Click it and Unblock the Notifications
అరె ఇదేంటి భయ్యా..ఈ కారును రెండు నెలలుగా ఒక్కరంటే ఒక్కరు కూడా కొనలేదు..షోరూంలోనే పడి ఉంటున్నాయి
ఒకప్పుడు భారతీయ ప్రీమియం సెడాన్ విభాగంలో హ్యుందాయ్ వెర్నా, హోండా సిటీ వంటి మోడళ్లకు గట్టి పోటీ ఇచ్చి, మంచి ప్రజాదరణ పొందిన కారు మారుతి సుజుకి సియాజ్ (Maruti Suzuki Ciaz). ఈ కారు మారుతి హై లెవల్ నెక్సా (Nexa) డీలర్షిప్ల ద్వారా అమ్ముడవుతుంది.
అయితే, భారత మార్కెట్కు అత్యంత షాకింగ్ న్యూస్ ఏమిటంటే.. ఈ ప్రీమియం సెడాన్ వరుసగా గత రెండు నెలలుగా (అక్టోబర్, నవంబర్ 2025) ఒక్క యూనిట్ కూడా అమ్ముడుపోలేదు. రష్లైన్ సేల్స్ రిపోర్ట్ ప్రకారం.. 2024 నవంబర్లో 597 యూనిట్లు అమ్ముడవగా, 2025 నవంబర్, అక్టోబర్ నెలల్లో అమ్మకాలు సున్నాగా నమోదయ్యాయి. ఈ పరిణామం మారుతి సుజుకి సంస్థకు, దాని నెక్సా విభాగంలో పెద్ద దెబ్బ తగిలినట్లు భావించవచ్చు.
సియాజ్ కారు 2014 లో విడుదలైనప్పుడు మంచి అమ్మకాలను నమోదు చేసింది. కానీ దాని అమ్మకాలు పడిపోవడానికి ప్రధానంగా రెండు బలమైన కారణాలు ఉన్నాయి. మొదటిది భారతీయ కస్టమర్లు ఇప్పుడు సెడాన్ కార్లకు బదులు, ఎస్యూవీ (SUV) మోడళ్ల వైపు పూర్తిగా మళ్లారు. ఎస్యూవీలు ఇచ్చే రోడ్ ప్రెజెన్స్, అధిక గ్రౌండ్ క్లియరెన్స్ మరియు డ్రైవింగ్ అనుభవం సెడాన్లలో లభించడం లేదు.
రెండవది, మార్కెట్లో హ్యుందాయ్ వెర్నా (కొత్త జనరేషన్), స్కోడా స్లావియా, వోక్స్వ్యాగన్ విర్టస్ వంటి కొత్త, టెక్నాలజీ పరంగా అప్డేట్ అయిన మోడళ్లు రావడం. వీటికి పోటీగా మారుతి సుజుకి సంస్థ సియాజ్కు సమయానుగుణంగా అప్డేట్లు చేయడంలో పూర్తిగా విఫలమైంది. పాత డిజైన్, ఫీచర్ల విషయంలో కొత్త కార్లతో పోటీపడలేకపోవడం సియాజ్ పతనానికి దారితీసింది.
వరుసగా రెండు నెలల పాటు అమ్మకాలు సున్నాగా నమోదు కావడంతో, సియాజ్ కారును ఇప్పటికే మారుతి సుజుకి ఉత్పత్తి నిలిపివేసిందా (డీలిస్ట్) అనే అనుమానాలు బలంగా వినిపిస్తున్నాయి. అయితే, ఈ వార్తలు వస్తున్నప్పటికీ, మారుతి సుజుకి అధికారిక నెక్సా వెబ్సైట్లో మాత్రం ఈ కారు ఇంకా లిస్ట్ చేయబడి ఉంది.
ఇది కారుకు సంబంధించిన తుది నిర్ణయం ఇంకా తీసుకోలేదని సూచిస్తుంది. ప్రస్తుతం వెబ్సైట్లో ఉన్న వివరాల ప్రకారం, మారుతి సియాజ్ ప్రారంభ ఎక్స్-షోరూమ్ ధర రూ.9.09 లక్షలు కాగా, టాప్ వేరియంట్ ధర రూ.11.89 లక్షల వరకు ఉంది.
డిజైర్ సరసమైన ధర, అత్యధిక మైలేజ్, నమ్మకమైన సర్వీస్ కస్టమర్లను ఆకర్షిస్తున్నాయి. ఈ డిజైర్ విజయం, సెడాన్ విభాగంలో మారుతికి కొంత ఉపశమనం కలిగిస్తున్నప్పటికీ, ప్రీమియం సెడాన్ విభాగంలో సియాజ్ స్థానాన్ని భర్తీ చేయాల్సిన అవసరం స్పష్టంగా కనిపిస్తోంది. సియాజ్ సెడాన్ అమ్మకాలలో విఫలమైనప్పటికీ, మారుతి సుజుకి సంస్థకు డిజైర్, స్విఫ్ట్ కార్లు అండగా నిలబడ్డాయి.
Continue with Google