33కి.మీ మైలేజ్, 6 ఎయిర్‌బ్యాగ్‌లు, మైలేజీలో కింగ్..సేఫ్టీ పెంచిన మారుతి కారు పై ఏకంగా రూ.57,500 తగ్గింపు

భారతదేశంలో అత్యంత ప్రజాదరణ పొందిన కార్లలో మారుతి సుజుకి స్విఫ్ట్ ఎప్పుడూ ముందుంటుంది. మార్కెట్‌లోకి వచ్చి 20 ఏళ్లు దాటినా, ఈ కాంపాక్ట్ హ్యాచ్‌బ్యాక్ తన స్థానాన్ని పదిలం చేసుకుంది. ఇప్పుడు నాలుగో తరం మోడల్‌లో ఉన్న స్విఫ్ట్.. దాని అద్భుతమైన మైలేజ్, పర్‌ఫార్మెన్స్, మళ్లీ అమ్మేటప్పుడు మంచి ధర కారణంగా ఇప్పటికీ లక్షలాది మందికి ఫేవరెట్.

ముఖ్యంగా, కేంద్ర ప్రభుత్వం జీఎస్టీ తగ్గింపు ప్రయోజనాలను ఇటీవల కస్టమర్లకు అందించగా, ఇప్పుడు ఆ పండుగ సీజన్‌లో సేల్స్ పెంచేందుకు మారుతి సుజుకి రూ. 57,500 వరకు భారీ ఆఫర్లను ప్రకటించింది. 33 కి.మీ మైలేజ్ ఇచ్చే ఈ కారుపై ఉన్న ఆఫర్లు మరియు దాని ప్రత్యేకతలు ఇప్పుడు తెలుసుకుందాం.

మారుతి సుజుకి స్విఫ్ట్ భారత మార్కెట్‌లో 20 సంవత్సరాలకు పైగా అగ్రస్థానంలో ఉంది. ఈ కారుకు ఉన్న అపారమైన అభిమానం కారణంగా, వాడిన కార్ల మార్కెట్‌లో కూడా దీనికి విపరీతమైన డిమాండ్ ఉంది. ఈ కారు మెరుగైన ప్రాక్టికాలిటీ, అధిక మైలేజ్, అద్భుతమైన పర్‌ఫార్మెన్స్, అత్యుత్తమ రీసేల్ వాల్యూ ను ఒకే చోట అందిస్తుంది. ఈ కారును ఇప్పుడు కొని, భవిష్యత్తులో అమ్మినా పెద్దగా నష్టం ఉండదని కస్టమర్‌ల నమ్మకం.

కేంద్ర ప్రభుత్వం జీఎస్టీలో తగ్గింపులు తీసుకురావడంతో, మారుతి సుజుకి ఇటీవల తమ కార్ల ధరలను తగ్గించింది. స్విఫ్ట్ మోడల్‌పై కొత్త పన్ను స్లాబ్ ప్రకారం రూ. 85,000 వరకు ధర తగ్గింది. తాజాగా, పండుగ సీజన్‌ను దృష్టిలో ఉంచుకుని అమ్మకాలను పెంచేందుకు మారుతి సుజుకి కొత్త ఆఫర్‌లను ప్రకటించింది.

ఈ అక్టోబర్‌లో స్విఫ్ట్ కొనే వారికి గరిష్టంగా రూ. 57,500 వరకు తగ్గింపు లభిస్తుంది. ZXi పెట్రోల్ (మాన్యువల్, ఏఎమ్‌టీ) , CNG మోడల్స్ పై గరిష్ఠంగా రూ. 57,500 వరకు తగ్గింపు ఉంది. LXI వేరియంట్ పై రూ. 42,500 వరకు ఆఫర్ లభిస్తుంది. ఇందులో రూ. 10,000 క్యాష్ డిస్కౌంట్, రూ. 15,000 ఎక్స్ఛేంజ్ బోనస్ (లేదా రూ. 25,000 స్క్రాపేజ్ బోనస్), రూ. 7,500 వరకు అదనపు ప్రయోజనాలు ఉన్నాయి.

మారుతి స్విఫ్ట్ కొత్త ఎక్స్-షోరూమ్ ధరలు ఇప్పుడు రూ. 5.78 లక్షల నుండి రూ. 8.64 లక్షల వరకు ఉన్నాయి. కొత్త తరం స్విఫ్ట్ 1.2 లీటర్ Z-సిరీస్ త్రీ-సిలిండర్ పెట్రోల్ ఇంజిన్‌తో వస్తుంది. ఈ ఇంజిన్ 80 bhp శక్తిని, 112 Nm టార్క్ ను ఉత్పత్తి చేస్తుంది. ఇది 5-స్పీడ్ మాన్యువల్ లేదా ఏఎమ్‌టీ (ఆటోమేటిక్) ట్రాన్స్‌మిషన్ ఆప్షన్‌లతో లభిస్తుంది.

స్విఫ్ట్ అద్భుతమైన మైలేజీకి ప్రసిద్ధి. పెట్రోల్ (మాన్యువల్) వేరియంట్ పై లీటరుకు 24.80 కి.మీ, పెట్రోల్ (ఏఎమ్‌టీ) వేరియంట్ పై లీటరుకు 25.75 కి.మీ, కంప్రెస్డ్ నేచురల్ గ్యాస్‌ వేరియంట్ పై లీటరుకు 32.85 కి.మీ మైలేజ్ ఇస్తుంది. పాత స్విఫ్ట్ మోడళ్లలో భద్రతపై విమర్శలు ఉన్నప్పటికీ, కొత్త తరం స్విఫ్ట్ మోడల్ స్టాండర్డ్‌గా ఆరు ఎయిర్‌బ్యాగ్‌లతో మార్కెట్‌లో అందుబాటులో ఉంది.

ఇందులో రోల్‌ఓవర్ మిటిగేషన్‌తో కూడిన ఎలక్ట్రానిక్ స్టెబిలిటీ ప్రోగ్రామ్ (ESP), హిల్ హోల్డ్ అసిస్ట్, EBDతో కూడిన ABS, రివర్స్ పార్కింగ్ సెన్సార్‌లు, అన్ని సీట్ల ప్రయాణికులకు సీట్ బెల్ట్ రిమైండర్‌లు, త్రీ-పాయింట్ బెల్ట్‌లు వంటి భద్రతా అంశాలు ఉన్నాయి. మారుతి సుజుకి ఈ హ్యాచ్‌బ్యాక్‌పై 3 సంవత్సరాలు లేదా లక్ష కిలోమీటర్ల వారంటీని అందిస్తోంది.

మొత్తంగా, మెరుగైన మైలేజ్, ఆధునిక భద్రతా ఫీచర్లు, తాజా ఆఫర్ల కారణంగా ఒక మంచి చిన్న ఫ్యామిలీ కారు కొనుగోలు చేయాలనుకునే వారికి స్విఫ్ట్ ప్రస్తుతం బెస్ట్ ఆప్షన్‎గా ఉంది.