ఏకంగా బీఎండబ్ల్యూకే ఎసరు పెట్టిన మారుతి.. ఈ విటారాలో కాంపాక్ట్ ఈ-యాక్సిల్.. ఈ టెక్నాలజీ సీక్రెట్ ఇదే

మారుతి సుజుకి ఇండియా నుండి తొలి ఎలక్ట్రిక్ కారు లేదా SUV కోసం నిరీక్షణకు త్వరలోనే ముగింపు పలకవచ్చు. కంపెనీ తమ మొదటి ఎలక్ట్రిక్ మోడల్ ఈ-విటారాను సెప్టెంబర్ చివరినాటికి విడుదల చేయనుంది. దీని స్పెషాలిటీ ఏంటంటే భారతదేశంలో తయారైన ఈ మోడల్‌ను ప్రపంచవ్యాప్తంగా విక్రయిస్తారు. ఈ కారులో కంపెనీ భారతదేశంలో తయారుచేసిన కాంపాక్ట్ ఈ-యాక్సిల్‌ను ఉపయోగించనుంది.

బ్లూఈ నెక్సస్ అనే కన్సార్టియం సంయుక్తంగా దీన్ని తయారు చేసింది. ఇందులో టయోటా, ఐసిన్, డెన్సో వంటి కంపెనీలు ఉన్నాయి. ఈ-యాక్సిల్ అనేది మోటార్, ఇన్వర్టర్, ట్రాన్స్‌యాక్సిల్‌ను ఒకే కాంపాక్ట్ ప్యాకేజీలో కలిపే ఒక భాగం.

టెస్లా, బీఎండబ్ల్యూ, హ్యుందాయ్ వంటి కంపెనీలు ఉపయోగించే సిస్టమ్ కాన్సెప్ట్‌తో సమానంగా ఈ-యాక్సిల్ చాలా తక్కువ స్పేస్ తీసుకుంటూ అధిక పవర్ డెన్సిటీని సాధించడానికి కాంపాక్ట్ మోటార్, ఇన్వర్టర్‌ను ఉపయోగిస్తుంది. ఈ-విటారా మొదట భారతదేశంలో 61kWh బ్యాటరీ, సుమారు 500 కి.మీ. రేంజ్తో విడుదల కానుంది. టయోటా తమ SUV వెర్షన్‌లో దీనిని మొదట పొందే అవకాశం ఉందని వార్తలు వినిపిస్తున్నాయి.

ప్రస్తుతం భారతదేశంలో తయారుచేస్తున్న ఫ్రంట్ మోటార్ పవర్ అవుట్‌పుట్ 106kW (144hp), 128kW (174hp) మధ్య ఉంది. ముందు భాగంలో అమర్చబడే ఈ-యాక్సిల్ పొడవు తక్కువగా ఉంటుంది. కాబట్టి కారు బోనెట్లో సరిగ్గా సరిపోతుంది. వెనుక భాగంలో అమర్చబడే ఈ-యాక్సిల్ ఎత్తు తక్కువగా ఉంటుంది.

తద్వారా ఎక్స్ ట్రా పాసింజర్స్, సామాను కోసం మరింత స్పేస్ లభిస్తుంది. వెనుక ఈ-యాక్సిల్ గరిష్ట శక్తి 80kW (108hp). అయితే, భారతదేశంలో ఇది మొదట్లో లభించే అవకాశం లేదు. ఎందుకంటే AWD (ఆల్-వీల్ డ్రైవ్) వెర్షన్ తర్వాత వస్తుందని అంచనా.

ఈ చిన్న కొలతల కోసం, ఈ-యాక్సిల్ ఇన్వర్టర్ కోసం డబుల్-సైడెడ్ కూలింగ్‌ను ఉపయోగిస్తుంది. ఇది మరింత సమర్థవంతంగా, ఎక్కువ సామర్థ్యం గల అయస్కాంతాలను తయారు చేయడంలో సహాయపడుతుంది. దీనివల్ల ఈ-మోటార్ తేలికగా, చిన్నదిగా ఉంటుంది. బరువును తగ్గించడంలో సహాయపడే మరో ముఖ్యమైన విషయం ఏమిటంటే ఈ సందర్భంలో ఇన్వర్టర్‌ను ప్రధాన హౌసింగ్ లోపలే ఉంచుతారు.

కాబట్టి ప్రతి భాగానికి ప్రత్యేకమైన అదనపు హౌసింగ్ అవసరం లేదు. మోటార్ నుండి యాక్సిల్‌కు శక్తిని చేరవేసే షాఫ్ట్‌లు కూడా మరింత చిన్నవిగా ఉండవచ్చు, ఇది కూడా బరువును తగ్గిస్తుంది. ఎందుకంటే చిన్న షాఫ్ట్‌లను అంత బలంగా తయారు చేయవలసిన అవసరం ఉండదు. కచ్చితంగా మారుతి దీనిలో సక్సెస్ సాధిస్తుందని నమ్మకంగా చెబుతున్నారు.

డ్రైవ్‌స్పార్క్‌ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.