ఇక టూవీలర్లకు గుడ్ బై.. రోడ్ల మీదన్నీ ఈ కార్లే కనిపిస్తాయి.. 100కిమీ మైలేజీతో కామెట్ కంటే చిన్నది వచ్చేసింది

ఎలక్ట్రిక్ కార్లు(Electric Car) మన రోడ్లపై సందడి చేస్తున్నాయి. శబ్దం లేకుండా, గ్రీన్ నంబర్‌ప్లేట్‌తో సైలెంట్‌గా వెళ్లే ఈ కార్లను చూస్తుంటే కూడా ఓ రకమైన ఆనందం కలుగుతుంది. MG కామెట్(MG Comet) భారతదేశంలోనే అత్యంత బడ్జెట్-ఫ్రెండ్లీ ఎలక్ట్రిక్ కారుగా పేరుపొందింది. చిన్నపాటి సిటీ ప్రయాణాలకు పర్ఫెక్ట్ అని చాలా మంది ఇష్టపడుతున్నారు. అయితే, ఇంతకంటే చిన్న ఈవీ వస్తుందని ఎవరైనా ఊహించగలరా ?ని ఎవరైనా ఊహించగలరా?

అయితే, ఇప్పుడు ఇంటర్నెట్‌లో అలాంటి ఒక ఎలక్ట్రిక్ కారు వైరల్‌గా మారింది. కేజీ మోటార్స్(KG Motors) నుంచి వచ్చిన కొత్త చిన్న సింగిల్ సీటర్ ఎలక్ట్రిక్ కారు నెటిజన్ల మనసు దోచుకుంది. ఇది సాధారణ కార్ల కంటే చాలా చిన్నది. ఇందులో ఒక్కరు మాత్రమే ప్రయాణించగలరు. ఈ కారు ప్రస్తుతం భారతదేశంలో లేదు. కానీ భవిష్యత్తులో ఎప్పుడైనా ఇక్కడికీ రావచ్చు. దాని గురించి మరిన్ని వివరాలు ఈ వార్తలో తెలుసుకుందాం.

7,000 డాలర్లు, అంటే సుమారు 5.98 లక్షల రూపాయల ధరతో, ఈ కొత్త సింగిల్ సీటర్ ఎలక్ట్రిక్ కారును కంపెనీ మిబాట్ (MiBot) లేదా మొబిలిటీ రోబోట్ (Mobility Robot) అని పిలుస్తోంది. జపాన్‌లోని హిరోషిమా (Hiroshima) కేంద్రంగా పనిచేస్తున్న జపనీస్ స్టార్టప్ కంపెనీ KG మోటార్స్, ప్రస్తుతం 3,300 యూనిట్ల మిబాట్‌లను ఉత్పత్తి చేయాలని లక్ష్యంగా పెట్టుకుంది.

ఆసక్తికరమైన విషయం ఏమిటంటే, మార్కెట్‌లోకి అధికారికంగా విడుదల చేయడానికి ముందే ఈ వాహనాల్లో సగానికి పైగా అమ్ముడయ్యాయి. 2027 మార్చి నాటికి ఈ కార్లను డెలివరీ చేయగలమని ఎలక్ట్రిక్ కారు తయారీదారు ఆశిస్తున్నారు. జపాన్‌లోని ఎలక్ట్రిక్ వాహనాల మార్కెట్‌లో ప్రపంచంలోని అతిపెద్ద వాహన తయారీ సంస్థ టయోటా (Toyota) ను అధిగమించాలని ఈ ఈవీ స్టార్టప్ ప్లాన్ చేసింది.

ఇక ఈ చిన్న కారు గురించి మరిన్ని వివరాలు చూస్తే 1,500 మిల్లీమీటర్ల కంటే తక్కువ ఎత్తు ఉన్న కేజీ మోటార్స్ ఈ కొత్త సింగిల్ సీటర్ ఎలక్ట్రిక్ మిబాట్, పూర్తి ఛార్జ్‌పై 100 కిలోమీటర్ల దూరం వరకు ప్రయాణించగలదు.

రెండు చక్రాల వాహనాలకు బదులుగా సురక్షితమైన పద్ధతిలో ఇందులో ప్రయాణించవచ్చనేది మరో ప్లస్ పాయింట్. మిబాట్ ఎలక్ట్రిక్ కారును కేవలం 5 గంటల్లో పూర్తిగా ఛార్జ్ చేయవచ్చు. అదే సమయంలో, ఈ ఎలక్ట్రిక్ కారు గరిష్ట వేగం గంటకు 60 కిలోమీటర్లు అని కంపెనీ చెబుతోంది. ఈ గణాంకాల ప్రకారం, విలాసవంతమైన దానికంటే సామర్థ్యానికే ఈవీ ప్రాధాన్యత ఇస్తుందని కేజీ మోటార్స్ వ్యవస్థాపకుడు, సీఈవో కజునారి కుసునోకి(Kazunari Kusunoki) అన్నారు.

పన్నులను మినహాయిస్తే సింగిల్ సీటర్ ఎలక్ట్రిక్ మిబాట్ ధర 1 మిలియన్ యెన్ (7,000 డాలర్లు) ఖర్చవుతుందని ఆయన అన్నారు. ఈ ధర జపాన్‌లో అత్యంత ప్రజాదరణ పొందిన ఎలక్ట్రిక్ కారు నిస్సాన్ సకురా (Nissan Sakura)లో సగం ధర. ఈ చిన్న మొబిలిటీ రోబోట్ EV ఉత్పత్తిని ఈ సంవత్సరం అక్టోబర్ నుండి స్టార్టప్ బ్రాండ్ ప్రారంభించనుంది. దీనితో కేజీ మోటార్స్ ప్రపంచ ఎలక్ట్రిక్ కారు మార్కెట్‌ను ఆశ్చర్యపరచవచ్చు.

మొదటి 300 యూనిట్లను 2026 మార్చి చివరి నాటికి హిరోషిమా, టోక్యోలోని కస్టమర్‌లకు అందించాలని, మిగిలిన 3,000 యూనిట్లను దేశవ్యాప్తంగా ఎగుమతి చేస్తామని కంపెనీ చెబుతోంది. మొదటి బ్యాచ్‌లో స్టార్టప్‌కు నష్టం వస్తుందని, కానీ రెండవ బ్యాచ్‌లో లాభం సమానంగా ఉంటుందని కంపెనీ యజమాని అంటున్నారు. ఆ తర్వాత సంవత్సరానికి 10,000 యూనిట్లను ఉత్పత్తి చేయాలని బ్రాండ్ లక్ష్యంగా పెట్టుకుంది.

చిన్న పరిమాణంలో ఉన్న ఈవీలు బ్యాటరీతో నడిచే కార్ల వినియోగదారుల ఆమోదాన్ని పెంచడంలో సహాయపడ్డాయి. ప్రపంచంలోనే అతిపెద్ద EV మార్కెట్ అయిన చైనాలో SAIC, GM, Wuling వంటివి దీనికి ఉదాహరణ. భారతదేశంలో అయితే MG కామెట్ ఒక పెద్ద సంచలనాన్ని సృష్టించింది. ఇవన్నీ టూ-సీటర్ సౌలభ్యాన్ని అందిస్తాయి. మిబాట్ సింగిల్ సీట్ సెటప్‌లో వస్తున్నందున, ప్రపంచం దీన్ని ఎలా స్వీకరిస్తుందో చూడాలి.