నానో కంటే చిన్న కారు ఉందని మీకు తెలుసా.. టాటా మోటార్స్‌కు ఆ కారు చాలా ప్రత్యేకం

కొన్నేళ్ల క్రితం మధ్య తరగతి ప్రజల కోసం రూ. లక్ష ధరతో టాటా మోటార్స్‌ విడుదల చేసిన నానో కారు అప్పట్లో ఓ సంచలనం. అయితే కొన్ని రోజులకే నానో మార్కెట్‌లో పెద్ద ఫ్లాప్ అయింది. కానీ నానో కంటే ముందే ఈ దేశీ దిగ్గజం మరో చిన్న కారును తయారు చేసిందని మీకు తెలుసా.??

టాటా నానో కారు గురించి తెలియని వారుండరు. చాలా తక్కువ ధరలో ఈ కారును సంస్థ లాంచ్‌ చేయడంతో జనాలు పోటీ పడి మరీ కొనుగోలు చేశారు. అయితే ఈ కారు అంతగా ప్రజాదరణ పొందకపోవడంతో మార్కెట్లో ఉత్పత్తి నిలిచిపోయింది. కానీ నానో కారునే చాలా మంది చిన్న కారు అనుకుంటారు. కానీ ఇంతకంటే చిన్న కారును సంస్థ అంతకుముందే తయారు చేసింది. అదే టాటా జింగ్‌.

టాటా నానో కారు కంటే జింగ్(Tata Zing) సైజ్‌ చాలా చిన్నదిగా ఉంటుంది. టాటా మోటార్స్ తొలిదశలో ఇటువంటి కారును అభివృద్ధి చేసే పనిలో పడింది. అదేంటంటే.. తొలి టాటా కారు ఇండికాను డిజైన్ చేస్తూనే మరోవైపు జింగ్ కారును డిజైన్ చేసే పనిలో టాటా మోటార్స్ బిజీగా ఉందట.

రతన్ టాటా ఇండికా(Tata Indica)ను ప్రవేశపెట్టినప్పటి నుంచే సంపన్నులకే కాకుండా అన్ని రకాల ప్రజలు కొనుగోలు చేయగలిగిన ధరకు కార్లను విక్రయించాలని ప్లాన్ చేశారు. కాగా వోక్స్‌వ్యాగన్ బీటిల్ గురించి మీలో కొద్దిమంది మాత్రమే విని ఉంటారు. ఈ అతి చిన్న బీటిల్ కారు యూరప్‌లో బాగా ప్రాచుర్యం పొందింది.

టాటా మోటార్స్ దాదాపు అలాంటి కారు(Tata Nano)ను రూపొందించే ప్రయత్నంలో జింగ్‌ను అభివృద్ధి చేసింది. జింగ్ కారును సరసమైన ధర, అధిక మైలేజ్‌ మరియు రద్దీగా ఉండే ట్రాఫిక్‌లో కూడా సులభంగా నడపగలిగేలా సంస్థ డిజైన్ చేసింది. అయితే అదే సమయంలో, కారు ఇంటీరియర్ స్పేస్‌లో రాజీ పడకూడదని టాటా మోటార్స్ భావించింది.

దీని కోసం, టాటా జింగ్‌ కారు ముందు భాగంలో కాకుండా వెనుక భాగంలో కూడా ఇంజిన్‌ను అందించింది. ఫలితంగా, టాటా జింగ్ యొక్క ఫ్రంట్ ఎండ్ పూర్తిగా కాంపాక్ట్‌గా ఉంది. ఏ మేరకు, డ్రైవర్ కొంచెం దగ్గరగా చూస్తే, అతనికి టాటా లోగో కనిపిస్తుంది. దీంతో కారును హ్యాండిల్ చేయడం కూడా సులువైంది. జింగ్ కారును తయారు చేసేందుకు బాష్‌తో టాటా మోటార్స్ ఒప్పందం కుదుర్చుకుంది.

పరిమాణంలో చిన్న కారు అయినప్పటికీ, టాటా జింగ్‌ కారులో 4 డోర్లను అందించారు. కాగా బూట్‌ స్పేస్‌ కోసం వెనుక డోర్ లేదు. టాటా మోటార్స్ ఈ కారులో 2-సిలిండర్ ఇంజన్‌ను అమర్చగా.. కారు ఇంజిన్ సాధారణ ఫ్యూయెల్‌ ఇంజెక్షన్ సిస్టమ్‌ను కలిగి ఉంది. కారు బరువు తక్కువగా ఉండటం వల్ల మైలేజ్ కూడా ఎక్కువగానే అందించేలా రూపొందించారు.

అయితే ఇంత అద్భుతమైన టాటా జింగ్‌ కారును ఎంత మంది కొనుగోలు చేశారని అడిగితే ఒక్కరు కూడా కొనలేదనే చెప్పవచ్చు. ఎందుకంటే, చివరి వరకు టాటా జింగ్‌ను సంస్థ అమ్మకానికి తీసుకురాలేదు. దీనికి ప్రధాన కారణం.. జింగ్ కారును అందుబాటు ధరకే అందించాలని టాటా నిర్ణయించినా.. ఆ ధరలో శక్తివంతమైన జింగ్‌ను అందించలేకపోయింది.

టాటా తమ తదుపరి ఉత్పత్తిగా జింగ్ కారును ఎగ్జిబిషన్‌లో విడుదల చేయలేకపోవడం బాధాకరంగా ఉన్నా.. టాటా తక్కువ ధరకు కారును అందించి బలహీనమైన వాటిని లాంచ్ చేయడానికి ఇష్టపడదు. టాటా మోటార్స్ ఇప్పటి వరకూ అదే క్వాలిటీని మెయింటైన్‌ చేస్తూ పోతుంది. ఆ కారణంగా క్రాష్‌ టెస్టుల్లో టాటా కార్లన్నీ 5 స్టార్‌ రేటింగ్‌ను సాధిస్తున్నాయి.