కారు ధర తెలిస్తే వెంటనే కొనాలనిపిస్తుంది! చాలా మందికి ఈ కార్ కంపెనీ గురించి తెలియదు!

సిట్రోయెన్ (citroen) కొత్త కారుతో మళ్లీ భారతీయ మార్కెట్లో సంచలనం సృష్టించింది. తాజాగా విడుదలైన ఎయిర్‌క్రాస్ X (Aircross X) అనే కారును విడుదల చేసింది. ఇది ఆధునిక భారతీయ కుటుంబాల కోసం తయారు చేయబడింది. డిజైన్‌లో నూతనత, సౌకర్యంలో ఆధునికత, టెక్నాలజీలో ఆవిష్కరణలు అన్నింటినీ కలిపి ఈ కారు వినియోగదారుల ముందుకు వచ్చింది. ఈ కొత్త ఎయిర్‌క్రాస్ X యొక్క ముఖ్య విశేషం దాని పొడవైన వీల్‌బేస్, దీని వల్ల ఇంటీరియర్ మరింత విస్తృతంగా, సౌకర్యవంతంగా ఉంటుంది. అదనంగా, విశాలమైన షోల్డర్ రూమ్ కారణంగా ప్రయాణికులు ఇబ్బంది లేకుండా కూర్చోవచ్చు. వినియోగదారుల అవసరాలను దృష్టిలో ఉంచుకుని, ఈ మోడల్‌ను 7-సీటర్, 5-సీటర్ లేఅవుట్‌లలో అందుబాటులోకి తెచ్చారు.

ఎక్కువ సీట్లు కావాలా లేక లగేజీ స్పేస్ కావాలా అనే ఎంపికను కస్టమర్లు సులభంగా చేసుకోవచ్చు. ముఖ్యంగా, 511 లీటర్ల భారీ బూట్ స్పేస్ అందించబడింది, ఇది ఫ్యామిలీ ట్రిప్స్ లేదా లాంగ్ డ్రైవ్స్‌లో చాలా ఉపయోగపడుతుంది. ధరల విషయానికి వస్తే, సిట్రోయెన్ ఎయిర్‌క్రాస్ X ను రూ. 8.29 లక్షల నుండి రూ. 13.49 లక్షల (ఎక్స్-షోరూమ్) మధ్య అందుబాటులో ఉంచింది.

ఈ ధరల పరిధి చూసినప్పుడు, ఇది మిడిల్ క్లాస్ ఫ్యామిలీల నుంచి ప్రీమియం కార్ లవర్స్ వరకూ అందరికి సరిపడేలా ఉంది. ఇప్పటికే ఈ కారు కోసం బుకింగ్‌లు భారతదేశంలోని అన్ని సిట్రోయెన్ డీలర్‌షిప్‌లలో ప్రారంభమయ్యాయి. ఈ కారులో ప్రత్యేకంగా చెప్పుకోవలసిన అంశం సిట్రోయెన్ ప్రత్యేకమైన అడ్వాన్స్‌డ్ కంఫర్ట్ సస్పెన్షన్. ఇది భారతీయ రోడ్ల పరిస్థితులను దృష్టిలో పెట్టుకొని రూపొందించబడింది.

రఫ్ రోడ్స్, గుంతలు లేదా హైవేలో డ్రైవ్ చేస్తూ ఉన్నా ప్రయాణికులకు మృదువైన, కంఫర్టబుల్ రైడ్ అనుభవాన్ని అందిస్తుంది. ఇది ప్రీమియం డిజైన్‌తో పాటు సెగ్మెంట్‌లో తొలిసారి తీసుకొచ్చిన CARA టెక్నాలజీ (Conversation And Response Assistant)తో ప్రత్యేకతను సంతరించుకుంది. ఆర్టిఫిషియల్ ఇంటెలిజెన్స్ ఆధారంగా పనిచేసే ఈ సాంకేతికత డ్రైవర్‌తో స్థానం, సందర్భం ఆధారంగా సహజమైన సంభాషణలు చేస్తూ వాహనాన్ని మరింత తెలివైనదిగా, సహజమైనదిగా మారుస్తుంది.

ఈ SUVలో కస్టమర్ల అవసరాలను దృష్టిలో ఉంచుకొని 2 ఇంజిన్ ఆప్షన్లు, 2 ట్రాన్స్మిషన్ ఎంపికలు, ICE, CNG వెర్షన్‌లు, మొత్తం 10 రంగు ఎంపికలు, 3 ఇంటీరియర్ ట్రిమ్ వెరైటీలు అందుబాటులో ఉన్నాయి. ఇంటీరియర్‌లో సాఫ్ట్-టచ్ లెథరెట్ ఫినిష్, 10.25-అంగుళాల బెజెల్-లెస్ ఇన్ఫోటైన్‌మెంట్ డిస్‌ప్లే, 7-అంగుళాల డిజిటల్ డ్రైవర్ డిస్‌ప్లే ఉండగా, పునర్నిర్మించిన గేర్ లివర్, వెంటిలేటెడ్ సీట్లు, యాంబియంట్, ఫుట్‌వెల్ లైటింగ్ వంటివి లగ్జరీ అనుభూతిని ఇస్తాయి.

ముఖ్యంగా డీప్ బ్రౌన్ ఇంటీరియర్ థీమ్ ఈ కారుకి ప్రత్యేకమైన ఆకర్షణ. బాహ్యంగా కొత్త ఎయిర్‌క్రాస్ X బోల్డ్ స్టాన్స్‌తో ఆకట్టుకుంటుంది. సిగ్నేచర్ సిట్రోయెన్ DRLలు, డ్యూయల్-టోన్ కలర్ ఆప్షన్లు, గోల్డ్ యాక్సెంట్లతో కూడిన డిజైన్ కారుకి స్టైలిష్ లుక్‌ను ఇస్తుంది. 200mm కంటే ఎక్కువ గ్రౌండ్ క్లియరెన్స్, సులభమైన ఎంట్రీ-ఎగ్జిట్ డిజైన్ దీన్ని నగర రైడ్‌లకే కాకుండా లాంగ్ హైవే ట్రిప్‌లకు కూడా సరైన ఎంపికగా చేస్తాయి.

సేఫ్టీ పరంగా సిట్రోయెన్ ఎలాంటి రాజీ పడలేదు. కొత్త ఎయిర్‌క్రాస్ Xలో అడ్వాన్స్‌డ్ కంఫర్ట్ సస్పెన్షన్, హై-స్ట్రెంత్ బాడీ స్ట్రక్చర్, ఆరు ఎయిర్‌బ్యాగులు, ESP, హిల్ హోల్డ్ అసిస్ట్, EBDతో ABS, వెనుక పార్కింగ్ సెన్సార్లు వంటి ఫీచర్లతో పాటు మొత్తం 40కి పైగా యాక్టివ్ & పాసివ్ సేఫ్టీ ఫీచర్లు అమర్చబడ్డాయి. సిట్రోయెన్ ఎయిర్‌క్రాస్ X కంఫర్ట్, టెక్నాలజీ, డిజైన్, సేఫ్టీతో ఫ్యామిలీ SUVగా ఆకర్షించేలా సిద్ధమైంది.