మరణాన్ని దగ్గరికి రానీయని కార్.. భద్రతలో బుల్లెట్ ప్రూఫ్! ఫ్యామిలీకి పర్ఫెక్ట్ సేఫ్ కార్.. 5 స్టార్ రేటింగ్

మారుతి సుజుకి తాజాగా విడుదల చేసిన కొత్త మిడ్-సైజ్ కాంపాక్ట్ SUV విక్టోరిస్ (victoris) భద్రతా ప్రమాణాలలో తనకంటూ ప్రత్యేకమైన స్థానం ఏర్పరుచుకుంది. దేశ వాహన భద్రతా అంచనా కార్యక్రమం భారత్ NCAP (BNCAP) నిర్వహించిన అధికారిక పరీక్షల్లో ఈ కారు 5-స్టార్ రేటింగ్ సాధించడం గమనార్హం. ఇది మారుతి సుజుకి మోడళ్లలో రెండవ అత్యంత సురక్షితమైన కారు కావడం విశేషం. ఈ రేటింగ్‌తో పాటు కంపెనీ తన వాహనాలలో భద్రతపై చూపిస్తున్న పెరుగుతున్న నిబద్ధత మరింత స్పష్టమవుతోంది. BNCAP నివేదిక ప్రకారం, విక్టోరిస్ బరువు సుమారు 1,549 కిలోలు. ఈ SUV అన్ని విభాగాల్లోనూ అసాధారణమైన ప్రదర్శన కనబరిచింది. ముఖ్యంగా వయోజన ప్రయాణీకుల రక్షణలో, ఇది 32 పాయింట్లలో 31.66 పాయింట్లు సాధించడం ద్వారా తన శక్తివంతమైన భద్రతా వ్యవస్థను నిరూపించింది.

ప్రయాణికుల రక్షణలో విక్టోరిస్ మంచి ఫలితాలు ఇచ్చినట్లే. ముఖ్యంగా, ఫ్రంటల్ ఆఫ్‌సెట్ డిఫార్మబుల్ బారియర్ టెస్ట్‌లో, అంటే వాహనం ఎదురెదురుగా ఢీకొనడాన్ని అనుకరించే పరీక్షలో, విక్టోరిస్ 16లో 15.66 స్కోర్ సాధించింది. ఈ పరీక్షలో డ్రైవర్‌కు అత్యంత కీలకమైన శరీర భాగాలైన తల, మెడ, తుంటి, తొడలు, పాదాలు వంటి ప్రాంతాలకు అత్యుత్తమ రక్షణ లభించినట్లు తేలింది. ఛాతీ మరియు మోకాళ్ల విషయంలో కూడా తగిన రక్షణను అందించడం గమనార్హం.

అదేవిధంగా, సైడ్-ఇంపాక్ట్ ప్రొటెక్షన్ కేటగిరీలోనూ విక్టోరిస్ తన స్థాయిని నిరూపించింది. సైడ్-పోల్, కదిలే డిఫార్మబుల్ బారియర్ టెస్టులు వంటి అత్యంత కఠినమైన సైడ్ ఢీకొనడాన్ని అనుకరించే పరీక్షల్లో, ఈ SUV 16లో 16 స్కోర్ సాధించింది. అంటే సైడ్ ఢీకొన్నప్పుడు ప్రయాణికుల తల, మెడ, ఛాతీ, ఉదరం, పెల్విస్ భాగాలకు అత్యుత్తమ రక్షణను అందించగలదని నిరూపించింది. పిల్లల రక్షణ విషయంలో కూడా విక్టోరిస్ వెనుకడుగు వేయలేదు.

మొత్తం 49 పాయింట్లలో 43 పాయింట్లు సాధించడం ద్వారా, చిన్నారుల భద్రతపైనా ఇది ఒక నమ్మకమైన వాహనమని ప్రదర్శించింది. మారుతి సుజుకి విక్టోరిస్ భద్రతా పరంగా సాధించిన మరో విశేషం ఏమిటంటే, ఇది భారత్ NCAP ఫ్రేమ్‌వర్క్ కింద ఇప్పటివరకు మారుతి వాహనాల్లో నమోదైన అత్యధిక చైల్డ్ సేఫ్టీ స్కోర్ను నమోదు చేసింది. ఇది కేవలం ఒక SUV మాత్రమే కాదు, కుటుంబాలకు సంపూర్ణ భద్రతను అందించే వాహనమని నిరూపించింది.

ఈ కారులో భద్రతా ఫీచర్లు అత్యంత అధునాతనమైనవిగా ఉన్నాయి. ఆరు స్టాండర్డ్ ఎయిర్‌బ్యాగ్‌లు, ABS తో కూడిన ఎలక్ట్రానిక్ బ్రేక్‌ఫోర్స్ డిస్ట్రిబ్యూషన్ (EBD), ఎలక్ట్రానిక్ స్టెబిలిటీ కంట్రోల్ (ESC), అలాగే ISOFIX చైల్డ్ సీట్ మౌంట్లు ఇవ్వబడటం దీని ప్రాథమిక భద్రతా స్థాయిని మరింత బలపరుస్తాయి. ఇంతటితో ఆగకుండా, విక్టోరిస్ మారుతి సుజుకి వాహనాల్లోనే తొలిసారిగా లెవల్-2 అడ్వాన్స్‌డ్ డ్రైవర్ అసిస్టెన్స్ సిస్టమ్ (ADAS)తో లభిస్తోంది.

ఇందులో అడాప్టివ్ క్రూయిజ్ కంట్రోల్, లేన్-కీప్ అసిస్ట్, ఆటోమేటిక్ ఎమర్జెన్సీ బ్రేకింగ్ వంటి ఆధునిక సాంకేతికతలు ఉన్నాయి. అదనంగా, డ్రైవింగ్ సౌలభ్యం మరియు భద్రత కోసం 360-డిగ్రీల సరౌండ్-వ్యూ కెమెరా, టైర్ ప్రెజర్ మానిటరింగ్ సిస్టమ్, ముందు, వెనుక పార్కింగ్ సెన్సార్లు కూడా అందించబడ్డాయి. ఈ అన్ని ఫీచర్లతో, విక్టోరిస్ కేవలం స్టైలిష్ SUVగానే కాకుండా, ప్రయాణికులకు అత్యధిక భద్రత, ఆధునిక సాంకేతికత, కుటుంబ కారుగా నిలిచింది.