ప్రపంచంలో నంబర్ వన్ కార్ల కంపెనీ ఏదో తెలుసా? మారుతి మాత్రం కాదు.. మరి ఏదంటే..

భారతదేశంలో కార్ల గురించి మాట్లాడితే, మనకి మొదట గుర్తుకు వచ్చే పేరు మారుతి సుజుకి (Maruti Suzuki). దేశంలోనే అతిపెద్ద కార్ల తయారీదారుగా అది తనకంటూ ఒక ప్రత్యేక స్థానాన్ని సంపాదించుకుంది. చిన్న కారు నుంచి పెద్ద ఎంపీవీ వరకు, దాదాపు ప్రతి విభాగంలోనూ తన మోడళ్లతో మార్కెట్లో ఆధిపత్యం చాటుతుంది. భారతీయ వినియోగదారుల అవసరాలను అర్థం చేసుకుని, అందుబాటు ధరల్లో, విశ్వసనీయమైన, ఇంధన పొదుపు చేసే వాహనాలను అందించడం వల్లే మారుతి సుజుకి ఈ స్థాయికి ఎదిగింది. కానీ, ప్రపంచ స్థాయి పోటీ వాతావరణం మాత్రం పూర్తిగా వేరుగా ఉంటుంది. అక్కడ మారుతి సుజుకి లాంటి కంపెనీకి కేవలం స్థానిక అవసరాలు తీర్చడం సరిపోదు. ప్రపంచంలోనే అతిపెద్ద కార్ల తయారీ సంస్థలు టయోటా, టెస్లా, వోక్స్‌వ్యాగన్, మెర్సిడెస్-బెంజ్ వంటి దిగ్గజాలతో పోటీ పడాల్సి ఉంటుంది.

ఈ పోటీ మరింత కఠినమైనది, అయినా కూడా మారుతి సుజుకి తనదైన శక్తిని ప్రపంచానికి చూపించగలిగింది. ఇటీవల ప్రకటించిన ప్రపంచంలోని అత్యంత విలువైన ఆటోమొబైల్ తయారీదారుల జాబితాలో, ఈ దిగ్గజం ఎనిమిదవ స్థానాన్ని దక్కించుకోవడం విశేషం. ఇది కేవలం సంఖ్య కాదు, అంతర్జాతీయ వేదికపై కంపెనీ సత్తా చాటిన గొప్ప గుర్తింపు. ఈ విజయంతో మారుతి సుజుకి కేవలం దేశీయంగా కాకుండా, ప్రపంచ మార్కెట్లో బలమైన పోటీదారుగా నిలుస్తోందని చెప్పవచ్చు.

కంపెనీ ప్రస్తుత మార్కెట్ క్యాపిటలైజేషన్ దాదాపు US$57.6 బిలియన్ మార్కును చేరుకుంది. ఈ స్థాయి వద్ద నిలబడటం వల్ల మారుతి సుజుకి, ఒకప్పుడు గ్లోబల్ ఆటోమొబైల్ రంగంలో ఆధిపత్యం చాటిన ఫోర్డ్, జనరల్ మోటార్స్ (GM), ఫోక్స్‌వ్యాగన్ వంటి స్థిరపడిన దిగ్గజాలను అధిగమించడం విశేషం. ఇక ఆశ్చర్యకరమైన విషయం ఏమిటంటే, మారుతి సుజుకి తన మాతృ సంస్థ అయిన జపాన్‌కు చెందిన సుజుకి మోటార్ కార్పొరేషన్ విలువను కూడా అధిగమించింది.

ప్రస్తుతం సుజుకి మోటార్ మార్కెట్ క్యాపిటలైజేషన్ US$29 బిలియన్గా ఉంది. వాహన విక్రయాల పరంగా చూసుకుంటే, మారుతి సుజుకి విజయంలో ప్రధాన పాత్ర పోషించినది చిన్న కార్ల విభాగం, ఎందుకంటే మొత్తం అమ్మకాలలో దాదాపు 60 శాతం వాటా ఈ సెగ్మెంట్‌కే చెందింది. ప్రపంచ ర్యాంకింగ్స్‌లో మారుతి సుజుకి ప్రస్తుతం ఎనిమిదవ స్థానంలో నిలిచింది. అయితే, మీ మనసులో వెంటనే వచ్చే ప్రశ్న ఏంటంటే, మొదటి స్థానంలో ఎవరు ఉన్నారు?.

ఈ స్థానంలో బిలియనీర్ ఎలోన్ మస్క్ సొంతం అయిన టెస్లా. టెస్లా ప్రస్తుతం దాదాపు US$1.4 ట్రిలియన్ మార్కెట్ క్యాపిటలైజేషన్‌తో మొదటి స్థానంలో అగ్రస్థానంలో ఉంది. అంతేగాక, రెండవ స్థానంలో ఉన్న కంపెనీ కంటే చాలా ముందంజలో నిలిచింది. ఆ రెండవ స్థానాన్ని టయోటా దక్కించుకుంది, దీని మార్కెట్ క్యాపిటలైజేషన్ దాదాపు US$314 బిలియన్. మూడవ స్థానంలో చైనాకు చెందిన బిల్డ్ యువర్ డ్రీమ్స్ (BYD) ఉంది.

బీవైడీ విలువ సుమారు US$133 బిలియన్. ఆసక్తికరమైన విషయం ఏమిటంటే, ఈ టాప్ 3లో ఇద్దరు కంపెనీలు EV తయారీదారులు కావడం. ఇది భవిష్యత్తులో ఎలక్ట్రిక్ వాహనాల ప్రాధాన్యం ఎంతగా పెరుగుతుందో చూపిస్తుంది. ఇక ఫెరారీ (US$92.7 బిలియన్) నాలుగో స్థానంలో, BMW (US$61.3 బిలియన్) ఐదో స్థానంలో, మెర్సిడెస్-బెంజ్(US$59.8 బిలియన్) ఆరో స్థానంలో ఉన్నాయి. వీటిని అధిగమించి మారుతి సుజుకి ఎనిమిదో స్థానంలో నిలబడటం నిజంగా గర్వించదగ్గ విషయం.

ఫోర్డ్ మాత్రం US$46.3 బిలియన్ విలువతో తొమ్మిదో స్థానంలో మారుతి కంటే వెనుకబడి పోయింది. అదేవిధంగా, జనరల్ మోటార్స్ (US$57.1 బిలియన్), ఫోక్స్‌వ్యాగన్ (US$55.7 బిలియన్) కూడా మారుతి సుజుకికి దగ్గరగానే ఉన్నా, వాటిని అధిగమించి ఎనిమిదో స్థానాన్ని సుజుకి సొంతం చేసుకోవడం ఒక గొప్ప విజయంగా చెప్పుకోవాలి.