24 కి.మీ. మైలేజ్, 6 ఎయిర్‌బ్యాగ్‌లు.. దేశంలో రూ.10లక్షల్లోపు లభించే డీజిల్ కార్లు ఇవే

ఒక కొత్త కారు కొనాలని ప్లాన్ చేస్తున్నారా.. అయితే ప్రస్తుతం మార్కెట్లో అనేక రకాల ఆప్షన్లు అందుబాటులో ఉన్నాయి. అవి డీజిల్, పెట్రోల్, ఎలక్ట్రిక్, హైబ్రిడ్ కార్లు. ఒక కొత్త డీజిల్ కారు కొనుగోలు చేయాలనుకుంటే చాలా మోడల్స్ ఉన్నాయి. ఈ వార్తలో దేశంలో రూ.10 లక్షల లోపు ధరలో లభించే కొన్ని బెస్ట్ డీజిల్ కార్ల గురించి తెలుసుకుందాం.

టాటా ఆల్ట్రోజ్ : ఈ జాబితాలో మొదటి స్థానంలో దేశంలో ఎక్కువ కార్లు అమ్ముడయ్యే కంపెనీలలో ఒకటైన టాటా కారు టాటా ఆల్ట్రోజ్ ఉంది. ఈ డీజిల్ కారు ధర రూ.8.99 లక్షల (ఎక్స్-షోరూమ్) నుంచి మొదలై, టాప్ మోడల్‌కు రూ.11.29 లక్షల వరకు ఉంటుంది. ఫీచర్ల పరంగా చూస్తే ఇందులో 10.25 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్ ఉంది.

ఇది ఆండ్రాయిడ్ ఆటో, యాపిల్ కార్‌ప్లేకు సపోర్ట్ చేస్తుంది. అంతేకాకుండా, 7 అంగుళాల డిజిటల్ ఇన్‌స్ట్రుమెంట్ క్లస్టర్, క్రూయిజ్ కంట్రోల్, సింగిల్-ప్యాన్ సన్‌రూఫ్, ఆటోమేటిక్ క్లైమేట్ కంట్రోల్ వంటి ఫీచర్లు కూడా ఉన్నాయి.

సేఫ్టీ విషయంలో ఈ కారు చాలా స్ట్రాంగ్‎గా ఉంటుంది. గ్లోబల్ ఎన్‌క్యాప్ క్రాష్ టెస్ట్‌లో దీనికి 5-స్టార్ సేఫ్టీ రేటింగ్ లభించింది. ఇందులో 6 ఎయిర్‌బ్యాగ్‌లు, ఏబీఎస్, ఈబీడీ వంటి సేఫ్టీ ఫీచర్లు, వెనుక పార్కింగ్ సెన్సార్లు, ఐఎస్‌ఓఎఫ్ఐఎక్స్ చైల్డ్ సీట్ మౌంట్లు కూడా ఉన్నాయి.

మహీంద్రా బొలెరో : ఈ కారు ప్రారంభ ధర రూ.9.81 లక్షలు, ఇది రూ.10.92 లక్షల వరకు ఉంటుంది. ఈ కారు గ్రామీణ, పట్టణ ప్రాంతాలలో బాగా ప్రాచుర్యం పొందింది. ఇందులో బ్లూటూత్ కనెక్టివిటీతో కూడిన మ్యూజిక్ సిస్టమ్, మాన్యువల్ ఎయిర్ కండిషనింగ్, పవర్ స్టీరింగ్, పవర్ విండోస్ వంటి ప్రాథమిక ఫీచర్లు ఉన్నాయి.

