ఒక్క లుక్‌తో కట్టిపడేస్తుంది.. లాంచ్‌కు సిద్ధంగా మినీ ఫార్చ్యూనర్.. మార్కెట్‌లో మరో బీస్ట్!

ఎంతో కాలంగా ఆటో ప్రేమికులు ఎదురుచూస్తున్న టయోటా ల్యాండ్ క్రూయిజర్ FJ (Toyota Land Cruiser FJ) SUV త్వరలో ప్రపంచానికి పరిచయం కానుందని వార్తలు వస్తున్నాయి. జపాన్ మీడియా నివేదికల ప్రకారం, ఈ కొత్త SUVను అక్టోబర్ 20న ఒక ప్రైవేట్ మీడియా ప్రివ్యూలో ఆవిష్కరించనున్నారు. ఈ ప్రివ్యూ ప్రత్యేకంగా ఎంపిక చేసిన వ్యక్తులకు మాత్రమే అందనుందని, జపాన్ మాగ్జైన్ అవుట్‌లెట్ మాగ్ఎక్స్ తెలిపింది. కొత్త మోడల్‌కు మినీ ఫార్చ్యూనర్ అనే ట్యాగ్ కూడా ఇచ్చారు, ఇది దీని సైజు, స్థిరమైన SUV మార్కెట్‌లో ఉన్న స్థానాన్ని సూచిస్తోంది. ప్రైవేట్ మీడియా ప్రివ్యూ పూర్తైన తర్వాత, ఈ SUVను 2025 జపాన్ మొబిలిటీ షోలో ప్రజలకు అందుబాటులోకి తేవడం జరుగనుంది.

ఈ విధంగా టయోటా తన మోటార్ షో షెడ్యూల్‌ను ప్లాన్ చేసిందని తెలుస్తోంది. అంతర్గతంగా ప్రాజెక్ట్ 500D అనే కోడ్ నేమ్‌తో అభివృద్ధి చేయబడిన ఈ SUV ప్రత్యేకంగా అభివృద్ధి చెందుతున్న మార్కెట్‌లను దృష్టిలో ఉంచి రూపొందించబడింది. ఇందులో ప్రధానంగా భారతదేశం, థాయిలాండ్, ఆసియాలోని ఇతర అభివృద్ధి చెందుతున్న దేశాలు ఉన్నాయి. టయోటా FJ SUVను గ్లోబల్‌గా కాదు, ప్రత్యేకంగా ఆసియా మార్కెట్ అవసరాలకు అనుగుణంగా వినియోగదారులకు ఆకర్షణీయంగా మార్చింది.

కొత్త ల్యాండ్ క్రూయిజర్ FJ SUV డిజైన్, ఇంజిన్, సేఫ్టీ ఫీచర్లు, ఆఫ్-రోడ్ సామర్థ్యం కలిపి మినీ ఫార్చ్యూనర్‌గా మార్కెట్‌లో విభిన్నతను చూపడానికి సిద్ధంగా ఉంది. భవిష్యత్తులో భారత వినియోగదారులకు ఇది సరైన ఆఫ్షన్‌గా మారే అవకాశం ఉందని ఆటో ఎక్స్‌పర్ట్స్ అంచనా వేస్తున్నారు. టయోటా కొత్త ల్యాండ్ క్రూయిజర్ FJ SUVని తయారు చేసే ప్రణాళికలు ఇప్పటికే స్పష్టంగా బయటపడుతున్నాయి.

ఈ SUV ప్రధానంగా థాయిలాండ్‌లోని బాన్ ఫో ప్లాంట్లో ఉత్పత్తి చేయబడుతుంది. ఈ ప్లాంట్ కేవలం స్థానిక అవసరాలను మాత్రమే కాకుండా, ల్యాండ్ క్రూయిజర్ FJ SUVకి అంతర్జాతీయ ఎగుమతి కేంద్రంగా కూడా పనిచేస్తుంది. అంటే, ఆసియా, మధ్యప్రాచ్యం, ఇతర అభివృద్ధి చెందుతున్న మార్కెట్‌లకు ఈ SUV ఎగుమతి చేయడం ఇక్కడి ద్వారా జరుగుతుంది. భారత మార్కెట్ కోసం, మహారాష్ట్రలోని ఛత్రపతి సంభాజీనగర్‌లోని టయోటా కొత్త ప్లాంట్‌లో అసెంబుల్ చేయనున్నారు.

ఇక్కడి తయారీ ద్వారా భారత వినియోగదారులకు స్థానికంగా అందుబాటులోకి తెచ్చే అవకాశం ఉంటుంది. అంచనాల ప్రకారం, ల్యాండ్ క్రూయిజర్ FJ SUV శక్తివంతమైన 2.7-లీటర్ నేచురల్లీ ఆస్పిరేటెడ్ (NA) పెట్రోల్ ఇంజిన్ ద్వారా వినియోగదారులను ఆకర్షించనుంది. ఈ ఇంజిన్ 163 bhp శక్తి, 245 Nm పీక్ టార్క్ ఉత్పత్తి చేయగల సామర్థ్యాన్ని కలిగి ఉంటుంది, ఇది SUVకి సిటీ డ్రైవ్‌తో పాటు ఆఫ్-రోడ్ పనితీరులో కూడా సమర్థతను ఇస్తుంది.

ప్రస్తుతం ఈ ఇంజిన్ ఫార్చ్యూనర్, హిలక్స్ SUVల్లో ఇప్పటికే వాడుకలో ఉంది, కనుక నమ్మకమైన పనితీరు, విశ్వసనీయతకు ఇది గ్యారెంటీగా ఉంది. ల్యాండ్ క్రూయిజర్ FJ SUVలో, ఈ మోటారు 6-స్పీడ్ మాన్యువల్ లేదా ఆటోమేటిక్ ట్రాన్స్‌మిషన్తో జతచేయబడుతుంది, దీనివల్ల డ్రైవింగ్ అనుభవం మరింత సౌకర్యవంతం అవుతుంది. ప్రస్తుతం NA పెట్రోల్ వెర్షన్‌లో SUV ప్రవేశపెట్టిన తర్వాత, భవిష్యత్తులో డీజిల్, టర్బో పెట్రోల్, హైబ్రిడ్ వేరియంట్లును మార్కెట్‌లో విడుదల చేయనున్నారు.

అంచనాల ప్రకారం, ల్యాండ్ క్రూయిజర్ FJ SUV ధర 25 లక్షల నుండి 35 లక్షల రూపాయల(ఎక్స్-షోరూమ్, భారతదేశం) మధ్య ఉండనుంది. ఈ ధర స్థాయి, SUVని ఫార్చ్యూనర్ కంటే దిగువ, కానీ ప్రీమియమ్ కాంపాక్ట్ SUV సెగ్మెంట్‌లో ప్రత్యేక స్థానంలో ఉంచుతుంది. ఈ కొత్త SUV 2026 మధ్యలో జపాన్‌లో మొదట విడుదల కానుంది. తర్వాత, దీని ఉత్పత్తి, వాణిజ్య వ్యూహానికి అనుగుణంగా, SUV భారతదేశం అందుబాటులోకి రానుంది.