బ్యాట్‌మ్యాన్ అభిమానులకు మహీంద్రా స్పెషల్ ఎడిషన్.. కేవలం 300 యూనిట్లు మాత్రమే

భారతీయ ఆటోమొబైల్ సంస్థ మహీంద్రా అండ్ మహీంద్రా తమ మొట్టమొదటి ఎలక్ట్రిక్ ఎస్‌యూవీ BE 6 కోసం డీసీ కామిక్స్, బ్యాట్‌మ్యాన్ సినిమాల నిర్మాత అయిన వార్నర్ బ్రదర్స్‌తో కలిసి ఒక సరికొత్త, ప్రత్యేకమైన ఎడిషన్‌ను రిలీజ్ చేసింది. దీనికి BE 6 డార్క్(బ్యాట్‌మ్యాన్ ఎడిషన్) అని పేరు పెట్టారు. ఈ కారు డిజైన్, ఫీచర్లు పూర్తిగా బ్యాట్‌మ్యాన్ సినిమాలు, కామిక్స్‌ల నుండి ప్రేరణ పొంది రూపొందించబడ్డాయి.

ఇది ఇతర బ్లాక్ ఎడిషన్ మోడళ్ల కంటే ఈ కారును ప్రత్యేకంగా నిలబెడుతుంది. బ్యాట్‌మ్యాన్ అభిమానులకు ఇది ఒక అద్భుతమైన అవకాశం. ఈ ప్రత్యేక ఎడిషన్ ఎలక్ట్రిక్ కారు బుకింగ్‌లు ఆగస్టు 23న ప్రారంభమవుతాయి. డెలివరీలను సెప్టెంబర్ 20న (అంతర్జాతీయ బ్యాట్‌మ్యాన్ దినోత్సవం) ప్రారంభిస్తామని కంపెనీ ప్రకటించింది. ఈ కారు కేవలం 300 యూనిట్లు మాత్రమే తయారు చేయనుంది.

కాబట్టి ఇది ఒక కలెక్టర్స్ ఐటెమ్‌గా మారనుంది. దీని ఎక్స్-షోరూమ్ ధర రూ.27.79 లక్షలుగా నిర్ణయించారు. ఈ కారుకు ప్రత్యేకమైన శాటిన్ బ్లాక్ పెయింట్ ఫినిష్ ఇచ్చారు. వీల్ ఆర్చ్‌లు, బంపర్‌లపై గ్లోస్-బ్లాక్ క్లాడింగ్ ఉంటుంది. సూపర్ హీరో థీమ్‌కు అనుగుణంగా, కారులోని పలు భాగాలపై బ్యాట్‌మ్యాన్ లోగోలు చెల్లాచెదురుగా కనిపిస్తాయి.

దీనికి అదనంగా, ఆల్కెమీ గోల్డ్ పెయింట్ చేసిన సస్పెన్షన్ భాగాలు, బ్రేక్ కాలిపర్‌లు, 20-అంగుళాల అల్లాయ్ వీల్స్‌తో పాటు, వెహికల్ లుక్ మరింత మెరుగుపరుస్తాయి. కారు పైభాగంలో డార్క్ నైట్ ట్రైలాజీ చిహ్నం కూడా ఉంటుంది. కారు ఇంటీరియర్ కూడా స్పెషల్స్‎తో నిండి ఉంది. డాష్‌బోర్డ్‌పై ఆల్కెమీ గోల్డ్ ప్లేక్ ఉంటుంది. దీనిపై ఎడిషన్ నంబర్ కూడా ఉంటుంది.

డ్రైవర్ కాక్‌పిట్ చుట్టూ గోల్డ్ కలర్ ఫ్రేమ్, గోల్డెన్ యాక్సెంట్స్‌తో కూడిన స్యూడ్, లెదర్ సీట్లు ఆకట్టుకుంటాయి. క్రిస్టోఫర్ నోలన్ డార్క్ నైట్ ట్రైలాజీ లోగో, డ్యాష్‌బోర్డ్‌పై పిన్‌స్ట్రైప్ గ్రాఫిక్స్, స్టీరింగ్ వీల్, ఇన్-టచ్ కంట్రోలర్, ఎలక్ట్రానిక్ పార్కింగ్ బ్రేక్, కీ ఫాబ్‌పై కూడా బ్యాట్‌మ్యాన్ లోగో ఉంటుంది. గేర్ లివర్ దగ్గర ఉన్న ఆల్కెమీ గోల్డ్ ప్లేక్, ఆ 300 యూనిట్లలో ఇది ఎన్నో యూనిటో కస్టమర్‌కు తెలియజేస్తుంది.

మహీంద్రా BE 6 బ్యాట్‌మ్యాన్ ఎడిషన్ ఎలక్ట్రిక్ ఎస్‌యూవీ, ప్యాక్ త్రీ మోడల్‌పై ఆధారపడి ఉంది. ఈ మోడల్‌కు మాత్రమే 79 kWh బ్యాటరీ ప్యాక్ లభిస్తుంది. ఇది ఒక్కసారి ఛార్జ్ చేస్తే ARAI ప్రకారం 682 కి.మీ.ల రేంజ్ ఇస్తుంది. ఇది ఒక రియర్ వీల్ డ్రైవ్ ఎస్‌యూవీ. దీని మోటార్ 286 హెచ్‌పీ శక్తిని, 380 ఎన్ఎమ్ టార్క్‌ను ఉత్పత్తి చేస్తుంది. ఇక లో-కెపాసిటీ మోడళ్లు 59 kWh బ్యాటరీతో 556 కి.మీ.ల రేంజ్ ఇస్తాయి.

డ్రైవ్‌స్పార్క్‌ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.