హైవేలో చిన్నోడికి పెద్దోడికి మధ్య రేస్.. పోరులో మహీంద్రా XUV 9e, BMW ఎవరు గెలిచారంటే ?

మహీంద్రా సంస్థ ఇటీవల విడుదల చేసిన ఎలక్ట్రిక్ కారు XEV 9e. డిసెంబర్ 2024లో BE 6 ఎలక్ట్రిక్ కారుతో పాటు XEV 9e ఎలక్ట్రిక్ కారును విడుదల చేశారు. ఈ కొత్త మహీంద్రా ఎలక్ట్రిక్ కార్ల కోసం బుకింగ్‌లు ఫిబ్రవరిలో ప్రారంభం అయ్యాయి. ఆ తర్వాత మార్చిలో డెలివరీలు ప్రారంభమయ్యాయి.

ఈ ఎలక్ట్రిక్ కార్ల ఖరీదైన టాప్ వేరియంట్‌ల డెలివరీలు మాత్రమే ప్రస్తుతానికి ప్రారంభమయ్యాయి. చౌకైన వేరియంట్ల డెలివరీలు జూన్‌లో ప్రారంభమయ్యే అవకాశం ఉంది. అందుకే BE6, XEV9E ఎలక్ట్రిక్ కార్ల డెలివరీ తీసుకునే వారు టాప్ ఎండ్ మోడల్స్ బుక్ చేసుకున్న వాళ్లే.

ఈ కొత్త మహీంద్రా కార్ల డెలివరీలు ప్రారంభమైనప్పటి నుంచి రోడ్లపై సందడి చేయడం మొదలైంది. ఎప్పటిలాగే మార్కెట్లోకి వచ్చిన ఈ కొత్త ఎలక్ట్రిక్ కార్లతో కొంతమంది విన్యాసాలు చేయడం ప్రారంభించారు. ఈ క్రమంలోనే XUV 9e ఎలక్ట్రిక్ కారు, BMW 3-సిరీస్ కారుతో ఒక రేసింగ్‌లో పాల్గొంది. ఈ రేసింగ్, రెండు కార్ల సామర్థ్యాలను పోల్చి చూసేందుకు జరిగింది. ఈ రేసింగ్ ఒక విశాలమైన హైవే మీద నిర్వహించబడింది.

'ఎవరెస్ట్ వైట్' అని పిలువబడే కంప్లీట్ వైట్ XEV 9e ఎలక్ట్రిక్ కారు, BMW 3-సిరీస్ లగ్జరీ సెడాన్‌తో పోటీ పడుతోంది. XEV 9E అనేది నిటారుగా ఉండే వైఖరి కలిగిన SUV. కాబట్టి రెండు కార్లు చూడటానికి భిన్నంగా ఉంటాయి.

మరీ ముఖ్యంగా XEV 9E ఒక ఎలక్ట్రిక్ కారు, BMW 3-సిరీస్ అనేది పెట్రోల్ ఇంజిన్‌తో నడిచే కారు. BMW 3-సిరీస్ భారతదేశంలో ఒకే ఒక పెట్రోల్ వేరియంట్‌లో అమ్ముడవుతోంది. ఇంకా, ఇది ముందు, వెనుక చక్రాల మధ్య ఎక్కువ దూరం కలిగిన లాంగ్-వీల్‌బేస్ కారు. మహీంద్రా XEV 9E, BMW 330LI మధ్య జరిగిన ఈ రేసు ఒక హైవేపై జరిగింది.

రేసు మొదటి ల్యాప్‌లో రెండు కార్లు ప్రామాణిక సెట్టింగ్‌లపై నడిపారు. కానీ, మూడవ ల్యాప్‌లో ఇద్దరు డ్రైవర్లు వేగంగా కారును నడపడం ప్రారంభించారు. XEV 9E ఎలక్ట్రిక్ కారు ఇన్‎స్టంట్ టార్క్ కెపాసిటీ చాలా త్వరగా అందుబాటులోకి వచ్చింది. దీని వలన మహీంద్రా కారు రేసు ప్రారంభంలో BMWను సులభంగా అధిగమించగలిగింది.

కానీ, అధిక వేగంతో వెళ్తున్నప్పుడు BMW కార్లకు ఉన్న స్పెషాలిటీ బయటపడింది. 3-సిరీస్ కారు రేసులో గెలిచిందనే చెప్పాలి. ప్రారంభంలో XEV 9E ఎలక్ట్రిక్ కారు రేసులోని అన్ని ల్యాప్‌లలో ముందంజలో ఉన్నప్పటికీ.. చివరికి గెలిచింది మాత్రం BMW 3-సిరీస్.

డ్రైవ్‌స్పార్క్ అభిప్రాయం: ఈ రేసులో BMW 330LI గెలిచింది. అయితే, అసలు ఈ రేసే ప్రాథమికంగా తప్పు. XEV 9e అత్యంత ఖరీదైన మహీంద్రా ఎలక్ట్రిక్ కారు అయితే, BMW 3-సిరీస్ లాంగ్-వీల్‌బేస్ కారు ఎక్స్-షోరూమ్ ధర ప్రస్తుతం రూ. 62.60 లక్షలు. అంటే, ఇది XEV 9E ధరకు సుమారు రెట్టింపు. ధర పరంగా చూస్తే తేడా ఉన్నప్పటికీ ఫీచర్లలో మాత్రం ఏ మాత్రం XEV 9e తక్కువేం లేదు.

డ్రైవ్‌స్పార్క్‌ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.