చిన్న ఫ్యామిలీలకు సరిపోయే కారు.. ఎక్కితే వావ్ అనాల్సిందే.. తక్కువ ధరలో ఇంత మైలేజ్ ఇస్తుందంటే అస్సలు నమ్మలేరు !

హ్యుందాయ్ నుండి కేవలం ఆరు లక్షల రూపాయలకే సరికొత్త కారు. ఇది మైక్రో క్రాస్‌ఓవర్ SUV డిజైన్‌తో హ్యాచ్‌బ్యాక్ ధరలో లభిస్తుంది. అంతేకాదు, లీటరుకు ఏకంగా 27.1 కిలోమీటర్ల మైలేజ్‌తో పాటు సన్‌రూఫ్ వంటి లేటెస్ట్ ఫీచర్లు కూడా ఉన్నాయి. హ్యుందాయ్ ఎక్స్‌టర్ (Hyundai Exter) గురించి మరిన్ని వివరాలు ఈ కథనంలో తెలుసుకుందాం.

హ్యుందాయ్ ఎక్స్‌టర్ ఒక మైక్రో క్రాస్‌ఓవర్ SUV. ఇది హ్యాచ్‌బ్యాక్ ధరలో SUV డిజైన్‌ను కలిగి ఉంది. దీని ఎత్తైన డిజైన్ క్యాబిన్ స్పేస్ పెంచడంతో పాటు బూట్ స్పేస్ కూడా చాలా పెద్దదిగా ఉంటుంది. హ్యుందాయ్ ఎక్స్‌టర్ ధర రూ.6 లక్షల నుండి ప్రారంభమై టాప్ మోడల్ వరకు రూ.10.51 లక్షల (ఎక్స్-షోరూమ్ ధరలు) వరకు ఉంది.

ఎక్స్‌టర్ మొత్తం 34 వేరియంట్లలో లభిస్తుంది. దీని బేస్ వేరియంట్ EX, టాప్ మోడల్ SX ఆప్ట్ కనెక్ట్ నైట్ DT AMT. ఈ కారు గురించిన మరిన్ని స్పెషాలిటీల గురించి తెలుసుకుందాం. హ్యుందాయ్ ఎక్స్‌టర్ SUV 1.2-లీటర్ 4-సిలిండర్ పెట్రోల్, CNG ఇంజిన్‌లతో వస్తుంది. ఇది 5-స్పీడ్ మాన్యువల్/ఆటోమేటిక్ గేర్‌బాక్స్‌ను కలిగి ఉంది.

ఈ ఇంజిన్ 82 bhp పవర్, 113.8 Nm పీక్ టార్క్‌ను ఉత్పత్తి చేస్తుంది. ఇది ఈజీ డ్రైవింగ్ ఎక్సీపీరియన్స్ అందిస్తుంది. సిటీ ప్రయాణాలకు చాలా అనుకూలంగా ఉంటుంది. హ్యుందాయ్ ఎక్స్‌టర్ కారు మంచి మైలేజ్‌ను అందిస్తుంది. దీని పెట్రోల్ మోడల్స్ మాన్యువల్‌తో 19.2 కి.మీ నుండి 19.4 కి.మీ వరకు, ఆటోమేటిక్‌తో 19.2 కి.మీ మైలేజ్‌ను ఇస్తాయి.

CNG మోడల్స్ అయితే కిలోకు 19.4 కి.మీ నుండి 27.1 కి.మీ వరకు మైలేజ్‌ను అందిస్తాయని కంపెనీ పేర్కొంది. హ్యుందాయ్ ఎక్స్‌టర్ కారులో 5 మంది వరకు ప్రయాణించవచ్చు. ఇది 8-ఇంచుల టచ్‌స్క్రీన్ ఇన్ఫోటైన్‌మెంట్ సిస్టమ్, సెమీ-డిజిటల్ డ్రైవర్ డిస్‌ప్లే, క్రూయిజ్ కంట్రోల్, వైర్‌లెస్ ఫోన్ ఛార్జింగ్, ఆటో AC, సన్‌రూఫ్‌తో సహా అనేక ఫీచర్లను కలిగి ఉంది.

సేఫ్టీ కోసం 6 ఎయిర్‌బ్యాగ్‌లు, ABS (యాంటీలాక్ బ్రేకింగ్ సిస్టమ్), EBD (ఎలక్ట్రానిక్ బ్రేక్‌ఫోర్స్ డిస్ట్రిబ్యూషన్), సీట్ బెల్ట్ రిమైండర్‌ను కూడా కలిగి ఉంది. ఈ కారు సేఫ్టీ పరంగా ది బెస్ట్ అని చెప్పొచ్చు. ఆరు ఎయిర్‌బ్యాగ్‌లు, EBDతో కూడిన ABS, రియర్ పార్కింగ్ సెన్సార్‌లు, త్రీ-పాయింట్ సీట్ బెల్ట్‌లు (అన్ని సీట్లకు), ఎమర్జెన్సీ బ్రేకింగ్ స్టాప్ సిగ్నల్ వంటి ఫీచర్లు అన్ని వేరియంట్‌లలో స్టాండర్డ్‌గా వస్తాయి.

ఎలక్ట్రానిక్ స్టెబిలిటీ కంట్రోల్ (ESC), వెహికల్ స్టెబిలిటీ మేనేజ్‌మెంట్ (VSM), హిల్-స్టార్ట్ అసిస్ట్ కంట్రోల్ (HAC) వంటి సేఫ్టీ ఫీచర్లు మొత్తం భద్రతను మరింత పెంచుతాయి. టైర్ ప్రెజర్ మానిటరింగ్ సిస్టమ్, డైనమిక్ గైడ్‌లైన్స్‌తో కూడిన రియర్ కెమెరా, డాష్‌క్యామ్ వంటి ఫీచర్లు టాప్ వేరియంట్‌లలో అదనపు భద్రతను అందిస్తాయి.

ఈ కారు క్యాబిన్ ఎక్సీపీరియన్స్, స్పేస్, ప్రాక్టికాలిటీ, సౌకర్యం, డ్రైవింగ్ సౌలభ్యం, బూట్ స్పేస్ వంటి అనేక విషయాల్లో ఎక్స్‌టర్ చాలా బాగుంది. ఫీచర్లు కూడా చాలా అద్భుతంగా ఉన్నాయి. ఈ ధరల శ్రేణిలో దీన్ని ఓడించడం చాలా కష్టం.

డ్రైవ్‌స్పార్క్‌ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.