35 కి.మీ మైలేజ్ ఇచ్చే కారు! ధర కేవలం 4.70 లక్షలు.. ఒకప్పుడు హిట్.. ఇప్పుడు సైలెంట్!

భారతీయ ఆటోమొబైల్ మార్కెట్లో మారుతి సుజుకి (Maruti Suzuki) అనే పేరు అంటే ఒక నమ్మకం. ఈ బ్రాండ్ కార్లు ఎప్పటినుంచో భారత కుటుంబాల హృదయాల్లో ప్రత్యేక స్థానం సంపాదించుకున్నాయి. ఎంట్రీ లెవల్ హ్యాచ్‌బ్యాక్‌ నుంచి ప్రీమియం సడాన్‌, SUV వరకు.. మారుతి సుజుకి ప్రతి విభాగంలో తన ఉనికిని చూపిస్తుంది. అయితే ప్రతి విజయవంతమైన బ్రాండ్‌కీ కొన్ని బలహీన అమ్మకాలు చేసే కార్లు కూడా ఉంటాయి. అలాంటి వాటిల్లో మారుతి సుజుకి సెలెరియో ఒకటి. ఒకప్పుడు చిన్న కారు సెగ్మెంట్‌లో మంచి గుర్తింపు తెచ్చుకున్న సెలెరియో, ఇప్పుడు మాత్రం అమ్మకాల పరంగా వెనుకబడింది. భారత మార్కెట్లో ఈ కారు అమ్మకాలు గణనీయంగా తగ్గిపోయాయి. ప్రతి నెలా అమ్ముడవుతున్న యూనిట్ల సంఖ్య చూస్తే, ఇది స్పష్టంగా అర్థమవుతుంది.

తాజా సెప్టెంబర్ 2025 నెలలో మారుతి సుజుకి సెలెరియో కేవలం 1,033 యూనిట్లు మాత్రమే విక్రయించబడింది. ఇదే కారు ఆగస్టు నెలలో 1,505 యూనిట్లు అమ్ముడయ్యింది. అంటే, ఒక్క నెలలోనే దాదాపు 472 యూనిట్ల తగ్గుదల నమోదైంది. శాతం వారీగా చూస్తే ఇది 31.36% తగ్గుదల అని చెప్పవచ్చు. ఇంత భారీ తగ్గుదల రావడానికి ప్రధాన కారణాలు కూడా అనేకం ఉన్నాయి.

మార్కెట్లో కొత్తగా ప్రవేశించిన బడ్జెట్ ఫ్రెండ్లీ కార్లు, ఆధునిక ఫీచర్లతో వస్తున్న హ్యాచ్‌బ్యాక్‌లు, అలాగే SUV సెగ్మెంట్‌లో పెరుగుతున్న ఆకర్షణ.. ఇవన్నీ కలిపి సెలెరియో డిమాండ్‌ను ప్రభావితం చేశాయి. అదనంగా, మారుతి సుజుకి స్వంత లైనప్‌లోనే పోటీ ఎక్కువైంది. ఉదాహరణకు ఆల్టో K10, స్విఫ్ట్, వ్యాగన్‌ఆర్ వంటి మోడళ్లు కూడా అదే ధర పరిధిలో లభిస్తున్నాయి. కాబట్టి వినియోగదారులు ఆప్షన్‌లలో సెలెరియోను అంతగా పరిగణలోకి తీసుకోవడం లేదు.

మారుతి సుజుకి సెలెరియో గురించి మాట్లాడితే, ఇది ఇప్పటికీ భారత మార్కెట్లో అత్యంత సరసమైన, మైలేజ్ పరంగా అత్యుత్తమమైన హ్యాచ్‌బ్యాక్‌లలో ఒకటిగా నిలుస్తుంది. తక్కువ ధరలో ఎక్కువ విలువను అందించే ఈ కారు, బడ్జెట్ ఫ్రెండ్లీ సెగ్మెంట్‌లో ఒక విశ్వసనీయ ఎంపికగా గుర్తింపు పొందింది. మారుతి సుజుకి సెలెరియో ఎంట్రీ లెవల్ వేరియంట్ ధర కేవలం రూ. 4.70 లక్షలు (ఎక్స్-షోరూమ్).

అదే సమయంలో, టాప్ వేరియంట్ ధర కూడా కేవలం రూ. 6.73 లక్షలు మాత్రమే. ఈ ధర పరిధిలో లభించే ఇతర కార్లతో పోలిస్తే, సెలెరియో ధర, ఫీచర్ల మధ్య సమతౌల్యం బాగా కనిపిస్తుంది. ఇంజిన్ ఆప్షన్ల పరంగా ఈ కారు రెండు వేరియంట్లలో వస్తుంది. అవి 1.0 లీటర్ పెట్రోల్, 1.0 లీటర్ CNG ఇంజిన్‌లు. ఈ రెండు వేరియంట్లు కూడా మంచి ఫ్యూయల్ ఎఫిషెన్సీకి ప్రసిద్ధి చెందాయి.

మైలేజ్ పరంగా చూస్తే, సెలెరియో పెట్రోల్ వెర్షన్ సుమారు 24 కి.మీలు, CNG వెర్షన్ అయితే దాదాపు 34 కి.మీల వరకు మైలేజ్ అందిస్తుంది. ఈ గణాంకాలు దినసరి ప్రయాణాలు చేసే వారికి ఇది ఎంత ఎకానమికల్ ఆప్షన్‌గా మారుతుందో తెలియజేస్తాయి. ఇంటీరియర్‌లో కూడా మారుతి సుజుకి ప్రాక్టికాలిటీపై దృష్టి పెట్టింది. 5 సీటర్ల సదుపాయం ఉండటం వల్ల చిన్న కుటుంబాల ప్రయాణాలకు ఇది బాగా సరిపోతుంది.

ఫీచర్ల పరంగా 7 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, సర్దుబాటు చేయగల హెడ్‌రెస్ట్‌లు, వెనుక AC వెంట్స్ వంటి సౌకర్యాలు అందుబాటులో ఉన్నాయి. ఇవి డ్రైవింగ్ అనుభవాన్ని మరింత సౌకర్యవంతంగా మార్చుతాయి. భద్రత విషయానికి వస్తే, సెలెరియోలో 6 ఎయిర్‌బ్యాగులు, ABS with EBD, రియర్ పార్కింగ్ సెన్సర్లు వంటి ఆధునిక సేఫ్టీ ఫీచర్లు ఇవ్వబడ్డాయి. తక్కువ ధరలో ఇంత మంచి భద్రతా ప్యాకేజ్ ఇవ్వడం ఈ కారు ప్రత్యేకతే.