సేఫ్టీ పరంగా ఇందులో రెండు ఫ్రంట్ ఎయిర్‌బ్యాగ్‌లు, ఏబీఎస్, ఈబీడీ, వెనుక పార్కింగ్ సెన్సార్లు, సెంట్రల్ లాకింగ్ వంటి అవసరమైన ఫీచర్లు ఉన్నాయి. ఈ కారులో 1.5 లీటర్ mHawk డీజిల్ ఇంజిన్ అమర్చారు. ఇది 76 పీఎస్ పవర్, 210 ఎన్‌ఎం టార్క్‌ను ఉత్పత్తి చేస్తుంది. ఈ ఇంజిన్ 5-స్పీడ్ మాన్యువల్ గేర్‌బాక్స్‌కు అనుసంధానించబడింది. మైలేజ్ పరంగా, ఈ కారు సుమారు 16 నుంచి 18 కిలోమీటర్ల వరకు మైలేజ్ ఇస్తుంది.

హ్యుందాయ్ వెన్యూ : హ్యుందాయ్ వెన్యూ డీజిల్ ఇంజిన్‌తో రూ.10.71 లక్షల నుంచి రూ.13.44 లక్షల (ఎక్స్-షోరూమ్) ధరలో లభిస్తుంది. ఈ ఎస్‌యూవీ తన స్టైలిష్ లుక్, ఫీచర్ల కోసం ప్రసిద్ధి చెందింది. ఇందులో 8 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, వైర్‌లెస్ ఛార్జింగ్, క్రూయిజ్ కంట్రోల్, ఆటోమేటిక్ హెడ్‌ల్యాంప్స్ వంటి ఫీచర్లు ఉన్నాయి.

సేఫ్టీ పరంగా, ఇందులో 6 ఎయిర్‌బ్యాగ్‌లు, ఏబీఎస్, ఈబీడీ, ఎలక్ట్రానిక్ స్టెబిలిటీ కంట్రోల్, హిల్ అసిస్ట్, టైర్ ప్రెజర్ మానిటరింగ్ సిస్టమ్ వంటి సేఫ్టీ ఫీచర్లు ఉన్నాయి.

ఎనర్జీ కోసం ఇందులో 1.5 లీటర్ టర్బోచార్జ్డ్ డీజిల్ ఇంజిన్ ఉంది. ఇది 113.4 బీహెచ్‌పీ ఎనర్జీ, 250 ఎన్‌ఎం టార్క్‌ను ఉత్పత్తి చేస్తుంది. ఈ ఇంజిన్ 6-స్పీడ్ మాన్యువల్ ట్రాన్స్‌మిషన్‌తో వస్తుంది. ఏఆర్‌ఏఐ ప్రకారం 24.2 కి.మీ.ల వరకు మైలేజ్ ఇస్తుంది. ఇది సిటీ డ్రైవింగ్‌కు లేదా హైవేపై సుదూర ప్రయాణాలకు ఒక మంచి ఎస్‌యూవీగా పరిగణిస్తున్నారు.

కియా సోనెట్ : కియా సోనెట్ ప్రారంభ ధర రూ.9.80 లక్షల నుంచి రూ.15.75 లక్షల (ఎక్స్-షోరూమ్) వరకు ఉంటుంది. ఈ కారు తన స్టైలిష్ డిజైన్, ప్రీమియం లుక్స్ కోసం ప్రసిద్ధి చెందింది. ఫీచర్ల పరంగా చూస్తే, ఇందులో 10.25 అంగుళాల టచ్‌స్క్రీన్ సిస్టమ్, అడ్వాన్స్‌డ్ డ్రైవర్ అసిస్టెన్స్ సిస్టమ్ (ADAS), వెంటిలేటెడ్ ఫ్రంట్ సీట్లు, ఎలక్ట్రిక్ సన్‌రూఫ్ వంటి సౌకర్యాలు ఉన్నాయి.

సేఫ్టీ ఫీచర్లలో 6 ఎయిర్‌బ్యాగ్‌లు, ఏబీఎస్, ఎలక్ట్రానిక్ స్టెబిలిటీ కంట్రోల్, టైర్ ప్రెజర్ మానిటర్, వెనుక పార్కింగ్ సెన్సార్లు ఉన్నాయి. ఇవి దీనిని ఒక సురక్షితమైన ఎంపికగా చేస్తాయి.