ఢిల్లీలో పాత వాహనాలకు బంకుల్లో పెట్రోల్, డీజిల్ నిషేధం.. మరి ఇతర నగరాల్లో పరిస్థితి ఎలా ఉంది?

భారతదేశంలోని పెద్ద నగరాల్లో రోడ్లపై వాహనాల వయస్సుపై వేర్వేరు నిబంధనలు ఉన్నాయి. కొన్ని చోట్ల కాలుష్యాన్ని నియంత్రించడానికి కఠిన నిబంధనలు ఉంటే, మరికొన్ని చోట్ల జాతీయ వాహనాల స్క్రాప్ పాలసీ ప్రకారం పనులు జరుగుతున్నాయి. ఢిల్లీ, ముంబై, కోల్‌కతా వంటి టాప్ 10 నగరాల్లో పాత వాహనాలను ఇంకా ఎంతకాలం నడపవచ్చు.. అందుకు నిబంధనలు ఏంటో వివరంగా తెలుసుకుందాం.

ఢిల్లీలో అత్యంత కఠిన నిబంధనలు!
ఢిల్లీలో కాలుష్యాన్ని నియంత్రించడానికి జాతీయ హరిత ట్రిబ్యునల్, సుప్రీం కోర్ట్ కఠిన నిబంధనలు విధించాయి. జూలై 1, 2025 నుండి ఢిల్లీ-ఎన్‌సిఆర్‌లో పాత వాహనాలపై కఠిన నిబంధనలు అమలులోకి వచ్చాయి. ఇప్పుడు డీజిల్ వాహనం 10ఏళ్ల కంటే పాతదైతే లేదా పెట్రోల్ వాహనం 15 సంవత్సరాల కంటే పాతదైతే దానిని ఢిల్లీ రోడ్లపై నడపలేరు. ప్రస్తుతానికి వాయిదా పడినా..మళ్లీ నవంబర్ 1నుంచి అమల్లోకి రాబోతుంది.

అంతేకాదు, ఈ వాహనాల్లో పెట్రోల్ లేదా డీజిల్ నింపడం కూడా సాధ్యం కాదు. ఎవరైనా ఇప్పుడు ఈ కాలం చెల్లిన వాహనాలను నడుపుతూ పట్టుబడితే, వాహనాన్ని జప్తు చేయడం, చలాన్ విధించడం లేదా భారీ జరిమానా విధించడం వంటి కఠిన చర్యలు తీసుకుంటారు. పెట్రోల్ పంపుల వద్ద కూడా వాహనం వయస్సును ఆటోమేటిక్ నంబర్ ప్లేట్ రీడింగ్ కెమెరాలతో తనిఖీ చేస్తారు. తద్వారా నిబంధనలను ఉల్లంఘించేవారిని వెంటనే పట్టుకోవచ్చు.

ముంబైలో ఫిట్‌నెస్ టెస్ట్ తప్పనిసరి
ముంబైలో జాతీయ వాహన స్క్రాప్ పాలసీ వర్తిస్తుంది. దీని ప్రకారం, 15 సంవత్సరాల కంటే ఎక్కువ పాత ప్రైవేట్ వాహనాలు, 10 సంవత్సరాల కంటే ఎక్కువ పాత వాణిజ్య వాహనాలు ఫిట్‌నెస్ టెస్ట్ పాస్ చేయాలి. వాహనం టెస్ట్‌లో ఫెయిల్ అయితే, దానిని స్క్రాప్ చేయాల్సి ఉంటుంది. ముంబై వంటి రద్దీ నగరంలో పాత వాహనాలను నడపడానికి ముందు ఆర్‌టిఓ నుండి ఫిట్‌నెస్ సర్టిఫికేట్ పొందడం తప్పనిసరి.

కోల్‌కతాలో కొత్త నిబంధనల కోసం ఎదురుచూపు
కోల్‌కతా , హౌరాలో వాహనాల వయస్సుపై కొత్త నిబంధనలు ప్రతిపాదించారు. ప్రైవేట్ వాహనాలకు 20 సంవత్సరాల వయస్సు పరిమితిని ఎన్‌జిటి ముందు ప్రతిపాదించారు. కానీ అది ఇంకా అమలులోకి రాలేదు. ప్రస్తుతం కోల్‌కతాలో 15 సంవత్సరాల కంటే ఎక్కువ పాత వాణిజ్య వాహనాలపై నిషేధం ఉంది. కోల్‌కతాలో త్వరలో కొత్త నిబంధనలు అమలులోకి రావచ్చు.

బెంగళూరుపై గ్రీన్ ట్యాక్స్ భారం
బెంగళూరులో 15సంవత్సరాల కంటే ఎక్కువ పాత వాహనాలు ఫిట్‌నెస్ టెస్ట్ పాస్ చేయడం తప్పనిసరి. కర్ణాటక ప్రభుత్వం పాత వాహనాలపై గ్రీన్ ట్యాక్స్ కూడా విధించింది. మీ వాహనం 15ఏళ్ల కంటే పాతదైతే ఈ ట్యాక్స్ చెల్లించాలి. బెంగళూరులో కఠిన వయస్సు పరిమితి లేనప్పటికీ, ఫిట్‌నెస్ టెస్ట్‌లో పాస్ కావడం తప్పనిసరి. వాహనం టెస్ట్‌లో ఫెయిల్ అయితే, దానిని రోడ్లపై నడపడానికి అనుమతి ఉండదు.

