83 కి.మీ మైలేజ్ బైక్ రూ.72,000.. పేదవాడి బండి.. డైలీ యూజ్‌కి మైండ్‌బ్లోయింగ్

టీవీఎస్ స్టార్ సిటీ ప్లస్‌ని ఒకసారి దగ్గరగా గమనిస్తే, ఇది ఎందుకు రోజువారీ ప్రయాణికులకి ఫేవరెట్‌గా మారిందో వెంటనే అర్థమవుతుంది. సింపుల్‌గా కనిపించే ఈ మోటార్‌సైకిల్‌లో అసలు స్టైల్, మైలేజ్, పనితీరు అన్నీ సమతుల్యంగా ఉంటాయి. రోజూ ఆఫీస్‌కి వెళ్లేవారు, చిన్నపాటి ప్రయాణాలు చేసే వారు, ఫ్యూయల్ ఆదా చేయాలనుకునేవారు, ప్రతి ఒక్కరికీ ఇది వరంగా అనిపించేలా TVS ఈ బైక్‌ను తీర్చిదిద్దింది.బైక్‌ మీద మొదటి చూపులోనే దాని డిజైన్ క్లీన్‌గా, ఆధునికంగా కనిపిస్తుంది. చాలా ఆర్భాటం లేకుండా కూడా ఆకర్షణీయంగా కనిపించడం స్టార్ సిటీ ప్లస్ ప్రత్యేకత. ట్యాంక్ ష్రౌడ్స్, స్లీక్ గ్రాఫిక్స్, కంపాక్ట్ సైజ్.. అన్నీ కంఫర్ట్‌ను దృష్టిలో పెట్టుకుని డిజైన్ చేశారు. నడిపే వారికే కాదు, వెనుక కూర్చునే వ్యక్తికీ మంచి సీటింగ్ కంఫర్ట్‌ను ఇవ్వడంలో TVS కాస్త కూడా రాజీపడలేదు.

రోజూ బైక్ నడపటం అంటే ఒక సమయం తర్వాత సౌకర్యం ఎంత ముఖ్యం అవుతుందో తెలుస్తుంది. స్టార్ సిటీ ప్లస్ అందులోనే మెరిసిపోతుంది. ఇంజిన్ స్మూత్‌గా, సైలెంట్‌గా పని చేస్తుంది. ట్రాఫిక్‌లో జారిపోవడానికి సరిపోయే లైట్ వెయిట్, వెంటనే స్పందించే థ్రోటిల్, మృదువుగా పనిచేసే సస్పెన్షన్ సెటప్ దీనిలో ఉంది. మైలేజ్ విషయంలో కూడా TVS బైక్‌లు ఎప్పటిలాగే నమ్మకాన్ని చేరువ చేస్తాయి. తక్కువ ఇంధనంతో ఎక్కువ దూరం ప్రయాణిస్తుంది.

ధర గురించి మాట్లాడితే, ఇది మరింత ఆకర్షణీయంగా మారుతుంది. న్యూఢిల్లీ ఎక్స్-షోరూమ్ ధర రూ.72,200 నుంచి ప్రారంభమై, రూ.74,900 వరకు ఉంటుంది. డ్రం వేరియంట్‌ను తీసుకుంటే సొంతం చేసుకోవడం మరింత ఈజీ. డిస్క్ వేరియంట్ కోసం వెళ్తే బ్రేకింగ్ శక్తి మరింత మెరుగ్గా లభిస్తుంది. రెండు వేరియంట్లలోనూ ఫీచర్లు, నాణ్యత చాలా అద్బుతంగా అనిపిస్తాయి. ఇది లీటరుకు దాదాపు 83 కి.మీల వరకు మైలేజ్ ఇస్తుంది.

అయితే మైలేజ్ అనేది డ్రైవింగ్, రోడ్డు పరిస్థితులను బట్టి మారుతుందనే విషయం గుర్తుంచుకోవాలి. కొత్త టీవీఎస్ స్టార్ సిటీ ప్లస్‌లో కేవలం రూపమే కాదు, పనితీరు కూడా అదే స్థాయిలో మెప్పిస్తుంది. రోజువారీ ప్రయాణాల్లో ఉపయోగపడేలా, అవసరానికి మించిన స్ట్రెస్ లేకుండా, స్మూత్‌గా పర్ఫార్మ్ అయ్యేలా ఈ బైక్‌ను TVS ప్రత్యేకంగా తీర్చిదిద్దింది. ముందుగా ఇంధన సామర్థ్యం గురించి చెప్పాలి.

10 లీటర్ల ట్యాంక్ కెపాసిటీతో ఇది ఒకసారి ఫుల్ ట్యాంక్ చేస్తే ఎక్కువ రోజులు ఇంధనం గురించి ఆలోచించాల్సిన అవసరం ఉండదు. మైలేజ్‌కు పేరుగాంచిన TVS ఇంజిన్‌తో కలిపి చూస్తే, ఇది డైలీ పర్పస్‌కు పర్ఫెక్ట్ ఫిట్ అవుతుంది. పర్ఫార్మెన్స్ విషయానికి వస్తే, స్టార్ సిటీ ప్లస్ చిన్న ఇంజిన్ అయినా, స్పందన చాలా చురుకుగా ఉంటుంది. 0 నుండి 40 కిలోమీటర్ల వేగాన్ని కేవలం 3.7 సెకన్లలో అందుకుంటుంది.

హైవేకు బైక్ కాకపోయినా గంటకు 90 కిలోమీటర్ల గరిష్ట వేగం నగర ప్రయాణాల్లో సరిపడా ఉత్సాహాన్ని ఇస్తుంది. దీని 109.7 cc సింగిల్-సిలిండర్, 4-స్ట్రోక్, ఎయిర్-కూల్డ్ పెట్రోల్ ఇంజిన్ TVS తన క్లాస్‌లో ప్రసిద్ధి చెందిన స్మూత్‌నెస్‌ను కొనసాగిస్తుంది. 7,350 rpm వద్ద 8.19 bhp శక్తి, 4,500 rpm వద్ద 8.7 Nm టార్క్ అందించడం వల్ల లో-ఎండ్, మిడ్-రేంజ్‌లో మంచి పుల్ దొరుకుతుంది.

ట్రాఫిక్‌లోనూ, చిన్నపాటి ఎత్తుల్లోనూ డ్రైవ్ చేయడంలో ఎలాంటి ఇబ్బంది ఉండదు. ఇది 4-స్పీడ్ గేర్‌బాక్స్‌తో జత చేయబడింది, గేర్ల మార్పు సాఫ్ట్‌గా జరుగుతుంది. కంఫర్ట్‌ను ప్రాధాన్యంగా చూసే డ్రైవర్‌కు ఒక పెద్ద ప్లస్ పాయింట్. ఈ బైక్ సెమీ-డిజిటల్ ఇన్స్ట్రుమెంట్ కన్సోల్, USB ఛార్జింగ్ పోర్ట్ వంటి లక్షణాలను కలిగి ఉంది. ఇది 17-అంగుళాల అల్లాయ్ వీల్స్‌‌తో రోడ్డుపై గట్టి పట్టును అందించడానికి ఇది అత్యాధునిక టైర్లను కలిగి ఉంది.