బెంజ్ కొనాలనుకున్నోళ్లకి గుండె పగిలె న్యూస్.. జూన్ 1 నుంచి ఆకాశాన్నంటనున్న ధరలు

మెర్సిడెస్-బెంజ్.. భారతదేశంలోని ప్రముఖ లగ్జరీ కార్ల తయారీ సంస్థ. ప్రతి నెలా కోట్ల రూపాయల విలువైన విలాసవంతమైన కార్లను వేల సంఖ్యలో మెర్సిడెస్ సంస్థ విక్రయిస్తోంది. భారతదేశంలో బెంజ్ కార్లు లేని వ్యాపారవేత్తలు లేరంటే అతిశయోక్తి కాదు. అయితే, ఇతర కార్ల కంపెనీల మాదిరిగానే కార్ల ధరలను ఎప్పటికప్పుడు పెంచడాన్ని మెర్సిడెస్-బెంజ్ సంస్థ మరచిపోదు. నిర్ణీత కాల వ్యవధిలో మెర్సిడెస్ సంస్థ కార్ల ధరలను పెంచుతూ ఉంటుంది.

ఆ విధంగా, త్వరలో కొన్ని మెర్సిడెస్ కార్ల ధరలు పెరగనున్నాయి. వచ్చే జూన్ 1 నుండి అమల్లోకి రానున్న మెర్సిడెస్ సంస్థ ఈ కొత్త ధరల పెరుగుదల ప్రకారం, మెర్సిడెస్ కార్ల ధరలు గరిష్టంగా రూ.12.2 లక్షల వరకు పెరగనున్నాయి. దీనికి సంబంధించిన మరిన్ని వివరాలను ఈ వార్తలో చూద్దాం.

కార్ల తయారీలో నిరంతరం పెరుగుతున్న నిర్వహణ ఖర్చు, ఉత్పత్తి వ్యయం, రవాణా ఖర్చులు కార్ల కంపెనీలను ధరలు పెంచేలా చేస్తున్నాయి. అందుకే ప్రతి సంవత్సరం ఒకటి లేదా రెండుసార్లు కార్ల ధరలు పెరుగుతాయి. ప్రపంచంలోని పురాతన కార్ల కంపెనీ అయినప్పటికీ మెర్సిడెస్-బెంజ్ సంస్థ కూడా దీనికి మినహాయింపు కాదు. అయితే, త్వరలో మెర్సిడెస్ సంస్థ కార్ల ధరలను పెంచడానికి ఇవి మాత్రమే కారణం కాదు.

యూరోను రూపాయిగా మార్చేటప్పుడు ఏర్పడే తరుగుదల వ్యయం గత 4 నెలల్లో 10శాతం పెరగడం కూడా మెర్సిడెస్-బెంజ్ సంస్థ ఈ ధరల పెరుగుదలకు కారణం. దీనివల్ల, యూరప్ నుండి ఏదైనా వస్తువులను తెప్పించేటప్పుడు వాటి విలువ పెరుగుతుంది. మెర్సిడెస్ సంస్థ చాలా కార్లను భారతదేశంలోనే ఉత్పత్తి చేస్తుంది.

కానీ, కొన్ని కార్లను యూరప్ నుండి విడిభాగాలుగా తెప్పించి భారతదేశంలో ఉత్పత్తి చేసి విక్రయిస్తుంది. కొన్ని బెంజ్ కార్లు పూర్తిగా విదేశాల నుండి పూర్తి కార్లుగా భారతదేశానికి దిగుమతి అయ్యి విక్రయానికి వస్తున్నాయి. భారతదేశంలో ఉత్పత్తి చేసే కార్లకు కూడా కొన్ని భాగాలను మెర్సిడెస్ సంస్థ విదేశాల నుండి దిగుమతి చేస్తుంది.

అందుకే, యూరప్ నుండి తెప్పించిన భాగాలతో తయారుచేసే కార్ల ధరలను వచ్చే జూన్ నెల నుండి మెర్సిడెస్ సంస్థ పెంచనుంది. సాధ్యమైనంత వరకు ధరల పెరుగుదలను నివారించడానికి ప్రయత్నించామని, అయితే దానిని మించి కొన్ని కార్ల ధరలు జూన్ 1 నుండి పెరుగుతున్నాయని మెర్సిడెస్ సంస్థ తెలిపింది. అవి ఏయే బెంజ్ కార్లో ఇప్పుడు వరుసగా చూద్దాం.

మెర్సిడెస్-బెంజ్ సి-క్లాస్ (C-Class): మెర్సిడెస్ సంస్థ లో బాడీ స్టైల్‌ను కలిగిన సి-క్లాస్ కారులో తక్కువ ధర కలిగిన సి200 వేరియంట్ ధర మాత్రమే పెరుగుతుంది. మిగిలిన రెండు వేరియంట్‌లైన సి220డి, సి300 ధరల్లో ఎలాంటి పెరుగుదల ఉండదు. సి-క్లాస్ సి200 కారు ఎక్స్-షోరూమ్ ధర ప్రస్తుతం రూ.59.4 లక్షలు ఉండగా, త్వరలో ఇది రూ.90 వేలు పెరిగి రూ.60.3 లక్షలకు చేరుకుంటుంది.

