స్టాక్ క్లియరెన్స్ సేల్..631కిమీ రేంజ్ ఇచ్చే హ్యుందాయ్ కారుపై ఏకంగా రూ.4లక్షల డిస్కౌంట్.. త్వరపడండి

భారత మార్కెట్‌లో ఎలక్ట్రిక్ కార్ల వాడకం రోజురోజుకు పెరుగుతుంది. ఈ నేపథ్యంలో ప్రముఖ కార్ల తయారీ సంస్థ హ్యుందాయ్ తమ ప్రీమియం ఎలక్ట్రిక్ కారు అయిన ఐయోనిక్ 5 పై ఊహించని డిస్కౌంట్‌ను ప్రకటించింది. ఆగస్టు నెలలో కంపెనీ తమ 2024 మోడల్ సంవత్సరానికి చెందిన మిగిలిపోయిన స్టాక్‌ను క్లియర్ చేయడానికి ఈ భారీ ఆఫర్‌ను అందిస్తోంది.

ఈ కారుపై ఏకంగా రూ.4.05 లక్షల క్యాష్ డిస్కౌంట్ లభిస్తోంది. అయితే, ఈ ఆఫర్ డీలర్ వద్ద స్టాక్ ఉన్నంత వరకే అందుబాటులో ఉంటుంది. జనవరి 2023లో రూ.44.95 లక్షల ప్రారంభ ధరతో లాంచ్ అయిన ఈ కారు ధర ప్రస్తుతం రూ.46.05 లక్షలుగా ఉంది. ఈ భారీ డిస్కౌంట్‌తో దీని ధర రూ.42 లక్షలకు పడిపోయింది.

హ్యుందాయ్ ఐయోనిక్ 5 పొడవు 4634ఎంఎం, వెడల్పు 1890ఎంఎం, ఎత్తు 1625ఎంఎం, వీల్‌బేస్ 3000ఎంఎం. ఈ కారు ఇంటీరియర్‌ను ఈకో-ఫ్రెండ్లీ మెటీరియల్స్‌తో రూపొందించారు. డ్యాష్‌బోర్డ్, డోర్ ట్రిమ్స్‌పై సాఫ్ట్ టచ్ మెటీరియల్ వాడారు. సీట్లు, ఆర్మ్‌రెస్ట్, స్టీరింగ్ వీల్‌పై పిక్సెల్ డిజైన్‌ కనిపిస్తుంది. అంతేకాకుండా, కారులో వాడిన క్రాష్ ప్యాడ్స్, స్విచ్‌లు, స్టీరింగ్ వీల్‌పై బయో-పెయింట్‌ను వాడినట్లు కంపెనీ తెలిపింది. దీని HDPIని 100శాతం రీసైకిల్ చేసి మళ్లీ వాడవచ్చు.

కారు లోపల 12.3 అంగుళాల రెండు స్క్రీన్లు ఉంటాయి. ఒకటి ఇన్‌స్ట్రుమెంట్ క్లస్టర్ కాగా, మరొకటి టచ్‌స్క్రీన్. ఇందులో హెడ్-అప్ డిస్‌ప్లే కూడా ఉంది. భద్రత కోసం 6 ఎయిర్‌బ్యాగ్‌లు, ఎలక్ట్రిక్ పార్కింగ్ బ్రేక్, 4 డిస్క్ బ్రేక్‌లు, మల్టీ కొలిజన్ అవాయిడెన్స్ బ్రేక్, పవర్ చైల్డ్ లాక్ వంటి ఫీచర్లు ఉన్నాయి. అంతేకాకుండా, 21 సేఫ్టీ ఫీచర్లకు సపోర్ట్ చేసే లెవెల్ 2 ఏడీఏఎస్ సిస్టమ్ కూడా ఇందులో ఉంది.

హ్యుందాయ్ ఐయోనిక్ 5లో 72.6kWh బ్యాటరీ ప్యాక్ ఉంది. ఇది ఒక్కసారి ఛార్జ్ చేస్తే ARAI-సర్టిఫైడ్ 631 కి.మీ రేంజ్‌ను అందిస్తుంది. ఈ కారు కేవలం రేర్-వీల్ డ్రైవ్‌తో మాత్రమే వస్తుంది. దీని ఎలక్ట్రిక్ మోటార్ 217hp పవర్, 350Nm టార్క్ ఉత్పత్తి చేస్తుంది. ఈ కారు 800W సూపర్ ఫాస్ట్ ఛార్జింగ్‌కు సపోర్ట్ చేస్తుంది. కేవలం 18 నిమిషాల్లో 10% నుంచి 80% వరకు ఛార్జ్ అవుతుందని కంపెనీ చెబుతోంది.

డిస్క్లైమర్: ఈ కారుపై లభిస్తున్న డిస్కౌంట్ వివరాలను వివిధ ప్లాట్‌ఫారమ్‌ల ఆధారంగా అందించడం జరిగింది. మీ సిటీ లేదా డీలర్ వద్ద ఈ డిస్కౌంట్లు తక్కువ లేదా ఎక్కువ ఉండవచ్చు. కాబట్టి, కారు కొనుగోలు చేసే ముందు అన్ని వివరాలను తెలుసుకోవడం మంచిది.

డ్రైవ్‌స్పార్క్‌ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.