ఇకపై పెట్రోల్ టెన్షన్ వద్దు.. రూ.5లక్షల్లోపు 33కిమీ మైలేజ్ ఇచ్చే టాప్ 5 సీఎన్జీ కార్లు ఇవే

పెట్రోల్ ధరలు పెరగడం, పర్యావరణ పరిరక్షణ పట్ల అవగాహన పెరగడంతో భారతదేశంలో సీఎన్‌జీ కార్ల అమ్మకాలు రికార్డు స్థాయిలో పెరుగుతున్నాయి. మారుతి సుజుకితో పాటు హ్యుందాయ్, టాటా వంటి ప్రముఖ కంపెనీలు సీఎన్‌జీ విభాగంలో తమ మార్కెట్ వాటాను పెంచుకుంటున్నాయి.

ఈ సెగ్మెంట్‌లో మారుతి సుజుకి అతిపెద్ద ప్లేయర్‎గా కొనసాగుతోంది. సీఎన్‌జీ కార్లను ప్రజలు ఎక్కువగా ఇష్టపడటానికి ముఖ్య కారణం, వాటి అద్భుతమైన మైలేజ్. సీఎన్‌జీ ధర సుమారు రూ.76 ఉండటం వలన ఇది పెట్రోల్ కంటే చాలా చౌకగా ఉంటుంది. మారుతి సీఎన్‌జీ కార్లు కిలోకు 35 కి.మీ వరకు మైలేజీని అందిస్తున్నాయి. మారుతి నుంచి అత్యధిక మైలేజీ ఇచ్చే టాప్ 5 సీఎన్‌జీ కార్లు ఏవో ఇప్పుడు చూద్దాం.

మారుతి సుజుకి ఆల్టో K10
ఆల్టో K10 కారు బడ్జెట్ ధరలో లభిస్తూ అత్యధిక మైలేజీని అందిస్తుంది. దీని మైలేజీ కిలోకు 31.59కిమీ ఇస్తుంది. దీని ధర రూ.4,81,900(ఎక్స్-షోరూమ్) ఉంటుంది. ఈ కారులో బీఎస్6 (BS6) నిబంధనలకు అనుగుణంగా 1-లీటర్, 3-సిలిండర్ పెట్రోల్ ఇంజిన్ ఉంది. దీనిని సీఎన్‌జీ మోడ్‌లో నడిపినప్పుడు, ఈ ఇంజిన్ 41 పీఎస్ పవర్, 60 ఎన్ఎమ్ టార్క్‌ను అందిస్తుంది.

ఇందులో 7-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్ (ఆండ్రాయిడ్ ఆటో, ఆపిల్ కార్‌ప్లే కనెక్టివిటీ), కీలెస్‌ ఎంట్రీ, ముందు పవర్ విండోలు ఉన్నాయి. సేఫ్టీ కోసం 6 ఎయిర్‌బ్యాగ్‌లు, వెనుక పార్కింగ్ సెన్సర్‌లు, ఏబీఎస్‎తో పాటు ఈబీడీ వంటి ముఖ్యమైన ఫీచర్లు ఉన్నాయి.

మారుతి సుజుకి వాగన్‌ఆర్
గత కొన్ని నెలలుగా మారుతి కార్లలో అత్యధికంగా అమ్ముడవుతున్న మోడళ్లలో వాగన్‌ఆర్ ఒకటి. మైలేజ్ పరంగా సీఎన్‌జీ మోడల్ మెరుగ్గా ఉంది. వాగన్‌ఆర్ హ్యాచ్‌బ్యాక్ 1.0 లీటర్, 1.2 లీటర్ పెట్రోల్ ఇంజిన్‌లతో వస్తుంది. సీఎన్‌జీ (1.0L) మోడల్ కిలోకు 34.05 కి.మీ మైలేజీని అందిస్తుంది.

ఇందులో గతంలో కంటే ఎక్కువ సేఫ్టీ ఫీచర్లు అందించారు. హిల్ హోల్డ్ అసిస్ట్ (స్టాండర్డ్), 6 ఎయిర్‌బ్యాగ్‌లు (స్టాండర్డ్), వెనుక పార్కింగ్ సెన్సర్, ఏబీఎస్ తో పాటు ఈబీడీ, సెంట్రల్ లాకింగ్ సిస్టమ్, చైల్డ్ ప్రూఫ్ వెనుక డోర్ లాక్ తో సహా 12కు పైగా సేఫ్టీ ఫీచర్లు ఉంటాయి. దీని ధర రూ.5,88,900(ఎక్స్-షోరూమ్).

