అందుబాటు ధరలో కొత్త థార్.. కొండలు, గుట్టల్లో కూడా పరిగెత్తే శక్తివంతమైన మోడల్

దేశీయ ప్రముఖ కార్ల కంపెనీ మహీంద్రా (Mahindra) తన సత్తాను చాటడానికి కొత్తగా 2025 అప్‌డేటెడ్ థార్ 3-డోర్ ఫేస్‌లిఫ్ట్ (Mahindra Thar 3 Door Facelift) SUV, భారతీయ మార్కెట్లో విడుదలైంది. ఆఫ్-రోడ్ SUV సెగ్మెంట్‌లో ఇది వినియోగదారుల ముందుంచి నిలిచేలా డిజైన్, ఫీచర్లలో అనేక మార్పులను పొందింది. ఎక్స్‌టీరియర్ రూపకల్పన కొత్తతనం, స్పోర్టీ లుక్, అధునాతన ఫీచర్లతో మరింత ఆకర్షణీయంగా మార్చబడింది, అలాగే ఇంటీరియర్‌లోని అప్‌డేట్స్ కూడా ప్రయాణ అనుభవాన్ని మరింత సౌకర్యవంతంగా, ప్రీమియం లుక్‌తో మార్చాయి. కొత్త మహీంద్రా థార్ 3-డోర్ ఫేస్‌లిఫ్ట్ SUV ఎక్స్-షోరూమ్ ధర రూ.9.99 లక్షల నుండి రూ.16.25 లక్షల వరకు ఉంటుంది.

వినియోగదారులకు ఇది రెండు ప్రధాన వేరియంట్లు AXT, LXT అందుబాటులో ఉన్నాయి, వీటిలో ప్రతి వేరియంట్ ప్రత్యేకమైన ఫీచర్లు, స్టైల్‌లతో లభిస్తుంది. పవర్‌ట్రెయిన్ పరంగా, ఫేస్‌లిఫ్ట్ మోడల్‌లో ఎటువంటి పెద్ద మార్పులు చేయలేదు. పాత థార్‌లలో ఉన్న 1.5-లీటర్ డీజిల్, 2.2-లీటర్ డీజిల్, 2.0-లీటర్ టర్బోచార్జ్డ్ పెట్రోల్ ఇంజన్లు అలాగే ఉన్నాయి. ఈ ఇంజిన్లకు 6-స్పీడ్ మాన్యువల్, 6-స్పీడ్ ఆటోమేటిక్ గేర్‌బాక్స్‌ని వేరియంట్ ఆధారంగా జోడించారు.

మైలేజీ విషయానికి వస్తే, ఈ SUV సుమారు 15 kmpl వరకు ఇంధన సామర్థ్యం ఇస్తుంది, ఇది ఆఫ్ఫ్-రోడ్ SUV కోసం బలమైన సూచిక. అదనంగా, ఈ SUVలో 57 లీటర్ల ఇంధన ట్యాంక్ సామర్థ్యం ఉంది, దీని వల్ల దూర రోడ్డు ప్రయాణాలను సులభంగా చేయవచ్చు. కొత్త మహీంద్రా థార్ 3-డోర్ ఫేస్‌లిఫ్ట్ SUV లోని క్యాబిన్ డిజైన్ నిజంగా ఆకర్షణీయంగా రూపొందించబడింది.

బ్లాక్ థీమ్ డాష్‌బోర్డ్‌తో వినూత్నమైన స్టీరింగ్ వీల్, HD టచ్‌స్క్రీన్ ఇన్ఫోటైన్‌మెంట్ సిస్టమ్(26.03 సెం.మీ) వంటి ఆధునిక ఫీచర్లు ఉన్నాయి. ఇది ఆండ్రాయిడ్ ఆటో, యాపిల్ కార్‌ప్లేకు మద్దతు ఇస్తుంది, 4 స్పీకర్లు, 2 ట్వీటర్లతో ఆడియో అనుభవాన్ని అందిస్తుంది. సౌకర్యాలను మరింత పెంచేందుకు స్లైడింగ్ ఆర్మ్‌రెస్ట్, రియర్ వాష్ & వైపర్, రిమోట్ కీలెస్ ఎంట్రీ, రియర్ AC వెంట్స్, రియర్ పార్కింగ్ కెమెరా వంటి ఫీచర్లను జోడించారు.

భద్రత విషయంలో కూడా థార్ అత్యున్నత ప్రమాణాలను పాటిస్తుంది. ప్రయాణికులకు గరిష్ట రక్షణను అందించడానికి, ఈ SUV లో డ్యూయల్ ఎయిర్‌బ్యాగ్‌లు, ABS(యాంటీలాక్ బ్రేకింగ్ సిస్టమ్), EBD(ఎలక్ట్రానిక్ బ్రేక్‌ఫోర్స్ డిస్ట్రిబ్యూషన్), ESP (ఎలక్ట్రానిక్ స్టెబిలిటీ ప్రోగ్రామ్) వంటి ఆధునిక సేఫ్టీ ఫీచర్లు ఉన్నాయి. అదనంగా, TPMS (టైర్ ప్రెజర్ మానిటరింగ్ సిస్టమ్), క్రూయిజ్ కంట్రోల్, హిల్ హోల్డ్ & హిల్ డీసెంట్ కంట్రోల్ వంటి సౌకర్యాలు కూడా అందుబాటులో ఉన్నాయి.

ప్రస్తుతం మహీంద్రా రేంజ్‌లో థార్ మాత్రమే కాదు, మహీంద్రా థార్ రాక్స్ SUV కూడా వినియోగదారులకు అందుబాటులో ఉంది. ఈ SUV ఎక్స్-షోరూమ్ ధర రూ.12.25 లక్షల నుండి రూ.22.06 లక్షల వరకు ఉంటుంది, అంటే మధ్య-ప్రిమియం, ప్రీమియం సెగ్మెంట్లలోని కొనుగోలు అవకాశాలను అందిస్తుంది. పవర్‌ట్రెయిన్ పరంగా, థార్ రాక్స్ రెండు శక్తివంతమైన ఇంజిన్లతో లభిస్తుంది.

ఇది 2.0-లీటర్ 4-సిలిండర్ mStallion టర్బో పెట్రోల్ ఇంజిన్, 2.0-లీటర్ 4-సిలిండర్ mHawk డీజిల్ ఇంజిన్ వేరియంట్‌లను వినియోగదారులు ఎంచుకోవచ్చు. ఇంజిన్ శక్తివంతంగా ఉండటంతో, ఈ SUV నగరంలోనూ, ఆఫ్-రోడ్ పరిస్థితుల్లోనూ సులభంగా నడిపించగలదు. మైలేజీ విషయంలో, వేరియంట్ ఆధారంగా 12.4 kmpl నుండి 15.2 kmpl వరకు ఇంధన సామర్థ్యాన్ని ఈ SUV అందిస్తుంది. దీని వల్ల పొడవైన రోడ్డు ప్రయాణాలను కూడా ఆర్థికంగా, సమర్థవంతంగా పూర్తి చేయవచ్చు.