అందరు ఎదురుచూస్తోన్న కారు డెలివరీలు ఆ రోజు నుంచే స్టార్ట్.. మీరు బుక్ చేసుకున్నారా?

ఇటీవల, మారుతి సుజుకి (Maruti Suzuki) తన కొత్త మిడ్-సైజ్ SUV విక్టోరిస్(victoris) ను భారత మార్కెట్లో ప్రారంభించింది. ఈ SUV ప్రత్యేకంగా ఆకర్షణీయమైన డిజైన్, ఆధునిక ఫీచర్లు, వినియోగదారుల అవసరాలను దృష్టిలో పెట్టుకుని రూపొందించబడింది. ఎక్స్‌టీరియర్ నుండి ఇంటీరియర్ డీటైల్స్ వరకు ప్రతీ అంశంలో ఆధునికత, సౌకర్యం అందిస్తుంది. ముఖ్యంగా కారు ప్రమాణికుల రక్షణ పరంగా 5 స్టార్ సేఫ్టీ రేటింగ్ పొందింది. ఇంత మంచి కారును జనాలు బాగానే బుకింగ్ చేసుకుంటున్నారు. ఆసక్తిగల వినియోగదారులు కేవలం రూ.11,000 ముందస్తుగా చెల్లించడం ద్వారా ఆర్డర్ చేయవచ్చు. విశేషంగా, ప్రారంభ కొన్ని రోజుల్లోనే SUVకు ప్రతిరోజూ 1,000 బుకింగ్‌లు వస్తున్నాయి, ఇది మార్కెట్లో దీని డిమాండ్, ప్రజల ఆసక్తిని స్పష్టంగా చూపిస్తుంది.

ప్రధానంగా, ఈ SUVను తక్కువ ధరలో అందుబాటులో ఉంచడం వల్ల, మిడ్-సెగ్మెంట్ SUVలను కోరుకునే వారికి ఇది చక్కటి ఎంపిక అవుతుంది. అయితే ఈ కారుకు సంబంధించిన డెలివరీలు సెప్టెంబర్ 22 నుండి ప్రారంభమవుతాయని కంపెనీ ప్రకటించింది, కాబట్టి త్వరగా బుక్ చేసుకుంటే కొత్త SUVని మొదటి రోజులలోనే పొందవచ్చు. మరో రెండు రోజుల్లో ఈ కారును కస్టమర్లు తమ చేతుల్లోకి తీసుకుంటారు.

ధర పరంగా, కొత్త విక్టోరిస్ రూ.10.50 లక్షల నుంచి రూ.19.99 లక్షల (ఎక్స్-షోరూమ్) వరకు లభిస్తుంది, ఇది వినియోగదారుల బడ్జెట్, అవసరాలకు తగిన వేరియంట్లను అందిస్తుంది. మారుతి విక్టోరిస్ SUVలోని ప్రత్యేకతలు, అందమైన డిజైన్, ఫీచర్లు, ధర శ్రేణి కలసి దీన్ని వినియోగదారుల మనసును గెలుచుకునే కొత్త మిడ్-సైజ్ SUVగా నిలుపుతున్నాయి. సమయానికి సరిగ్గా డెలివరీలు, బుకింగ్ డిమాండ్, ఫీచర్లు వలన మార్కెట్లో హాట్ కేక్‌లా అమ్ముడవుతుందని తెలుస్తోంది.

కొత్త మారుతి సుజుకి విక్టోరిస్ SUV శక్తివంతమైన, సౌకర్యవంతమైన పవర్‌ట్రెయిన్ ఎంపికలతో వస్తుంది. ఇది మూడు ప్రధాన ఇంజిన్ వేరియంట్లలో 1.5-లీటర్ మైల్డ్ హైబ్రిడ్ పెట్రోల్ ఫ్యూయల్ ఎఫిషియెన్సీని మెరుగుపరిచే విధంగా రూపొందించబడింది., రెండోది 1.5-లీటర్ స్ట్రాంగ్ హైబ్రిడ్ (పెట్రోల్ + ఎలక్ట్రిక్), శక్తి, మైలేజ్ మధ్య సమతౌల్యం కలిగిన ఎంపిక,ఇంకోటి 1.5-లీటర్ CNG ఇంజిన్‌లలో లభిస్తుంది.

విక్టోరిస్ SUVకు 5-స్పీడ్ మాన్యువల్, 6-స్పీడ్ ఆటోమేటిక్, e-CVT గేర్‌బాక్స్ ఎంపికలు ఉన్నాయి, కాబట్టి డ్రైవింగ్ అనుభవాన్ని వినియోగదారుల అవసరాలకు అనుగుణంగా సర్దుకోవచ్చు. మైలేజ్ పరంగా, ఈ SUV 21.06 నుండి 28.65 కి.మీ వరకు ఇంధన సామర్థ్యాన్ని అందిస్తుంది. గరిష్ట వేగం గంటకు 140 కి.మీ. ఇది కేవలం 14.2 సెకన్లలో 0 నుండి 100 కి.మీ/గంట వేగాన్ని అందించగలదు, అంటే శక్తివంతమైన, సమర్థవంతమైన ప్రదర్శన కలిగిన SUV.

ఈ కారు క్యాబిన్‌లో 10.1 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, ఆండ్రాయిడ్ ఆటో, ఆపిల్ కార్‌ప్లే, డిజిటల్ డ్రైవర్ డిస్‌ప్లే, వెంటిలేటెడ్ ఫ్రంట్ సీట్లు, పనోరమిక్ సన్‌రూఫ్, కప్/బాటిల్ హోల్డర్లు, 64 కలర్ యాంబియంట్ లైటింగ్, వైర్‌లెస్ ఫోన్ ఛార్జర్, ఆటో AC వంటి అనేక ఫీచర్లు ఉన్నాయి. ఇవన్నీ ప్రయాణికులకు అధిక సౌకర్యాన్ని, ఆధునిక అనుభవాన్ని ఇస్తాయి. భద్రత విషయంలో కూడా కొత్త SUV శ్రద్ధ పెట్టింది.

ఇందులో 6 ఎయిర్‌బ్యాగులు, ABS (యాంటీలాక్ బ్రేకింగ్ సిస్టమ్), EBD (ఎలక్ట్రానిక్ బ్రేక్‌ఫోర్స్ డిస్ట్రిబ్యూషన్), లెవల్ 2 ADAS (అడ్వాన్స్‌డ్ డ్రైవర్ అసిస్టెన్స్ సిస్టమ్స్), TPMS (టైర్ ప్రెజర్ మానిటరింగ్ సిస్టమ్), 360-డిగ్రీ కెమెరా వంటి ఆధునిక భద్రతా ఫీచర్లు ఉన్నాయి. వీటివల్ల ప్రయాణికుల రక్షణ గరిష్ట స్థాయిలో ఉంటుంది. ఇది భారత్ Ncap, గ్లోబల్ Ncap క్రాష్ టెస్ట్‌లో 5 స్టార్ రేటింగ్ పొందింది.