ఆస్ట్రేలియాలో స్విఫ్ట్ కారుకు అగ్నిపరీక్ష.. ప్రయాణికుల సేఫ్టీ బట్టబయలైంది!

మారుతి సుజుకి స్విఫ్ట్ (Maruti Suzuki Swift) అనేది ప్రపంచవ్యాప్తంగా అత్యంత ప్రజాదరణ పొందిన హ్యాచ్‌బ్యాక్‌లలో ఒకటి. భారతదేశంలో ఈ కారుకు ఉన్న ఆదరణ ప్రత్యేకమే. మొదటిసారి కారు కొనుగోలు చేయాలని అనుకునే వారు, మైలేజ్‌తో పాటు పనితీరు, డిజైన్, అందుబాటు ధరను ప్రాధాన్యతనిచ్చే వారు స్విఫ్ట్ వైపు ఎక్కువగా మొగ్గు చూపుతారు. ఈ కారు ఒక విధంగా మధ్య తరగతి కుటుంబాలకు సరిపోయే మోడల్‌గా నిలుస్తోంది. తాజాగా స్విఫ్ట్‌పై ఒక ఆసక్తికరమైన అప్‌డేట్ బయటకొచ్చింది. 2025 మోడల్ స్విఫ్ట్ కారు ఆస్ట్రేలియాలో నిర్వహించిన క్రాష్ టెస్టులో 3 స్టార్ రేటింగ్‌ను సాధించింది. ఇది సాధారణ అప్‌డేట్ కాదని చెప్పాలి, ఎందుకంటే గతంలో 2024 డిసెంబర్‌లో పరీక్షించినప్పుడు అదే ఆస్ట్రేలియా-స్పెక్ మోడల్ కేవలం 1 స్టార్ రేటింగ్ మాత్రమే పొందింది.

భద్రతా ప్రమాణాల పరంగా ఆ రేటింగ్ పెద్దగా ఆకట్టుకునేది కాదు. అయితే, తాజా మోడల్‌లో కొన్ని ముఖ్యమైన భద్రతా మార్పులు, అప్‌డేట్‌లు చేయడంతో ఈసారి 3 స్టార్ రేటింగ్ అందుకోవడం గమనార్హం. ఇది ఒక స్పష్టమైన సూచన. సంస్థ తమ కార్లలో భద్రతా ఫీచర్లను పెంపొందించడానికి కృషి చేస్తోందని ఇది చెబుతోంది. వినియోగదారులు కూడా ఇప్పుడు కేవలం ధర లేదా మైలేజ్ కాకుండా, భద్రతకు కూడా అధిక ప్రాధాన్యం ఇస్తున్నారు.

స్విఫ్ట్ మోడల్ కొత్త రేటింగ్ సాధించడం ఒక పాజిటివ్ సిగ్నల్‌గా భావించవచ్చు. సాధారణంగా స్విఫ్ట్ అంటే మనకు గుర్తుకు వచ్చేది స్పోర్టీ లుక్, తేలికైన డ్రైవ్, మంచి మైలేజ్. కానీ ఇప్పుడు దానికి తోడు భద్రతా ప్రమాణాల్లోనూ మెరుగుదల సాధించడం ఈ కారు డిమాండ్ పెంచుతుంది. స్విఫ్ట్‌పై ఉన్న అభిమానాన్ని దృష్టిలో ఉంచుకుని, ఈ భద్రతా అప్‌డేట్ భవిష్యత్‌లో భారత మార్కెట్లో కూడా ఒక ప్రత్యేక ప్రాధాన్యం తెచ్చే అవకాశముంది.

ముఖ్యంగా, ఈ రేటింగ్ ఆగస్టు 2025 నుండి VIN ~250001తో ఉత్పత్తి చేయబడిన అన్ని వేరియంట్‌లకు వర్తించనుంది. అంటే, ఆ తర్వాత తయారయ్యే ప్రతి కొత్త స్విఫ్ట్ భద్రతా ప్రమాణాల్లో మెరుగైన రక్షణను కలిగి ఉంటుంది. ఇది వయోజన ఆక్యుపెంట్ ప్రొటెక్షన్ విభాగంలో స్విఫ్ట్ 26.87 / 40 పాయింట్లు సాధించి 67% స్కోర్ పొందింది. ఈ స్కోర్‌తో ముందు సీటులో కూర్చునే ప్రయాణికులకు తగిన రక్షణ లభిస్తుందని సూచిస్తోంది.

పిల్లల ఆక్యుపెంట్ ప్రొటెక్షన్ విభాగంలో 32.28 / 49 పాయింట్లు సాధించి 65% స్కోర్ అందుకుంది. ఇది చిన్నారుల భద్రతను దృష్టిలో పెట్టుకుని మారుతి చేసిన అప్‌డేట్‌లకు మంచి ఫలితం. కఠిన రోడ్డుపై రక్షణలో స్విఫ్ట్ అద్భుతంగా నిలిచింది. ఈ విభాగంలో 48 / 63 పాయింట్లు సాధించి 76% స్కోర్ సాధించింది. భద్రత కోసం స్విఫ్ట్ నిర్మాణంలో చేసిన మార్పులు ఫలితాన్నిచ్చాయని దీని ద్వారా అర్థమవుతోంది.

ఇండియా వేరియంట్ ఆస్ట్రేలియా మోడల్‌తో పోలిస్తే ఫీచర్స్, సేఫ్టీ పరంగా కొంచెం భిన్నంగా ఉంటుంది. ప్రస్తుతం భారత మార్కెట్లో కేవలం రూ. 6.49 లక్షలు మాత్రమే. టాప్-ఎండ్ వేరియంట్ ధర రూ. 9.50 లక్షలు. ఇవి ఎక్స్-షోరూమ్ ధరలు. స్విఫ్ట్ 2025 మోడల్‌లో ఇంజిన్ విభాగంలో కూడా కొత్త మార్పులు చోటుచేసుకున్నాయి. ఈసారి కంపెనీ పూర్తిగా కొత్తగా అభివృద్ధి చేసిన Z12E 1.2-లీటర్, 3-సిలిండర్ పెట్రోల్ ఇంజిన్‌ను అందిస్తోంది.

ఈ ఇంజిన్ 5-స్పీడ్ మాన్యువల్ లేదా 5-స్పీడ్ ఆటోమేటిక్ ట్రాన్స్‌మిషన్‌తో జతచేయబడింది. గరిష్టంగా 80 bhp పవర్, 112 Nm పీక్ టార్క్ విడుదల చేస్తుంది. పెట్రోల్/మాన్యువల్ వేరియంట్లు లీటరుకు 24.80 కి.మీ. పెట్రోల్/ఆటోమేటిక్ వేరియంట్లు లీటరుకు 25.75 కి.మీ వరకు మైలేజ్ ఇస్తాయి. VXI CNG వేరియంట్ ధర రూ. 8.20 లక్షలు. మైలేజ్ విషయానికి వస్తే, ఇది లీటరుకు 32.85 కి.మీ. ఇంధన సామర్థ్యాన్ని హామీ ఇస్తోంది.