఉందని చెప్పవచ్చు. నాల్గవ తరం నిస్సాన్ ఎక్స్-ట్రైల్ 4.7 మీటర్ల పొడవు, 2 మీటర్ల కంటే ఎక్కువ వెడల్పు మరియు 1.7 మీటర్ల ఎత్తు ఉంటుంది. ఈ కారు 2.7 మీటర్ల కంటే ఎక్కువ వీల్‌బేస్‌ని కలిగి ఉంది. అంతే కాకుండా 205 మిమీ గ్రౌండ్ క్లియరెన్స్ కలిగి ఉంటుంది.

గ్లోబల్ స్పెక్ నిస్సాన్ ఎక్స్-ట్రయల్ పెట్రోల్ మరియు హైబ్రిడ్ పవర్ట్రెయిన్ ఆప్షన్లలో వస్తుంది. అయితే ఇండియా-స్పెక్ మోడల్ 1.5-లీటర్, 3-సిలిండర్ టర్బోఛార్జ్డ్ పెట్రోల్ ఇంజిన్‌తో పనిచేస్తుందని భావిస్తున్నారు. ఈ ఇంజన్ గరిష్టంగా 201bhp పవర్ మరియు 305nm గరిష్ట టార్క్‌ని ఉత్పత్తి చేయును. ఈ ట్రాన్స్‌మిషన్ సీవీటీ గేర్ బాక్స్‌ని కలిగి ఉంటుందని భావిస్తున్నారు. ఈ ఎస్‌యూవీ ఆల్ వీల్ డ్రైవ్ (ఏడబ్ల్యూడీ) ఆప్షన్‌తో రానుంది.

అయితే 2 వీల్ డ్రైవ్ (2డబ్ల్యూడీ) వేరియంట్ లభ్యతపై ఇంకా అధికారిక ప్రకటన లేదు. ఎక్స్-ట్రయల్ హైబ్రిడ్ ఆప్షన్‌లో వచ్చేందుకు కాస్త సమయం పట్టవచ్చు. దీన్ని ఫుల్లీ బిల్ట్ యూనిట్ (సీబీయూ)గా దిగుమతి చేసుకోవాలని నిస్సాన్ నిర్ణయించింది. సీబీయూ కిట్స్‌తో వచ్చే కార్ల ధరలు కాస్త ఎక్కువగానే ఉంటాయి. రాబోయే రోజుల్లో ఈ ఎస్‌యూవీకి సంబంధించిన మరిన్ని వివరాలను కంపెనీ వెల్లడించనుంది. అప్పటి వరకు వెయిట్ చేద్దాం.

డ్రైవ్స్‌పార్క్ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.