ఫ్యామిలీతో లాంగ్ టూర్లకు ఇబ్బంది లేకుండా వెళ్లాలంటే బెస్ట్ సెల్లింట్ టాప్ 10కార్లు ఇవే.. ధర కూడా తక్కువే

ఫ్యామిలీతో కలిసి ఎక్కువ మంది ప్రయాణించేందుకు వీలున్న 7-సీటర్ కార్లకు భారత మార్కెట్లో మంచి డిమాండ్ ఉంది. ఎక్కువ మంది కూర్చునే సౌకర్యం, లగేజీ పెట్టుకునే అవకాశం ఉండటం వల్ల చాలామంది ప్రజలు ఈ రకం కార్లను ఎక్కువగా కొనుగోలు చేస్తున్నారు. దేశంలో ఇప్పుడు మారుతి సుజుకి, మహీంద్రా, టయోటా, కియా వంటి కంపెనీల 7-సీటర్ కార్లకు విపరీతమైన ఆదరణ లభిస్తోంది.ఇటీవల విడుదలైన జూలై నెల అమ్మకాల నివేదిక ప్రకారం భారతదేశంలో అత్యధికంగా అమ్ముడైన టాప్ 10 7-సీటర్ కార్ల వివరాలను ఈ వార్తలో తెలుసుకుందాం.

మారుతి సుజుకి ఎర్టిగా : మారుతి ఎర్టిగా ఈ జాబితాలో మొదటి స్థానంలో నిలిచింది. ఇది కుటుంబాలకు చాలా అనుకూలమైన కారు. జూలైలో మొత్తం 16,604 యూనిట్లు అమ్ముడయ్యాయి, ఇది 2023 జూలైలో అమ్ముడైన 15,701 యూనిట్ల కంటే 6% ఎక్కువ.

మహీంద్రా స్కార్పియో : మహీంద్రా స్కార్పియో ఈ జాబితాలో రెండో స్థానంలో ఉంది. ఈ కారు దృఢమైన నిర్మాణం, పవర్ఫుల్ పర్ఫామెన్స్‎కు ప్రసిద్ధి చెందింది. జూలైలో 13,747 యూనిట్లు అమ్ముడయ్యాయి, గత ఏడాది జూలైలో అమ్ముడైన 12,237 యూనిట్ల కంటే 12% అమ్మకాలు పెరిగాయి.

టయోటా ఇన్నోవా : టయోటా ఇన్నోవా ఈ జాబితాలో మూడో స్థానంలో ఉంది. లగ్జరీ, విశ్వసనీయతకు పేరుగాంచిన ఇన్నోవా జూలైలో 9,119 యూనిట్లు అమ్ముడయ్యాయి. అయితే, గత ఏడాది జూలైలో 9,912 యూనిట్లు అమ్ముడవ్వగా, ఈసారి 8% అమ్మకాల క్షీణత కనిపించింది.

కియా కారెన్స్ : కియా కారెన్స్ నాలుగో స్థానంలో నిలిచింది. స్టైలిష్ డిజైన్, ఫీచర్లకు పేరుగాంచిన ఈ కారుకు మార్కెట్లో మంచి ఆదరణ లభిస్తోంది. జూలైలో 7,602 యూనిట్లు అమ్ముడయ్యాయి. ఇది గత ఏడాది జూలైతో పోలిస్తే 34% వృద్ధిని నమోదు చేసింది.

మహీంద్రా బొలెరో : మహీంద్రా బొలెరో ఐదవ స్థానంలో ఉంది. గ్రామీణ ప్రాంతాల్లో బాగా ప్రాచుర్యం పొందిన ఈ కారుకు జూలైలో 7,513 యూనిట్ల అమ్మకాలు లభించాయి. ఇది గత ఏడాది జూలైలో అమ్ముడైన 6,930 యూనిట్ల కంటే 8% అధికం.

మహీంద్రా XUV700 : అడ్వాన్సుడ్ ఫీచర్లు, టెక్నాలజీతో కూడిన XUV700 ఈ జాబితాలో ఆరవ స్థానంలో నిలిచింది. జూలైలో 7,054 యూనిట్లు అమ్ముడయ్యాయి, కానీ గత ఏడాది జూలైలో 7,769 యూనిట్లు అమ్ముడవ్వగా, ఈసారి 9% అమ్మకాల క్షీణత కనిపించింది.

టయోటా ఫార్చ్యూనర్ : టయోటా ఫార్చ్యూనర్ ఏడవ స్థానంలో నిలిచింది. ఇది ఎప్పటికీ ప్రజాదరణ పొందిన లగ్జరీ ఎస్యూవీ. జూలైలో 3,233 యూనిట్లు అమ్ముడయ్యాయి, గత ఏడాది జూలైతో పోలిస్తే 36% అమ్మకాలు పెరిగాయి.

మారుతి XL6 : మారుతి XL6 ఈ జాబితాలో ఎనిమిదవ స్థానంలో ఉంది. జూలైలో 2,146 యూనిట్లు అమ్ముడయ్యాయి. కానీ గత ఏడాది జూలైతో పోలిస్తే 27% అమ్మకాలు తగ్గాయి.

రెనాల్ట్ ట్రైబర్ : రెనాల్ట్ ట్రైబర్ తొమ్మిదవ స్థానంలో ఉంది. తక్కువ ధరలో 7-సీటర్ కారును కోరుకునే వారికి ఇది మంచి ఎంపిక. జూలైలో 1,987 యూనిట్లు అమ్ముడయ్యాయి, ఇది గత ఏడాది జూలైతో పోలిస్తే 36% వృద్ధిని నమోదు చేసింది.

టాటా సఫారి : టాటా సఫారి ఈ జాబితాలో పదవ స్థానంలో నిలిచింది. ఈ కారుకు కూడా జూలైలో అమ్మకాలు తగ్గాయి. మొత్తం 1,242 యూనిట్లు అమ్ముడయ్యాయి, గత ఏడాది 2,109 యూనిట్లతో పోలిస్తే 41% అమ్మకాల క్షీణత కనిపించింది.

జూలై నెల అమ్మకాల నివేదిక ప్రకారం, మారుతి సుజుకి ఎర్టిగా, మహీంద్రా స్కార్పియో, కియా కారెన్స్, టయోటా ఫార్చ్యూనర్ వంటి కార్లు మంచి వృద్ధిని సాధించాయి. అయితే, టాటా సఫారి, మారుతి XL6, టయోటా ఇన్నోవా, మహీంద్రా XUV700 వంటి కార్లు అమ్మకాలలో క్షీణతను నమోదు చేశాయి. 7-సీటర్ సెగ్మెంట్లో గట్టి పోటీ ఉండడం వల్ల కొన్ని కార్లు అమ్మకాలలో ఒడిదుడుకులను ఎదుర్కొంటున్నాయి.