మారుతి సుజుకి సెలెరియో
మారుతి సీఎన్‌జీ కార్లలో అత్యధిక మైలేజీని ఇచ్చేది సెలెరియో. ఇది మైలేజ్ కింగ్‌గా నిలిచింది. సెలెరియోలో కే10సీ డ్యూయల్ జెట్ 1.0-లీటర్, త్రీ-సిలిండర్ పెట్రోల్ ఇంజిన్ ఉంది, ఇది స్టార్ట్/స్టాప్ సిస్టమ్‌తో వస్తుంది. ఈ ఇంజిన్ 66 హెచ్‌పీ ఎనర్జీ, 89 ఎన్ఎమ్ టార్క్‌ను ఉత్పత్తి చేస్తుంది. ఇది 5-స్పీడ్ మాన్యువల్, ఏఎంటి గేర్‌బాక్స్‌తో జతచేయబడింది.

ఇందులో ఫస్ట్-ఇన్-సెగ్మెంట్ హిల్ హోల్డ్ అసిస్ట్, ఇంజిన్ స్టార్ట్-స్టాప్, 7-అంగుళాల స్మార్ట్‌ప్లే స్టూడియో డిస్‌ప్లే వంటి ఫీచర్లు లభిస్తాయి. సేఫ్టీ కోసం 6 ఎయిర్‌బ్యాగ్‌లు, ఏబీఎస్ తో పాటు ఈబీడీ వంటి 12 సేఫ్టీ ఫీచర్లు ఉన్నాయి. దీని ధర రూ.5,97,900(ఎక్స్-షోరూమ్).

మారుతి సుజుకి స్విఫ్ట్
కొత్త జనరేషన్ స్విఫ్ట్ మెరుగైన ఇంధన సామర్థ్యాన్ని అందించడానికి కొత్త ఇంజిన్‌తో వస్తుంది. కంపెనీ న్యూ జనరేషన్ స్విఫ్ట్‌లో సరికొత్త 1.2-లీటర్, 3-సిలిండర్ Z-సిరీస్ పెట్రోల్ ఇంజిన్‌ను ఉపయోగించింది. ఇది 82 పీఎస్ ఎనర్జీ, 112 ఎన్ఎమ్ టార్క్‌ను ఉత్పత్తి చేస్తుంది. ఇది పాత 4-సిలిండర్ కే-సిరీస్ యూనిట్‌ను భర్తీ చేసింది.

కొత్త ఇంజిన్‌ను 5-స్పీడ్ మాన్యువల్, 5-స్పీడ్ ఏఎంటి గేర్‌బాక్స్‌తో జతచేశారు. దీని మైలేజీ కిలోకు 32.85 కి.మీ వరకు ఉంది. స్విఫ్ట్ సీఎన్‌జీ మూడు రకాల్లో కొనుగోలు చేయడానికి అందుబాటులో ఉంది. దీని ధర రూ.7,44,900(ఎక్స్-షోరూమ్).

మారుతి సుజుకి డిజైర్
సెడాన్ విభాగంలో అత్యధికంగా అమ్ముడయ్యే డిజైర్, సీఎన్‌జీ మోడల్‌లో కూడా మంచి మైలేజీని అందిస్తోంది. మారుతి డిజైర్‌లో 1.2-లీటర్, 3-సిలిండర్ ఇంజిన్ లభిస్తుంది. ఇది సీఎన్‌జీ మోడ్‌లో 70 హెచ్‌పీ ఎనర్జీ, 102 ఎన్ఎమ్ టార్క్‌ను ఉత్పత్తి చేస్తుంది. దీనిని 5-స్పీడ్ మాన్యువల్ గేర్‌బాక్స్‌తో జతచేశారు.

దీని మైలేజ్ కేజీకి 33.73 కి.మీ ఉంది. దీని సీఎన్‌జీ ట్యాంక్ కెపాసిటీ 55 లీటర్లు. డిజైర్ సీఎన్‌జీ మోడల్ వీఎక్స్ఐ, జెడ్‌ఎక్స్ఐ అనే రెండు రకాల్లో లభిస్తుంది. దీని ధర రూ.8,03,100(ఎక్స్-షోరూమ్).