హైదరాబాద్‌లో కొత్త ఏడాది నుండి కొత్త నిబంధనలు!
హైదరాబాద్‌లో జనవరి 1, 2025నుండి కొత్త నిబంధన అమలులోకి వస్తోంది. దీని ప్రకారం, 15ఏళ్ల కంటే ఎక్కువ పాత వాహనాలు ఫిట్‌నెస్ టెస్ట్ పాస్ చేయాలి. వాహనం ఫెయిల్ అయితే, దానిని స్క్రాప్ చేయాల్సి ఉంటుంది. ముఖ్యంగా ప్రభుత్వ వాహనాల విషయంలో ఈ నిబంధన మరింత కఠినంగా ఉంటుంది. వాటి వయస్సు పరిమితి 15ఏళ్లు వాటి పరిస్థితి ఎలా ఉన్నా సరే.

అహ్మదాబాద్‌లో ఫిట్‌నెస్ టెస్ట్
అహ్మదాబాద్‌లో ప్రత్యేక వయస్సు పరిమితి లేదు. ఇక్కడ జాతీయ వాహన స్క్రాప్ పాలసీ ప్రకారం పనులు జరుగుతాయి. 15 సంవత్సరాల కంటే ఎక్కువ పాత వాహనాలు ఫిట్‌నెస్ టెస్ట్ పాస్ చేయాలి. వాహనం టెస్ట్‌లో పాస్ కాకపోతే, దానిని రోడ్ల నుండి తొలగించాల్సి ఉంటుంది. అహ్మదాబాద్‌లో వాహన యజమానులు ఆర్‌టిఓ నిబంధనలను పాటించాలి.

చెన్నైలో సాధారణ నిబంధనలు అమలు
చెన్నైలో కూడా ప్రత్యేకంగా నగరానికి సంబంధించిన నిబంధనలు లేవు. జాతీయ పాలసీ ప్రకారం 15 సంవత్సరాల కంటే ఎక్కువ పాత వాహనాలు ఫిట్‌నెస్ టెస్ట్ పాస్ చేయాలి. వాహనం టెస్ట్‌లో పాస్ కాకపోతే, దానిని స్క్రాప్ చేయాలి. చెన్నైలో పాత వాహనాలు నడిపే వారు ఫిట్‌నెస్ సర్టిఫికేట్‌పై దృష్టి పెట్టాలి.

సూరత్‌లో ఫిట్‌నెస్ టెస్ట్ తప్పనిసరి
సూరత్‌లో కూడా జాతీయ వాహన స్క్రాప్ పాలసీ వర్తిస్తుంది. 15 సంవత్సరాల కంటే ఎక్కువ పాత వాహనాలు ఫిట్‌నెస్ టెస్ట్ పాస్ చేయడం తప్పనిసరి. వాహనం టెస్ట్‌లో ఫెయిల్ అయితే, దానిని రోడ్లపై నడపడానికి అనుమతి ఉండదు. సూరత్‌లో వాహన యజమానులు నిబంధనలను పాటించాలి.

పుణెలో రీ-రిజిస్ట్రేషన్ అవకాశం
పుణెలో 15 సంవత్సరాల కంటే ఎక్కువ పాత వాహనాలు ఫిట్‌నెస్ సర్టిఫికేట్, రీ-రిజిస్ట్రేషన్, ఎన్విరాన్మెంట్ ట్యాక్స్ చెల్లించాలి. ఈ నిబంధనలు పాత వాహనాలు రోడ్లపై సురక్షితంగా ఉన్నాయని, పర్యావరణానికి హాని కలిగించకుండా ఉన్నాయని నిర్ధారిస్తాయి. పుణెలో వాహనం నడిపే వారు ఈ నిబంధనలను గుర్తుంచుకోవాలి.

జైపూర్‌లో కమర్షియల్ వెహికల్స్ పై కఠిన నిబంధనలు
జైపూర్‌లో వాణిజ్య డీజిల్ వాహనాలకు 15ఏళ్ల వయస్సు పరిమితి ఉంది. దీనికంటే పాత వాహనాలను రోడ్లపై నడపడానికి అనుమతి లేదు. ప్రైవేట్ వాహనాలకు జాతీయ పాలసీ వర్తిస్తుంది. ఇందులో 15 సంవత్సరాల కంటే ఎక్కువ పాత వాహనాలు ఫిట్‌నెస్ టెస్ట్ పాస్ చేయాలి. జైపూర్‌లో వాహన యజమానులు ఈ నిబంధనలను పాటించడం తప్పనిసరి.