అధిక మైలేజ్, 6 ఎయిర్ బ్యాగ్స్ ఉన్న కారు కావాలా.. డెడ్ ఛీప్‎గా కొనాలంటే ఈ మోడల్స్ తీసుకోండి

కారు లేదా బైక్ ఏదైనా కొత్తగా కొనాలనుకునే వారు కచ్చితంగా సేఫ్టీ, ఎక్కువ మైలేజీ ఇచ్చే వాటికే ప్రాధాన్యత ఇస్తుంటారు. అయితే, ఈ రెండు ఫీచర్లను ఏ కారు ఇస్తుందో చాలా మందికి తెలియదు. అలాంటి కస్టమర్లకు 6ఎయిర్‌బ్యాగ్‌లతో ఎక్కువ మైలేజీ అందించే మారుతి సుజుకి డిజైర్, మారుతి సుజుకి సెలెరియో బెస్ట్ ఆఫ్షన్ కావచ్చు. ఈ కథనంలో ఈ కార్ల ధర, స్పెసిఫికేషన్ల గురించి కొన్ని వివరాలు తెలుసుకుందాం.

మారుతి సుజుకి మనదేశంలోని అతిపెద్ద వాహన తయారీ సంస్థ. ఇది జపాన్‌కు చెందిన సుజుకి మోటార్ కార్పొరేషన్ అనుబంధ సంస్థ. మారుతి సుజుకి భారతీయ మార్కెట్‌లో వివిధ రకాల కార్లను విక్రయిస్తోంది. వాటిలో డిజైర్, సెలెరియో కూడా ఉన్నాయి. ఈ రెండు కార్లు మధ్యతరగతి ప్రజలకు అనుకూలంగా ఉంటాయి. మారుతి సుజుకి డిజైర్, సెలెరియో రెండూ మధ్య తరగతి ప్రజల బడ్జెట్ ధరలకు కొనుగోలుకు అందుబాటులో ఉన్నాయి.

మారుతి సుజుకి డిజైర్: ఇది సెడాన్ రకం కారు. దీని ధర రూ. 6.84 లక్షల నుండి రూ. 10.19 లక్షల(ఎక్స్ షోరూమ్) వరకు ఉంది. ఇది 1.2-లీటర్ జెడ్ సిరీస్ పెట్రోల్, సిఎన్‌జి ఇంజిన్‌లను కలిగి ఉంది. ఇది 5-స్పీడ్ మాన్యువల్ మరియు 5-స్పీడ్ ఆటోమేటిక్ గేర్‌బాక్స్‌లను కలిగి ఉంది. పెట్రోల్ మోడల్ 24.79 నుండి 25.71కిలోమీటర్ల మైలేజీని అందిస్తుంది. సిఎన్‌జి మోడల్ 33.73 కిలోమీటర్ల మైలేజీని అందిస్తుంది.

ఈ కారులో 5 సీట్లు ఉంటాయి. దీనిలో ఐదుగురు హాయిగా ప్రయాణించవచ్చు. అంతేకాకుండా ఇందులో 9-ఇంచుల టచ్‌స్క్రీన్ ఇన్ఫోటైన్‌మెంట్ సిస్టమ్, వైర్‌లెస్ ఫోన్ ఛార్జర్, సన్‌రూఫ్, ఆటో ఎసి వంటి ఫీచర్లు ఉన్నాయి. సేఫ్టీ కోసం 6 ఎయిర్‌బ్యాగ్‌లు, ఎబిఎస్, ఇబిడి, 3-పాయింట్ సీట్ బెల్ట్‌లు ఉన్నాయి. గ్లోబల్ ఎన్‌సిఎపి నుంచి 5-స్టార్ సేఫ్టీ రేటింగ్‌ను పొందింది.

మారుతి సుజుకి సెలెరియో: ఇది హ్యాచ్‌బ్యాక్ రకం కారు. దీని ధర రూ. 5.64 లక్షల నుంచి రూ. 7.37 లక్షల వరకు ఉంది. ఇది 1-లీటర్ పెట్రోల్, సిఎన్‌జి ఇంజిన్‌లను కలిగి ఉంది. ఇది 5-స్పీడ్ మాన్యువల్, 5-స్పీడ్ ఆటోమేటిక్ గేర్‌బాక్స్‌లను కలిగి ఉంది. పెట్రోల్ మోడల్ 25 నుంచి 26 కిలోమీటర్ల మైలేజీని అందిస్తుంది. సిఎన్‌జి మోడల్ 34.43 కిలోమీటర్ల మైలేజీని అందిస్తుంది.

దీనిలో కూడా 5 సీట్లు ఉన్నాయి. ఇందులో కూడా ఐదుగురు హాయిగా ప్రయాణించవచ్చు. అంతే కాకుండా ఇందులో టచ్‌స్క్రీన్ ఇన్ఫోటైన్‌మెంట్ సిస్టమ్, పుష్ బటన్ స్టార్ట్/స్టాప్, కీ‌లెస్ ఎంట్రీ వంటి ఫీచర్లు ఉన్నాయి. సేఫ్టీ కోసం 6 ఎయిర్‌బ్యాగ్‌లు, ఎబిఎస్, ఇబిడి, ఇఎస్‌పి, రివర్స్ పార్కింగ్ సెన్సర్‌లు ఉన్నాయి.

ఈ రెండు కార్లు కూడా ప్రయాణికుల సేఫ్టీ, మంచి మైలేజీకి ప్రసిద్ధి చెందాయి. మధ్యతరగతి ప్రజలకు ఈ రెండు కార్లు అనుకూలంగా ఉంటాయి. మారుతి సుజుకి భారతీయ మార్కెట్‌లో తన ప్రజాదరణ పొందిన కార్ల ద్వారా సామాన్య ప్రజలకు దగ్గరైంది. మధ్యతరగతి ప్రజల ఆర్థిక పరిస్థితులకు అనుగుణంగా కార్లను పరిచయం చేస్తోంది. అలాగే మారుతి కార్ల నిర్వహణ ఖర్చు కూడా తక్కువగా ఉండడం వల్ల ప్రజలకు ఎక్కువ సౌకర్యం లభిస్తుంది.

డ్రైవ్‌స్పార్క్‌ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.