పవర్, లగ్జరీ.. రెండూ కావాలా? నిస్సాన్ నుంచి అదిరిపోయే SUV.. రోడ్ల మీద దర్జా అంతా మీదే

నిస్సాన్ తమ లెజెండరీ ఎస్‌యూవీ ప్యాట్రోల్‎లో ఇప్పటివరకు వచ్చిన వాటిలోకెల్లా అత్యంత పవర్ ఫుల్ వెర్షన్ పరిచయం చేసింది. దీని పేరు 2026 నిస్సాన్ ప్యాట్రోల్ నిస్మో. ఈ ఎస్‌యూవీని ముఖ్యంగా మిడిల్ ఈస్ట్ మార్కెట్ కోసం తయారు చేశారు. దీన్ని చూస్తే ఒకే మాట చెప్పొచ్చు.. ఇది కేవలం ఒక ఫ్యామిలీ ఎస్‌యూవీ కాదు, రేసింగ్ ఎక్స్ పీరియన్స్ కూడా ఇస్తుంది.

2026 నిస్సాన్ ప్యాట్రోల్ నిస్మో డిజైన్ గతంలో కంటే మరింత బోల్డ్, స్పోర్టీగా ఉంది. దీని ముందు భాగంలో కొత్త V-మోషన్ గ్రిల్ ఉంది. దీనికి హనీకాంబ్ ప్యాటర్న్ ఇచ్చారు. ఇది కేవలం స్టైల్ కోసమే కాదు, గాలి ప్రవాహాన్ని కూడా మెరుగుపరుస్తుంది. ఇందులో రేసింగ్ స్టైల్ డిఫ్యూజర్, ఏరోడైనమిక్ స్పాయిలర్, ఎఫ్1-ఇన్‌స్పైర్డ్ రియర్ ఫాగ్ ల్యాంప్స్ ఉన్నాయి.

ఈ ఫీచర్లు దీనికి ఒక హై-పెర్ఫార్మెన్స్ ఎస్‌యూవీ లుక్‌ను ఇస్తాయి. నిస్మో బంపర్, సైడ్ స్కర్ట్‌లపై రెడ్ యాక్సెంట్స్‌తో వస్తుంది. ఇది ఎస్‌యూవీని మరింత ఎట్రాక్టివ్గా మారుస్తుంది. ఈ ఎస్‌యూవీకి 22-అంగుళాల ఫోర్జ్‌డ్ అల్లాయ్ వీల్స్ ఇచ్చారు, ఇవి హై పెర్ఫార్మెన్స్ టైర్లతో వస్తాయి.

రంగుల ఎంపిక విషయానికి వస్తే, ఇందులో వైట్ పెర్ల్, గ్రే మెటాలిక్, బ్లూ మెటాలిక్, బ్లాక్ పెర్ల్, ప్రత్యేకమైన స్టెల్త్ గ్రే రంగులు ఉన్నాయి. వీటితో పాటు మోనోటోన్ లేదా డ్యూయల్-టోన్ ఫినిష్ కలర్ ఆప్షన్లు కూడా లభిస్తాయి.

ఎస్‌యూవీ లోపల స్పోర్టీ ఫీలింగ్‌తో పాటు లగ్జరీ టచ్ కూడా ఉంది. ఇందులో రెడ్ సీట్ బెల్ట్స్, రెడ్ స్టార్ట్/స్టాప్ బటన్ చూడవచ్చు. ఇందులో కార్బన్-ఫైబర్ స్టైల్ ఇన్సర్ట్స్ ఉన్నాయి. అంతేకాకుండా, అల్యూమినియం పెడల్స్ ఇచ్చారు. ఈ ఇంటీరియర్ చూడటానికి ఎంత స్పోర్టీగా ఉందో, అంత కంఫర్టబుల్‌గా కూడా ఉంది. ఇందులో కుటుంబానికి తగినంత స్థలం ఉంది. కానీ ట్రాక్‌లో నడపడానికి సరిపడా పెర్ఫార్మెన్స్ కూడా ఉంది.

ఈ ఎస్‌యూవీలో కొత్త 3.5 లీటర్ ట్విన్-టర్బో వి6 ఇంజిన్ ఇచ్చారు. ఇది శక్తివంతమైన పవర్‌ను అందిస్తుంది. ఈ ఇంజిన్ 488 bhp పవర్‌ను ఉత్పత్తి చేయగలదు. ఇది స్టాండర్డ్ మోడల్ కంటే దాదాపు 70 bhp ఎక్కువ. ఇందులో 9-స్పీడ్ ఆటోమేటిక్ గేర్‌బాక్స్, ప్యాడల్ షిఫ్టర్లు ఉన్నాయి. ఇందులో నిస్మో ఇ-డ్యాంపర్స్ సస్పెన్షన్ ఇచ్చారు, ఇవి రియల్-టైమ్‌లో డ్యాంపింగ్‌ను మార్చగలవు.

ఇందులో కస్టమ్ ట్యూన్డ్ నిస్మో ఎగ్జాస్ట్ సిస్టమ్ ఇచ్చారు. స్టీరింగ్ కూడా ప్రత్యేకంగా పెర్ఫార్మెన్స్ కోసం ట్యూన్ చేయబడింది. దీనితో డ్రైవింగ్ మరింత ఆనందంగా ఉంటుంది. 2026 నిస్సాన్ ప్యాట్రోల్ నిస్మోని ప్రస్తుతం గ్లోబల్ మార్కెట్‌లో, ముఖ్యంగా మిడిల్ ఈస్ట్‌లో లాంచ్ చేశారు. భారతదేశంలో దీని లాంచ్‌పై ఎలాంటి నిర్ధారణ లేదు. కానీ, ఆటో లవర్స్‌కు ఇది ఖచ్చితంగా ఒక డ్రీమ్ ఎస్‌యూవీగా మారింది.

మీరు ఎస్‌యూవీలో కేవలం స్పేస్, కంఫర్డ్ మాత్రమే కాకుండా స్పోర్టీ పెర్ఫార్మెన్స్, రేసింగ్ థ్రిల్ కూడా కోరుకుంటే.. 2026 నిస్సాన్ ప్యాట్రోల్ నిస్మో మీకు బెస్ట్ ఆప్షన్. ఈ ఎస్‌యూవీ తన సెగ్మెంట్లో పవర్, స్టైల్, క్లాస్ కలిసిన ఒక పెర్ఫార్మెన్స్ బీస్ట్‎గా నిలిచింది.

డ్రైవ్‌స్పార్క్ అభిప్రాయం: నిస్సాన్ ప్యాట్రోల్ నిస్మో నిజంగా అద్భుతమైన ఎస్‌యూవీ. పవర్, లగ్జరీ, స్పోర్టీ లుక్ దీని సొంతం. ఇది మిడిల్ ఈస్ట్‌కు మాత్రమే పరిమితం కావడం భారతీయ ఆటో లవర్స్‌కు నిరాశ కలిగిస్తుంది. ఇలాంటి వాహనాలు భారత మార్కెట్‌లోకి వస్తే, కారు ప్రియులకు ఒక కొత్త అనుభూతిని ఇస్తాయి. ఇది ఖచ్చితంగా ఒక గేమ్‌ఛేంజర్ అవుతుంది.