మీరు ఎదురు చూస్తున్న కారు ఇదేనా? పండుగల టైంలో దుమ్మురేపేందుకు వస్తోంది.. బడ్జెట్ రెడీ చేసుకోండి!

భారత మార్కెట్లో ఎప్పటికప్పుడు కొత్త మోడళ్లను అందిస్తూ, ప్రజల మనసుల్లో ప్రత్యేక స్థానం సంపాదించుకున్న కంపెనీ మారుతి సుజుకి (Maruti Suzuki). దేశంలో మధ్యతరగతి కుటుంబాల నుండి ప్రీమియం వర్గం వరకు ప్రతి ఒక్కరికీ అందుబాటులో ఉండే కార్లను అందించడం దీని ప్రధాన ప్రత్యేకత. ఎప్పటికప్పుడు కొత్త టెక్నాలజీ, సేఫ్టీ ఫీచర్లు, మైలేజ్, డిజైన్ అప్‌డేట్‌లతో తన కార్లను రీఫ్రెష్ చేస్తూ వినియోగదారులను ఆకట్టుకుంటోంది. ఇక తాజాగా, మారుతి సుజుకి మరో కొత్త అడుగు వేయడానికి సిద్ధమవుతోంది. దేశీయ ఆటోమొబైల్ మార్కెట్లో పెరుగుతున్న SUVల డిమాండ్‌ను దృష్టిలో పెట్టుకుని, కొత్త మిడ్-సైజ్ కాంపాక్ట్ SUV ఎస్కుడో (Escudo)ను లాంచ్ చేయడానికి ఏర్పాట్లు పూర్తయ్యాయి. సమాచారం ప్రకారం, ఈ కారు సెప్టెంబర్ 3, 2025న అధికారికంగా భారత మార్కెట్లోకి ప్రవేశించనుంది.

డిజైన్ పరంగా ఎస్కుడో లేటెస్ట్ ఫీచర్లతో, ఆకర్షణీయమైన స్టైల్‌తో కనిపించబోతోంది. కొత్తగా ఇచ్చే గ్రిల్ డిజైన్, LED హెడ్‌లాంప్స్, స్పోర్టీ అలాయ్ వీల్స్, రగ్డ్ SUV లుక్ దీన్ని రోడ్డుపై ప్రత్యేకంగా నిలబెడతాయి. ధర విషయానికి వస్తే, మారుతి సుజుకి ఎస్కుడోను రూ.9.75 లక్షల నుండి రూ.12 లక్షల (ఎక్స్-షోరూమ్) ధరల మధ్య అందించనున్నారని తెలుస్తుంది. ఇది SUV సెగ్మెంట్‌లో ఉన్న క్రెటా, కియా సెల్టోస్‌లతో పోటీగా నిలిచేలా ఉంది.

పవర్‌ట్రెయిన్ విషయానికి వస్తే, ఎస్కుడో వినియోగదారుల SUVలో 1.5 లీటర్ K15C పెట్రోల్ మైల్డ్-హైబ్రిడ్ ఇంజిన్ అమర్చబడనుంది. ఇది గరిష్టంగా 103 bhp శక్తిని ఉత్పత్తి చేస్తుంది. అదే సమయంలో 1.5 లీటర్ అట్కిన్సన్-సైకిల్ స్ట్రాంగ్ హైబ్రిడ్ ఇంజిన్ కూడా అందించబడనుందని సమాచారం. ఇది 115 bhp శక్తిని ఉత్పత్తి చేస్తుంది. దీంతో వినియోగదారులు తమ అవసరాలకు అనుగుణంగా రెండు రకాల హైబ్రిడ్ ఆప్షన్లలో ఎంపిక చేసుకునే అవకాశం ఉంటుంది.

ఇంతటితో ఆగకుండా, మారుతి ఈ SUVను CNG వేరియంట్‌లో కూడా పరిచయం చేయనుంది. ఇది భారత మార్కెట్లో పెరుగుతున్న CNG డిమాండ్‌ను తీర్చడమే కాకుండా, ఇంధన వ్యయాన్ని తగ్గించుకోవాలనుకునే వారికి మంచి ప్రత్యామ్నాయంగా మారబోతోంది. ట్రాన్స్‌మిషన్ విషయానికి వస్తే, కొత్త ఎస్కుడోలో 5-స్పీడ్ మాన్యువల్ గేర్‌బాక్స్, 6-స్పీడ్ ఆటోమేటిక్ ట్రాన్స్‌మిషన్‌ ఆప్షన్స్ ఇవ్వబడతాయి. హైబ్రిడ్ మోడళ్ల కోసం ప్రత్యేకంగా e-CVT ట్రాన్స్‌మిషన్‌ను కూడా పరిచయం చేస్తున్నారు.

ఇంకా ఒక ముఖ్యమైన అప్‌డేట్ ఏమిటంటే, ఎస్కుడో కంపెనీకి చెందిన మొదటి మోడల్‌గా లెవెల్-2 అడ్వాన్స్‌డ్ డ్రైవర్ అసిస్టెన్స్ సిస్టమ్ (ADAS) టెక్నాలజీని అందించబోతోంది. ఈ ఫీచర్ ద్వారా వాహన భద్రత మరింత పెరుగుతుంది. లేన్ కీప్ అసిస్టెంట్, అడాప్టివ్ క్రూజ్ కంట్రోల్, ఆటోమేటిక్ ఎమర్జెన్సీ బ్రేకింగ్ వంటి సౌకర్యాలు డ్రైవింగ్ అనుభవాన్ని కొత్త స్థాయికి తీసుకెళ్తాయి. ఇంతకుమించి, ప్రత్యేకంగా ఇమ్మర్సివ్ డాల్బీ అట్మాస్ ఆడియో టెక్నాలజీని అందిస్తున్నారు.

ఇంటీరియర్ ఫీచర్స్ విషయానికి వస్తే, ఇందులో అత్యాధునిక 9-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్ అమర్చబడింది. ఇది వైర్‌లెస్ ఆండ్రాయిడ్ ఆటో, యాపిల్ కార్‌ప్లే సపోర్ట్ చేస్తూ, డ్రైవింగ్ సమయంలో టెక్నాలజీని మరింత సులభంగా ఉపయోగించే అవకాశం ఇస్తుంది. కారులోకి ప్రవేశించగానే చూపును ఆకట్టుకునే మరో ఫీచర్ పనోరమిక్ సన్‌రూఫ్. ఇది కేవలం లగ్జరీ అనుభవాన్నే కాకుండా, లోపలి క్యాబిన్‌ను మరింత విశాలంగా, ఆకట్టుకునేలా చేస్తుంది.

కారులో డ్రైవర్ కోసం ప్రత్యేకంగా 7-అంగుళాల డిజిటల్ ఇన్‌స్ట్రుమెంట్ క్లస్టర్, హెడ్-అప్ డిస్‌ప్లే (HUD) ఇవ్వబడింది. దీని వలన అవసరమైన సమాచారాన్నిదీనిలోనే చూడవచ్చు. భద్రతా ఫీచర్లలో 360-డిగ్రీ కెమెరా ముఖ్యమైన పాత్ర పోషిస్తుంది. అదనంగా, ESP (ఎలక్ట్రానిక్ స్టెబిలిటీ ప్రోగ్రామ్), హిల్ హోల్డ్ అసిస్ట్‌, మల్టిపుల్ ఎయిర్‌బ్యాగ్‌లు అందించబడ్డాయి.