చిన్న ఫ్యామిలీకి చక్కని కారు.. ఆల్టో K10 క్రాష్ టెస్ట్‌లో ఫైవ్ స్టార్ సాధిస్తుందా?

భారత మార్కెట్లో మారుతి సుజుకి ఆల్టో K10 ఒక కీలకమైన స్థానాన్ని కలిగి ఉంటుంది. ఇది ఎంట్రీ-లెవల్ హ్యాచ్‌బ్యాక్ విభాగంలో అత్యంత ప్రజాదరణ పొందిన కార్లలో ఒకటి. దీనిని చిన్న మధ్య తరగతి కుటుంబాల కోసం తయారు చేశారు. మారుతి సుజుకి ఆల్టో K10 వివిధ వేరియంట్‌లలో లభిస్తుంది. ఇది విభిన్న బడ్జెట్‌లు, అవసరాలను తీరుస్తుంది. దీని ధర చాలా తక్కువగా ఉంటుంది

ఇది పెట్రోల్, సిఎన్జి వేరియంట్లలో లభ్యమవుతుంది. ఇటీవల మారుతి సుజుకి ఆల్టో K10 అన్ని వేరియంట్‌లలో 6 ఎయిర్‌బ్యాగ్‌లను ప్రమాణంగా అందించడం ప్రారంభించింది. అదనంగా, ఇది ABS, EBD, రియర్ పార్కింగ్ సెన్సార్‌లు వంటి ఇతర సేఫ్టీ ఫీచర్లను కూడా కలిగి ఉంది. ఆల్టో K10 దాని ఫ్యూయెల్ కెపాసిటీకి ప్రసిద్ధి చెందింది, ఇది రోజువారీ ప్రయాణాలకు, నగర డ్రైవింగ్‌కు అనువైనది.

సిఎన్జి వేరియంట్ ఇంధన ఖర్చులను తగ్గించటానికి ఉపయోగపడుతుంది. ఆల్టో K10 కాంపాక్ట్ డిజైన్‌ను కలిగి ఉంది, ఇది రద్దీగా ఉండే పట్టణ వీధుల్లో తిరగడానికి అనువుగా ఉంటుంది. కొత్త ఫీచర్లు, టచ్ స్క్రీన్ ఇన్ఫోటైన్మెంట్ సిస్టమ్, డిజిటల్ ఇన్స్ట్రుమెంట్ క్లస్టర్, స్టీరింగ్ మౌంటెడ్ కంట్రోల్స్ కూడా ఇందులో ఉన్నాయి.

భారత మార్కెట్లో ఆల్టో కె10 అమ్మకాలు ఎక్కువగా ఉన్నాయి. మారుతి సుజుకి సర్వీస్ సెంటర్ లు దేశవ్యాప్తంగా ఉండడం కూడా వినియోగదారులకు సౌకర్యవంతంగా ఉంటుంది. ఆల్టో K10 మధ్యతరగతి కుటుంబాలకు ఒక సరసమైన ఎంపిక. గతంలో గ్లోబల్ NCAPక్రాష్ టెస్ట్‌లో ఆల్టో K10 2స్టార్ రేటింగ్‌ను, పిల్లల సేఫ్టీలో జీరో స్టార్ రేటింగ్‌ను పొందింది. కానీ ఇప్పుడు సేఫ్టీ ఫీచర్లను పెంచడంతో ఫైవ్ స్టార్ రేటింగ్ పొందే అవకాశాలు పెరిగాయి.

కొత్త ఆల్టో K10లో అనేక మార్పులు చేశారు. ఆకర్షణీయమైన గ్రిల్, హాలోజన్ హెడ్‌లైట్లు వాహనానికి కొత్త రూపాన్ని అందిస్తాయి. 998సీసీ డ్యూయల్‌జెట్, డ్యూయల్ VVT త్రీ సిలిండర్ ఇంజిన్‌ను వాహనంలో ఉపయోగిస్తున్నారు. ఇది 5,500 ఆర్‌పిఎమ్ వద్ద 66 బిహెచ్‌పి పవర్, 3,500 ఆర్‌పిఎమ్ వద్ద 89 ఎన్ఎమ్ పీక్ టార్క్‌ను అందిస్తుంది. 5-స్పీడ్ మాన్యువల్, 5-స్పీడ్ AMT ట్రాన్స్‌మిషన్ ఆఫ్షన్లు కూడా అందుబాటులో ఉన్నాయి.

మారుతి సుజుకి బిల్డ్ క్వాలిటీ గురించిన విమర్శలను అధిగమించడానికి ఈ కొత్త మార్పులు సహాయపడతాయని భావిస్తున్నారు. సేఫ్టీ ఫీచర్లను పెంచడంతో ఆల్టో K10 మార్కెట్‌లో మరింత దృష్టిని ఆకర్షిస్తుందని ఖచ్చితంగా చెప్పవచ్చు. ముందు భాగంలో ఆల్టో K10 కూడా పెద్ద, గ్యాప్డ్ గ్రిల్‌తో, ముందు భాగంలో సుజుకి బ్యాడ్జ్‌తో బాగుంది.

5-స్పీడ్ మాన్యువల్ లేదా 5-స్పీడ్ AMT ట్రాన్స్మిషన్ల సహాయంతో పవర్ ముందు చక్రాలకు సరఫరా చేస్తుంది. మాన్యువల్ వేరియంట్ తో లీటరకు 24.39 కి.మీ, AMT తో లీటరుకు 24.90 కి.మీ వరకు మైలేజ్ ఇస్తుందని కంపెనీ తెలిపింది. కొత్త సుజుకి ఆల్టో K10 పొడవు 3,530ఎంఎం, వెడల్పు 1,490ఎంఎం, ఎత్తు 1,520ఎంఎం.

ఆల్టో K10 వీల్‌బేస్ 2,380ఎంఎం, బరువు 1,150 కిలోలు. పాత వెర్షన్‌తో పోలిస్తే 85ఎంఎం పొడవు, 45ఎంఎం వెడల్పు, 20ఎంఎం ఎత్తు వీల్‌బేస్ కలిగి ఉంది. మారుతి ఆల్టో K10 గ్లోబల్ NCAPక్రాష్ టెస్ట్‌లో కొత్త సేఫ్టీ ఫీచర్స్ యాడ్ చేసినందుకు తిరిగి టెస్ట్ చేస్తే రేటింగ్ పెరిగే అవకాశం ఉంది. కొత్త సేఫ్టీ ఫీచర్లను యాడ్ చేయడంతో త్వరలో 5స్టార్ సేఫ్టీ రేటింగ్ పొందే అవకాశం ఉంది.

డ్రైవ్‌స్పార్క్‌ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.