మెర్సిడెస్-బెంజ్ జీఎల్‌సీ (GLC): మెర్సిడెస్-బెంజ్ సంస్థ పెద్ద సజు కలిగిన ఎస్‌యూవీ రకమైన జిఎల్‌సి భారతదేశంలో 300, 220డి వేరియంట్‌లలో విక్రయించబడుతోంది. ఇందులో, పెట్రోల్ వేరియంట్ అయిన '300' ఎక్స్-షోరూమ్ ధర రూ.76.8 లక్షల నుండి రూ.1.5 లక్షలు పెరిగి రూ.78.3 లక్షలకు చేరుకుంటుంది. మిగిలిన 220డి డీజిల్ వేరియంట్ ధరలో ఎలాంటి మార్పు ఉండదు.

మెర్సిడెస్-బెంజ్ ఈ-క్లాస్ (E-Class): సి-క్లాస్ సెడాన్ కారు మాదిరిగానే, ఈ-క్లాస్ సెడాన్ కారులో తక్కువ ధర కలిగిన ఈ200 వేరియంట్ ధర మాత్రమే రూ.2 లక్షలు పెరుగుతుంది. ప్రస్తుతం రూ.79.5 లక్షలుగా ఉన్న ఈ-క్లాస్ ఈ200 కారు ఎక్స్-షోరూమ్ ధర రూ.81.5 లక్షలకు పెరుగుతుంది. ఈ200 వేరియంట్‌తో పాటు, ఈ220డి డీజిల్ వేరియంట్ మరియు ఈ450 పెట్రోల్ వేరియంట్‌లో కూడా ఈ-క్లాస్ భారతదేశంలో విక్రయించబడుతోంది.

మెర్సిడెస్-బెంజ్ జీఎల్‌ఈ (GLE): ఈ ఖరీదైన ఎస్‌యూవీ కారులో కూడా తక్కువ ధర కలిగిన ఎంట్రీ-లెవెల్ వేరియంట్ అయిన '300డి ఏఎంజీ లైన్' ఎక్స్-షోరూమ్ ధరను మాత్రమే మెర్సిడెస్ సంస్థ వచ్చే జూన్ నుండి పెంచనుంది. ప్రస్తుతం రూ.99 లక్షలుగా ఉన్న ఈ డీజిల్ కారు ధర, జూన్ 1 నుండి రూ.2.5 లక్షలు పెరిగి రూ.1.15కోట్లకు చేరుకుంటుంది.

మెర్సిడెస్-బెంజ్ ఈక్యూఎస్ (EQS): భారతదేశంలో సెడాన్, ఎస్‌యూవీ బాడీ స్టైల్స్‌లో విక్రయించబడే బెంజ్ కారు ఈక్యూఎస్. జూన్ 1 నుండి ఈక్యూఎస్ ఎస్‌యూవీ కారు ధర మాత్రమే పెరుగుతుంది. ఈక్యూఎస్ ఎస్‌యూవీ కారులో కూడా '450' అనే ఎంట్రీ-లెవెల్ వేరియంట్ ధర మాత్రమే రూ.3 లక్షలు పెరుగుతుంది. ప్రస్తుతం రూ.1.28 కోట్లుగా ఉన్న ఈ ఎలక్ట్రిక్ బెంజ్ కారు ధర జూన్ నుండి రూ.1.37 కోట్లు అవుతుంది.

మెర్సిడెస్-బెంజ్ జీఎల్‌ఎస్ (GLS): భారతదేశంలో బాగా పాపులర్ అయిన బెంజ్ కారు జీఎల్‌ఎస్ కారు పెట్రోల్ వేరియంట్ ధర మాత్రమే ఈసారి పెరుగుతుంది. జీఎల్‌ఎస్ కారు పెట్రోల్ వేరియంట్ అయిన '450' ఎక్స్-షోరూమ్ ధర ప్రస్తుతం రూ.1.34 కోట్లు ఉండగా, వచ్చే జూన్ నుండి రూ.3.1 లక్షలు పెరిగి రూ.1.37 కోట్లకు చేరుతుంది.

మెర్సిడెస్-మేబాక్ ఎస్-క్లాస్ (Mercedes-Maybach S-Class): వచ్చే జూన్ నుండి ధర పెరగనున్న ఏకైక మెర్సిడెస్-మేబాక్ కారు ఎస్-క్లాస్. భారతదేశంలో మెర్సిడెస్ సంస్థ విక్రయించే అత్యంత ఖరీదైన సెడాన్ రకమైన మేబాక్ ఎస్-క్లాస్‌లో ఖరీదైన టాప్ వేరియంట్ అయిన ఎస్680 ధర మాత్రమే ఈసారి పెరుగుతుంది. పెద్దదైన 6 లీటర్ల ఇంజిన్‌తో విక్రయించబడే ఈ కారు ఎక్స్-షోరూమ్ ధర సుమారు రూ.12.2 లక్షలు పెరిగి రూ.3.60 కోట్లుకు చేరుతుంది.

డ్రైవ్‌స్పార్క్ అభిప్రాయం: మెర్సిడెస్ సంస్థ ఈసారి కార్లలో తక్కువ ధర కలిగిన ఎంట్రీ-లెవెల్ వేరియంట్ల ధరలను మాత్రమే పెంచింది. దీనికి కారణం, వినియోగదారులను ఆకర్షించే ప్రయత్నంలో భాగంగా చాలా కాలంగా వాటి ధరలు పెంచలేదు. జూన్ నుండి తీసుకురానున్న ఈ ధరల పెరుగుదల ఈ సంవత్సరంలో మెర్సిడెస్ సంస్థ మొదటి ధరల పెరుగుదల. రెండవ ధరల పెరుగుదల వచ్చే సెప్టెంబర్ నెల నుండి కార్ల ధరలపై 1.5శాతం వరకు ఉండనుంది.

డ్రైవ్‌స్పార్క్‌ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.