మైలేజ్ కావాలా? ఎక్కువ మంది ప్రయాణించాలా? అయితే ఈ కార్లను ఆలోచించకుండా కొనేయండి

చాలామంది ప్రజలకు కొత్త కారు కొనాలనేది ఒక కల. ముఖ్యంగా కుటుంబంతో కలిసి ఎక్కువ దూరం ప్రయాణించే వారికి పెద్ద, విశాలమైన ఎంపీవీ (MPV) కావాలని కోరుకుంటారు. అలాంటి వారి కోసం టయోటా ఇన్నోవా హైక్రాస్ (Toyota Innova Hycross), కియా కారెన్స్ క్లావిస్ (Kia Carens Clavis), మారుతి సుజుకి ఇన్విక్టో (Maruti Suzuki Invicto) లాంటి కార్లు బెస్ట్ ఆప్షన్లు. ఈ కార్ల ధర, ఫీచర్లు, స్పెసిఫికేషన్స్ గురించి పూర్తి వివరాలు ఈ వార్తలో తెలుసుకుందాం.

టయోటా ఇన్నోవా హైక్రాస్
టయోటా ఇన్నోవా హైక్రాస్ ఒక ప్రముఖ ఎంపీవీ. ఇందులో మొత్తం కుటుంబం సౌకర్యవంతంగా ప్రయాణించవచ్చు. దీని ఎక్స్-షోరూమ్ ధర రూ.19.94 లక్షల నుండి రూ.31.49 లక్షల వరకు ఉంటుంది. ఇది ప్లాటినం వైట్ పెర్ల్, ఆటిట్యూడ్ బ్లాక్ మైకా, సూపర్ వైట్, సిల్వర్ మెటాలిక్ వంటి రంగులలో లభిస్తుంది. ఈ కారు 2.0-లీటర్ పెట్రోల్, 2.0-లీటర్ హైబ్రిడ్ (ఎలక్ట్రిక్ + పెట్రోల్) ఇంజిన్ ఆప్షన్‌లలో అందుబాటులో ఉంది.

లీటరుకు 23 కి.మీల వరకు మైలేజ్ ఇస్తుంది. ఈ కారులో 7/8 సీట్ల ఆప్షన్ ఉంది. ఇందులో ఎక్కువ లగేజ్ పెట్టుకోవడానికి 300 లీటర్ల బూట్ స్పేస్ ఉంది. టచ్‌స్క్రీన్ ఇన్ఫోటైన్‌మెంట్ సిస్టమ్, డిజిటల్ డ్రైవర్ డిస్‌ప్లే, సన్‌రూఫ్, 9-స్పీకర్ సౌండ్ సిస్టమ్, ఆటో ఏసీ వంటి ఫీచర్లు ఇందులో ఉన్నాయి. సేఫ్టీ కోసం 6 ఎయిర్‌బ్యాగ్‌లు, ADAS (అడ్వాన్స్‌డ్ డ్రైవర్ అసిస్టెన్స్ సిస్టమ్స్), 360-డిగ్రీ కెమెరా ఉన్నాయి.

కియా కారెన్స్ క్లావిస్
కియా కారెన్స్ క్లావిస్ నమ్మకమైన ఎంపీవీ. దీని ధర రూ.11.50 లక్షల నుండి రూ.21.50 లక్షల(ఎక్స్-షోరూమ్) వరకు ఉంటుంది. ఇది ప్యూటర్ ఆలివ్, ఇంపీరియల్ బ్లూ, గ్లేసియర్ వైట్ పెర్ల్, గ్రావిటీ గ్రే, స్పార్క్లింగ్ సిల్వర్ రంగులలో లభిస్తుంది. ఈ కారులో 1.5-లీటర్ పెట్రోల్, 1.5-లీటర్ టర్బో పెట్రోల్, 1.5-లీటర్ డీజిల్ ఇంజిన్ ఆప్షన్స్ ఉన్నాయి.

ఇది లీటరుకు 15.34 నుండి 19.54 కి.మీల వరకు మైలేజ్ ఇస్తుంది. ఇందులో 6/7 సీట్ల ఆప్షన్ ఉంది. టచ్‌స్క్రీన్ ఇన్ఫోటైన్‌మెంట్ సిస్టమ్, డిజిటల్ డ్రైవర్ డిస్‌ప్లే, సన్‌రూఫ్ వంటి ఫీచర్లు ఇందులో ఉన్నాయి. సేఫ్టీ కోసం 6 ఎయిర్‌బ్యాగ్‌లు, ADAS (అడ్వాన్స్‌డ్ డ్రైవర్ అసిస్టెన్స్ సిస్టమ్), 360-డిగ్రీ కెమెరా ఉన్నాయి.

మారుతి సుజుకి ఇన్విక్టో
మారుతి సుజుకి ఇన్విక్టోను ఒక ఫ్లాగ్‌షిప్ ఎంపీవీగా పరిగణిస్తారు. దీని ధర రూ.25.51 లక్షల నుండి రూ.29.22 లక్షల వరకు ఉంటుంది (ఎక్స్-షోరూమ్). ఇది మెజెస్టిక్ సిల్వర్, మిస్టిక్ వైట్, స్టెల్లార్ బ్రాంజ్, నెక్సా బ్లూ, మాగ్నిఫిసెంట్ బ్లాక్ వంటి రంగులలో లభిస్తుంది. ఈ కారులో 2-లీటర్ స్ట్రాంగ్ హైబ్రిడ్ (పెట్రోల్ + ఎలక్ట్రిక్) ఇంజిన్ ఉంది.

ఇది లీటరుకు 23.24 కి.మీల వరకు మైలేజ్ ఇస్తుంది. ఇందులో 7/8 సీట్ల ఆప్షన్ ఉంది. టచ్‌స్క్రీన్ ఇన్ఫోటైన్‌మెంట్ సిస్టమ్, డిజిటల్ డ్రైవర్ డిస్‌ప్లే, డ్యూయల్-జోన్ క్లైమేట్ కంట్రోల్, సన్‌రూఫ్ వంటి ఫీచర్లు ఇందులో ఉన్నాయి. సేఫ్టీ కోసం 6 ఎయిర్‌బ్యాగ్‌లు, VSC (వెహికల్ స్టెబిలిటీ కంట్రోల్), 360-డిగ్రీ కెమెరా ఉన్నాయి.